LOMA YAABA 12:2 - Gourmanchéma Bible

² Da taa mani leni ŋanduna na niinni yaaba, ama yi yantiana pandima n teni yin lebidi ke yin fidi ki gagidi ki bandi U Tienu yanbuama, lani n tie yaala n ŋani, ki mani opo, ki go dagidi cain.

U TIENU MAAMA TILI 2013

² Da taani mani leni ŋanduna na niinni yaaba. Ama yi yantiana pandima n teni yin lebidi, ke yin fidi ki gagidi ki bandi U Tienu yanbuama. Lani n tie yaala n ŋani, ki mani o po, ki go dagidi cain.

LOMA YAABA 12:2 ပူးပေါင်းရင်းမြစ်များ

Esidirasi 10:11

Moala yin tuo mani yi tuonbiadi Li Miali Diedo yi yaajanba Tienu kani ki tieni wani n bua yaala. Yin paadi mani leni mi diema nilanbuoli leni bi nilanpuoba.»

Pisomi 119:103

N yaa gba a ñoaniani, li mani npo Ki cie n yaa di ti siadi.

Pisomi 119:128

Li tie lani yaa po ke n nua Ke a mabilikaama tiegi li bonla kuli nni. Lani n teni ke faama bonla kuli fa npo.

Pisomi 119:174

Li Miali Diedo, n fuo ki duogi ki lingi a yaa faabima A bali maama mo n tie n pamanli.

Pisomi 119:72

A ñoabu nni balimaama ŋani npo ki cie Wula leni ŋanjilifa tudatuda bam.

Pisomi 119:97

Diidi min bua a bali maama maama! Mi tie min kpaagi yaama yaa po daali kuli.

Pisomi 34:8

Li Miali Diedo maleki guu yaaba n fangi o kuli, Ki yen faabidi ba.

Pisomi 51:10

Teni min le li pamancianli. Ke ŋan den mudi n kpaba yaa yeni mo n le li pamankandikaali.

Mi Ñama 23:2

Ŋan da taani leni ku niligu ki tieni yaala n bia, ŋan da taani ti buudi yogunu bi niba n yaba naanpo ki tieni yaala n ki tiegi.

Esekieli 18:31

Yin foagidi mani leni yin den tiendi yaa biadima. Baa mani papanli leni yantiapanli. Be yaa po ke yinba Isalele yaaba, yi baa kpe?

Esekieli 36:26

N baa pa yi papaana ki go kuani yi niinni yantiapaana. N baa ñani yi pala ya n juagi nani a tana yeni, ki lebidi ki pa yi yaa pala n dingi.

Matie 13:22

Yi n den baa ti konkondi nni tie nani yua n gbadi mi maama, ama ŋanduna yema yanyagidi leni ŋalimani boandi kuli dini ma ki teni ke maa luoni pu.

Marki 4:19

ama mi yema yanyagidi, leni mi ŋalimani boandi, leni bonbuakatoala kuli yen taani ki je mi maama, ki teni ke mi kan luoni pu.

Jan n diani U Tienu Laabaaliŋamo maama 14:30

N kan go maadi leni yi boncianla, kelima *ŋanduna bado kpendi. Waa pia npo baliba kuli.

Jan n diani U Tienu Laabaaliŋamo maama 15:19

Ŋanduna bi baa bua yi yi yaa bi tie o yaaba, ama kelima yii tie ŋanduna yaa yaaba, ke n go gandi yi ki paadi leni ŋanduna, lani yaa po ŋanduna yaaba nani yi.

Jan n diani U Tienu Laabaaliŋamo maama 17:14

N caa ba a tondu. Ŋanduna yaaba nani ba, kelima baa go tie ŋanduna yaaba nani mini n ki tie ŋanduna yua maama.

Jan n diani U Tienu Laabaaliŋamo maama 7:7

Ŋanduna yaaba kan fidi ki yaa nani yi, ama bi nani mini wani, kelima n tiendi siedi ke ban tuuni yaa tuona bia.

LOMA YAABA 12:1

Lani yaa po n kpiiba, n mia yi ki go tundi yi kelima U Tienu niñingbadima yaa po, ke yin pa U Tienu yi yula nani yaa padili n fo, yaali n gagidi ki mani opo. Lani n tie lan pundi yin yaa kpiagidi o maama.

LOMA YAABA 13:14

Yin laa mani o Diedo Jesu Kilisiti yaa tagu, ki da cedi yi gbanandi bonbuakaala n dadi yi.

LOMA YAABA 7:12

Baa yeni, li bali maama gagidi ki ;nani, mi mabilikaama moko gagidi ki ;nani ki tiegi ki go pia mayuli.

LOMA YAABA 7:14

Ti bani ke li bali maama ñani U Tienu kani. Ama mini wani tie nisaalo ki ;nua n gbanandi n bua yaala, ki tie nani bi kuadi nni ti tuonbiadi po yeni.

LOMA YAABA 7:22

N pali tugu nni U Tienu bali maama mani npo.

1 Korenti 3:19

Kelima ŋanduna na yaa yanfuoma tie yanluoma U Tienu po. Li diani yeni ki yedi: «O co bi yanfodanba bi nunfanbu nni.»

