LOMA YAABA 12:9 - Gourmanchéma Bible

⁹ Yin da bua yi lieba mo leni pala lie. Yin yaa nani mani yaala n bia, ki yaa kubi yaala n ŋani ke li pa.

U TIENU MAAMA TILI 2013

⁹ Yin da bua yi lieba mo leni palalie. Yin yaa nani yaala n bia, ki yaa kubi yaala n ŋani ke li pa.

LOMA YAABA 12:9 ပူးပေါင်းရင်းမြစ်များ

Pisomi 101:3

N kan mangi n pali leni yaala bia noanlima, N nani ti *tuonbiadi danba tagi, N kan baa ŋantaadoba leni laa tagi.

Pisomi 119:104

A mabilikaama n teni ke n tua yanfodaano Lani n teni ke faama bonla kuli fa npo.

Pisomi 119:163

N nani ki go sengi mi faama. Ama n bua a bali maama.

Pisomi 34:14

Wan kubi o lanbu leni mi biadima, Ki kubi o ñoacuuna mo leni i boandi maama.

Pisomi 36:4

Faama leni janbi maama n ña o ñoabu nni. Yaala n ŋani tienma ki go pia opo mayuli.

Pisomi 45:7

U Tienu, a bali kalikaanu ye hali yaa yogunu kuli. A badigbiamu mo tie mi teginma gbiamu.

Pisomi 55:21

Laa ja fii ki pua o danlinba Waa kubi wan bili yaa danligu *ŋantaado.

Pisomi 97:10

Yinba yaaba n bua Li Miali Diedo, nandi mani yaala n bia! O kubi o *nidugikaaba miana Ki faabidi ba bi nibiadiba nuu nni.

Mi Kpanjama 26:25

O yaa maadi leni mi buama ŋan da daani o, Kelima o pali nni yanjaga *joagini hali boncianla.

Mi Kpanjama 8:13

Yua n fangi Li Miali Diedo baa yaa nani mi biadima, Mini mi yanfuoma, n nani ti japaadi leni li yusieli, Leni yaa ñoabu n maadi yaa maama n bia.

Esekieli 33:31

N niba yeni kpendi boncianla a kani ki bua ki gbadi a maama. Bi cengi ma wani, ama bi nan kan kubi ma, kelima bi pia mamandi bebe. Lanwani bi gbanandi bonbuakaala n dia ba.

Amosi 5:15

Nandi mani yaala n bia tienma, Ki bua yaala n ŋani yaa tienma, Yin yaa ja ti buudi leni mi teginma u bujiakaanu. Daalinba, Li Miali Diedo, U Tienu, U Paaciamu Kuli Daano, Baa gbadi mi niñima, Josefi puoliŋuani, yi n sieni po.

Matie 26:49

Lanyogu liga Judasa den nagini Jesu kani ki yedi o: «Canbaa, n juadi a,» ki gobini o.

Jan n diani U Tienu Laabaaliŋamo maama 12:6

Wan den maadi yeni, laa tie ke o bua a luoda ka, li tie ke o den tie conconli. O den kubi bi ligiboagili ki yen ñandi o yuli po ban ŋu yaala lienni.

Jesu Tondiba Tuona 11:23

Wan den pundi ki laa U Tienu *ŋanbili, o pali den mangi. O den tundi bikuli ke ban yaa ŋua o Diedo leni payenli.

2 Korenti 6:6

Ti moandi ki pia laa siediŋamo kelima ti yantugupiendi po, mi bandima po, li juunli po, li ŋanbili po, U Tienu Fuoma Yua po leni mi buamoanma po.

2 Korenti 8:8

Mii bili yipo n ñoabonbilikaali ka, n togidi nitoaba yaa yankuale ki bua ki biigi ki le yi buama yaa tie buamoanma.

1 Tesaloniki 2:3

Tin den tundi yi yaa tundi naa den ŋua leni boandi, bi leni yantiajoagindiba, bi leni janbi mo.

1 Tesaloniki 5:15

Yin fangi mani yi yula ki da guani oba kuli o biadima panpaani. Ama yogunu kuli yin moandi mani ki yaa tiendi yaala n ŋani yiyaba po leni bi niba kuli po.

1 Tesaloniki 5:21

Yin yaa bigidi mani li bonla kuli ki yaa kubi yaala n ŋani.

1 Timote 1:5

Laa tundi n baa cuani yaala tie yaa buama n ña yaa pali n pieni niinni, leni yaa pali siedi n ŋani, leni li dandanmoanli.

Hebilunba 1:9

A bua mi teginma, Ki nani mi biadima. Li tie lani yaa po, fini U Tienu, ke a Tienu gandi a Ki wuli a yuli po li pamanli kpama, Ki teni ke a pia ti jigidi ki cie a lieba.»

Hebilunba 12:14

Yin lingi mani mi yanduanma leni bi niba kuli, ki go lingi mi gagidiŋanma, kelima yua n naa pia mani kan le o Diedo.

Jaki 3:17

Ama yaa yanfuoma n ñani tanpoli n tie maama nne: Mi kpa ŋani cain, yaala n ŋua mo tie ke mi kpendinni mi yanduanma, mi dingi, mi pia li yumiinli ki gbie leni mi niñingbadima, mi tiendi a tuonŋama, maa tiendi gagidima bi niba siiga, maa pia pala lie mo.

1 Pieri 1:22

Moala yi ŋanbi yi yula leni yin ŋua i moamoani ke yin fidi ki yaa pia yaa buama n kaa pia tuonanma yi kpiiba po. Lanwani yin yaa bua mani yiyaba hali boncianla leni yi pala kuli.

1 Pieri 4:8

Yaala n cie likuli tie ke yin yaa bua mani yiyaba leni yi pala kuli, kelima mi buama doagini ti tuonbiadi boncianla.