LOMA YAABA 12:8 - Gourmanchéma Bible

⁸ Yua mo n pia ki yaa paagidi o lieba pala yaa paabu, wan yaa paagidi bi pala. Yua n pia ki yaa puuni yaaba n luo bu paabu mo, wan yaa puuni ba leni ti bulicindi. Yua n baa mi gobidima yaa paabu mo, wan yaa gobidi leni li yankuali. Yua mo n baa mi niñingbadima yaa paabu, wan yaa pia li pamanli lipo.

U TIENU MAAMA TILI 2013

⁸ Yua mo n pia ki yaa paagidi o lieba pala yaa paabu, wan yaa paagidi bi pala. Yua n pia ki yaa puuni yaaba n luo bu paabu mo, wan yaa puuni ba leni ti bulicindi. Yua n baa mi gobidima yaa paabu mo, wan yaa gobidi leni li yankuali. Yua mo n baa mi ninñingbadima yaa paabu, wan yaa pia li pamanli li po.

LOMA YAABA 12:8 ပူးပေါင်းရင်းမြစ်များ

Mi cilima 18:19

N den gandi wani ke wan bili li ñoabonli o bijaba po leni o diegu yaaba po, yaaba n baa ŋua o puoli ke baa kubi Li Miali Diedo yaa sanu ki go tieni yaala n tiegi ki yaa kubi mi *teginma. Li tie lani yaa po ke Li Miali Diedo baa tieni Abalahama po wan den niani o yaala kuli.»

Pisomi 112:9

O puuni a luoda leni ti bulicindi. O teginma ye hali yaa yogunu kuli. O paaciamu mo pugidi leni ti kpiagidi.

Pisomi 37:21

O nibiado yen ledi o kan guani. O niteginka gba mi niñima ki go puuni.

Mi Kpanjama 22:9

Yua n pia ti bulicindi baa baa li seli Kelima o puuni o luodo li bonjekaala.

O Yanfuodaano 11:6

Ŋan buli a bonbulikaala hali ku tiŋaagu, ku yenjuogu mo ŋan da fuodi, kelima ŋaa bani a tuonli yaali yaa po n baa cuoni bi a tuona kuli n yaa baa baa ti ñuadi.

O Yanfuodaano 9:10

Ŋan baa fidi ki tieni yaala leni a fidu kuli, ŋan tieni la, kelima tuonli, bi kpaagili, bi bandima, bi yanfuoma naa ye bi tinkpiba yekaanu ŋan caa yu yaa po yeni niinni.

Esayi 32:5

Bi kan go yini yanluodaano bulicino, Bi ki yedi ke niyuogu tie niŋamo.

Esayi 32:8

Ama o bulicino yanjaga tie bulicinyanjaga, Moko o se o bulicinyanjaga nni.

Esayi 64:5

Tikuli tua nani yaa bonla n *joagini yeni, Ti teginma tuona mo kuli tua nani yaa tiayiekaadi n joagini yeni. Tikuli mali nani ti faadi yeni Ti tagili mo tugi ti nani u faalu yeni.

Matie 25:40

Lani, o bado baa goa ki yedi ba: ‹N waani yi i moamoani, yaa yogunu ke yi den tieni la n kpiiba na siiga baa yua yaa kpiagidi n wa ki cie po, yi den tieni la n yaa po yo.›

Jesu Tondiba Tuona 11:23

Wan den pundi ki laa U Tienu *ŋanbili, o pali den mangi. O den tundi bikuli ke ban yaa ŋua o Diedo leni payenli.

Jesu Tondiba Tuona 13:12

Gufeneeli n den laa yaala n tieni yeni, o den daani kelima o Diedo maama bangima n den cuo o pali maama po.

Jesu Tondiba Tuona 13:15

Bi yudanba n den cogi li *bali maama leni bi sawalipuaba maama ki gbeni, bi den soani Polo leni o lieba kani ki yedi ba: «Ti kpiiba Jufinba, yi yaa pia tundiba bi niba po, yin maadi mani.»

Jesu Tondiba Tuona 15:32

Jude leni Silasa, yaaba n tie bani biba sawalipuaba, den tundi bi kpiiba ki paagi bi pala ke ban yaa se ke li pa li *dandanli nni.

Jesu Tondiba Tuona 20:2

O den poandi mi diema yeni niinni, ki maadi ki paagidi bi niba pala boncianla, ki suagi ki gedi *Gilesi diema nni.

Jesu Tondiba Tuona 20:28

Yin yaa fangi mani yi yula po ki go yaa gu u yankulu kuli, yu n tie Kilisiti n yini yaaba, U Tienu Fuoma Yua n kaani yi yaaba yaa siiga ke yin yaa tie bi gobidikaaba, ki tie nani bi yankpaaba ki yaa kpaa U Tienu nitaanli yaaba, wan da yaaba leni o soaceli.

Jesu Tondiba Tuona 4:36

Josefi, Jesu tondiba n den cili yua yaa yeli Banabasa, lan tie yua n paagidi bi niba pala. O den tie Lefi buolu yua ki ñani Sipila diema nni.

LOMA YAABA 12:13

Yin yaa todi mani bi nigagidiŋanba leni ban luo yaala, ki gaani bi canba cangu bonŋanla.

LOMA YAABA 13:6

Li tie lani yaa po ke yi pa li lubili moko. Mi diema bali danba tie U Tienu naacenba laa tuonli po.

1 Korenti 12:28

U Tienu kpa bili Kilisiti n yini yaaba siiga, bi tondiba, miliema bi mawangikaaba, mi taama bi bangikaaba. Li yaa puoli li pia yaaba n tiendi mi bancianma, tianba ke bi baa paagidi a yiama, tianba mi todima paabu, bi tianba mi gobidima paabu, tianba malanma maama paabu.