2 Korenti 4:4

bani yaaba n kaa daani po. Sutaani, yua n die ŋanduna, na juani bi yantiana, ke ban da le Kilisiti yua n tie U Tienu nannanli yaa Laabaaliŋamo kpiagidi yendi.

2 Korenti 5:17

O nilo yaa ye Kilisiti nni, o tie tagipanma, li bonkpelila pendi, li bonla kuli tua bonpanla.

Galati 1:4

Wani Jesu Kilisiti n den puni o yuli ti *tuonbiadi po, nani ti Baa U Tienu n den bua maama, ki baa faabi ti leni ŋanduna na leni o biadima.

Efesa 1:18

N go miadi o ke wan yendi yi yantiana nuni ke yin fidi ki bandi yaa suginma n tuugi leni o yiinu, leni wan bili o nigagidiŋanba po yaa ŋalimani ke i pia ti kpiagidi.

Efesa 2:2

Laa yogunu yi den ŋua ŋanduna na yema sanbiadu, leni mi fawaama nni paaciami bado, yua yaa yantiali n tuuni yaaba n yiedi U Tienu yaa pala nni.

Efesa 5:17

Lani yaa po yin da tie yanluodanba, yin yaa fani mani ki moandi ki bandi o Diedo yanbuama.

Kolosi 1:9

Li tie lani yaa po ke hali tin gbadi lankuli yaa daali, ti jaandi yipo U Tienu kaa cedi ki miadi o wan gbieni yi pala leni yaa yanfuoma leni yaa fanu n ñani wani U Tienu kani, ke yin bandi o yanbuama.

Kolosi 3:10

ki lani u tagipaanu, yu n pandi mi bandima nni cain yogunu kuli, nani yua n tagi u yaa nannanli yeni.

Kolosi 4:12

Epafasa yua n tie yi siiga yua ki go tie Jesu Kilisiti naacemo moko fuondi yi. O moa yipo yogunu kuli o jaandi nni, ki miadi yipo ke yin yaa tie yaaba n dagidi cain, ki bani U Tienu n bua yaala, ki yaa se ke li pa U Tienu sanŋoadima nni.

1 Tesaloniki 4:3

U Tienu n bua yaala lan tie yi gagidiŋanma, ke yin kubi yi yula ki da tieni conconbuoluba kuli.

Titi 3:5

o den faabi ti. Laa tie kelima ti den tieni yaa tuona n tiegi ka, ama li tie o niñingbadima yaa po. O den faabi ti kelima yaa maaliema yaa *batisima leni U Tienu Fuoma Yua n goa pandi ti maama yaa po.

Jaki 1:27

Yaa jaanma n ŋani cain ki naa pia joagindi ti Baa U Tienu nintuali tie, ki yaa todi a kpienbila leni a kpepuona bi fala nni, ki go kubi o yuli leni ŋanduna joagindi.

Jaki 4:4

Yinba mi conconma danba yeni, yii bani ke ŋanduna yaa buama tie yibalindi leni U Tienu yo? Lanwani yua n bua ki yaa danli leni ŋanduna kuli tua U Tienu yibali.

1 Pieri 1:14

Yin yaa tie yaa bila n tuodi ki tiendi U Tienu n yedi yaala, ki da go ŋua yin den kpa pia yaa bonbuaka-biadila, yi yama n den pii yaa yogunu.

1 Pieri 1:18

Kelima yi bani ke U Tienu ki den taa yaa bonla n baa bodi nani ŋanjilifa leni wula yeni ka, ki da ki faabi yi leni yaa yema n tie fanma fanma, yin den baa yaama yi yaajanba kani.

1 Pieri 2:3

Lanwani, «moala ke yi leni ki laa ke o Diedo ŋani.»

1 Pieri 4:2

Lani yaa po, yaa dana n sieni yipo hali yi miali bianu, yin da go ye ki ŋua ti gbanandi bonbuakaala ka, yin yaa ye ki tiendi U Tienu yanbuama.

2 Pieri 1:4

Li tie lani yaa po ke o puni ti wan den niani yaa ñoanianciami yi n tie bonbuadimoanla, ke yin tua yaaba n pia U Tienu tagu kelima yini yaa po, ki faabi leni mi yanbuabiadima n cuani yaa *joagindi ŋanduna nni.

2 Pieri 2:20

Kelima li yaa tie ke yaaba n den faabi leni ŋanduna joagindi kelima ti Diedo, Jesu Kilisiti o Candaano yaa bandima po, bi yaa go kua lienni ke ti paadi ba, bi juodima baa bia ki cie bi cilima.

1 Jan 3:13

N kpiiba, ŋanduna yaaba yaa nani yi, lan da lidi yi.

1 Jan 5:19

Ti bani ke ti tie U Tienu yaaba, ki go bani ke o Biado diedi ŋanduna kuli.

Mi Doagidima 12:9

Bi den luni o bonfuodi-biadiciamo yeni, wani o waakpelo, ban go yi yua ku *tuotabigu yudaano leni Sutaani, wani yua n boandi ki tinga nni yaaba kuli. Bi den luni o ki tinga nni, wani leni o malekinba.

Mi Doagidima 13:8

Ki tinga nni yaaba kuli baa gbaani ki kpiagi ki fuayanga, bani yaaba yaa yela n kaa diani ki pebiga miali tili nni, lani n tie ban den kodi yaaga hali ke ŋanduna daa tagi.