1 Korenti 14:3

Ama yua n wangi U Tienu n yedi o yaala maadi leni bi niba, ki todi ba ke bi suagi liiga, ki tundi ba ki go paagidi bi pala, ki baagi baa mo.

2 Korenti 1:12

Tin jigini ti yula yaala yaa po tie ke ti pala siedi doagidi ke ti ye ŋanduna nni leni yaa tagu n gagidi leni yaa yantugupiendi n ñani U Tienu kani. Yaala n cie mo tie ke ti tagu den tie yeni yi moko yaa siiga. Tii den pia laa tagiŋamu kelima o nisaalo yanfuoma po ka, ama kelima U Tienu ŋanbili po.

2 Korenti 11:3

Ama n jie ke nani o wa n den boandi Awa leni o nunfanbiadibu maama, ke ban da ti biidi yi yantiana yin yaadi ki ŋa Kilisiti, yin bua yua leni payenli yeni.

2 Korenti 8:12

O nilo yaa pia li yankuali ki baa tieni mi todima, U Tienu baa ga la ki nua o piama banlu, ki naa nua wan ki pia yaala.

2 Korenti 9:11

Yeni yi baa yaa pia ke li dagidi li bonla kuli nni, ki yaa puuni leni ti bulicindi yogunu kuli, ke yin soani ti tin teni yaaba yi todima yeni baa tuondi U Tienu.

2 Korenti 9:13

Laa tuonli n pia yaa ñuadi po teni ke bi pagi yi leni yin tuo ki go ŋua Kilisiti Laabaaliŋamo maama, leni yin puni bu paabu leni ti bulicindi maama bani yaa po leni bi niba kuli po.

2 Korenti 9:7

Nilo kuli n pa nani wan den jagi ki bili o pali nni maama, ki da pa leni pabiidili, yaaka kelima paalu po, kelima U Tienu bua yua n puuni leni li pamanli.

Efesa 6:5

Yinba i yonbi, yin tuo ki yaa tiendi yin pia yaa canbaanba ŋanduna nni n yedi yaala leni li fangili leni mi digibima leni li payenli, nani yin tuo ki tiendi Kilisiti n yedi yaala maama.

Mi Tiadima 15:14

A baa ñani a yanbidi nni, a jalu nni leni a datuodikaanu nni bonla ki pa o. A baa baa liba Li Miali Diedo a Tienu n seligi a ki puni a yaala yeni siiga ki pa o.

Mi Tiadima 16:11

Yi baa mangi yi pala Li Miali Diedo yi Tienu nintuali, Li Miali Diedo yi Tienu n baa gandi ki kuani o yeli yaa kaanu yeni kani, yinba yi puoba, Lefi buolu yua, yua n ye leni yi, o caano, ki kpienbiga leni li kpepuoli yaaba n ye leni yi.

Kolosi 3:22

Yinba i yonbi, yin yaa tuodi ki ŋua yi canbaanba ŋanduna nni li bonla kuli nni. Yin da tieni mani yeni ban nua yi yaa yogunu bebe, nani yi bua ki mangi bi pala yeni. Ama yin yaa tiendi yeni yogunu kuli leni li payenli, kelima yi fangi o Diedo.

1 Tesaloniki 2:3

Tin den tundi yi yaa tundi naa den ŋua leni boandi, bi leni yantiajoagindiba, bi leni janbi mo.

1 Tesaloniki 2:8

Tin den pia yipo yaa buama, li den mani tipo ke ti waani yi U Tienu Laabaaliŋamo. Laa tie lani bebe ka, ti den bua ki pa yi baa ti yula moko, kelima ti buama yipo den pundi hali laa bianu.

1 Timote 4:13

Hali min baa cua, ŋan tieni ania ki yaa cogi U Tienu maama ki yaa tundi ba ki go bangi ba.

1 Timote 5:17

Li pundi ke Kilisiti n yini yaaba nikpeliba yaaba n gobidi bonŋanla n baa ti jigidi ki cie. Lan pundi yaaba n baa yeni ki cie tie yaaba n kuandi bi yama U Tienu maama wangima nni leni U Tienu maama bangima nni.

1 Timote 6:18

Ŋan go tundi ba ke ban yaa tiendi yaala n ŋani, ki tiendi a tuonŋama ke li yaba, ke lani n yaa tie bi piama. Ŋan go tundi ba ke ban yaa pia ti bulicindi, bi nii mo n yaa tiani.

Hebilunba 10:25

Tin da ŋa mani ti taanma nani bi tianba n maani ki tiendi maama. Ama tin yaa paagidi mani tiyaba pala ki pugidi yin laa ke o Diedo daali nagidi yeni.

Hebilunba 13:17

Yin yaa tuodi ki ŋua mani yaaba n gobidi yi, ki yaa fangi ba kelima bi gu yi naani, ki bani ke bi baa togidi U Tienu yi maama. Yaa tiendi mani yeni ke ban fidi ki yaa togidi ma leni li pamanli ki naa yenbidi, kelima li kan yaa pia yipo fuomaba.

Hebilunba 13:22

N kpiiba, n mia yi ke yin juuni ki ga i naa tundi, kelima min diani yipo yaa maama ki fuu.

Hebilunba 13:24

Yin fuondi mani yi gobidikaaba kuli leni bi *nigagidiŋanba kuli. Yaaba n ye Itali diema fuondi yi.

Hebilunba 13:7

Yin yaa tiani mani yi gobidikaaba po, bani yaaba n den waani yi U Tienu maama. Yin kpaagi mani bi yema leni bi juodima ki yaa togidi bi *dandanli.