LOMA YAABA 11:7 - Gourmanchéma Bible

⁷ Lankuli doagidi be? Isalele buolu yaaba naa baa ban den lingi yaala leni li yankuali. Ama bi siiga nni U Tienu n gandi yaaba bebe n baa la, yaaba n sieni kuli yaa pala den juagi.

U TIENU MAAMA TILI 2013

⁷ Lankuli doagidi be? Lankuli doagidi, ke Isidayeli buolu naa baa ban den lingi yaala leni li yankuali. Ama bi siiga nni, U Tienu n gandi yaaba bebe n baa la, yaaba n sieni kuli yaa pala den juagi.

LOMA YAABA 11:7 ပူးပေါင်းရင်းမြစ်များ

Mi Kpanjama 1:28

yi baa yini nni, n kan guani, ki lingi nni, yi kan le nni.

Esayi 44:18

Baa bani liba, baa pia yanfuoma mo. Kelima bi pigini bi nuni Ke ban da le Leni bi pala mo ke ban da ga liba kuli.

Esayi 6:10

Teni bi naa niba pala n juagi Biini bi tuba Ki pigini bi nuni. Lani n tie ban da le leni bi nuni, Ki da gbadi leni bi tuba, Bi pala n da ga liba. Lani n tie ban da lebidi bi yama, min paagi ba.

Marki 6:52

kelima baa den tiani ki kpaagi Jesu n den tieni yaa bancianma leni bi dupenmuudiba, kelima bi pala den juagi.

Luki 13:24

«Moandi mani ki kua yaa buliñoabu n miabi kani, kelima n tuodi ki waani yi ke bi niba boncianla baa ti moandi ki baa kua lankani ki nan kan fidi.

Jan n diani U Tienu Laabaaliŋamo maama 12:40

«U Tienu juani bi nuni, Ki juagi bi pala, Ke ban da le leni bi nuni, Ki da ga leni bi pala, Ke ban da ti lebidi ki ŋa bi *tuonbiadi, Min paagi ba.»

LOMA YAABA 10:3

Ban ki bani U Tienu n puuni yaa *moamoansaali yeni, li teni ke bi lingi bi yula po li moamoansaali ki naa lingi li U Tienu kani.

LOMA YAABA 11:25

N kpiiba, mii bua yaa bondoaginkaala n tie na n yaa boani yi, ke yin da nua yi yula ke yi tie yanfodanba. Laa bondoaginkaala tie ke Isalele buolu siiga bi tianba pala juagi hali bi nilanba n baa kua U Tienu tindima nni ki pundi ki dagidi cain.

LOMA YAABA 11:5

Li go tie yeni moala na, Isalele buolu yaaba siiga nitianga sieni, U Tienu n gandi yaaba kelima o *ŋanbili po.

LOMA YAABA 3:9

Lanwani ti baa yedi lede? Naani tinba Jufinba tie nimoanba ki cie nibuotoe bi? Baa waamu. Kelima ti maadi ki doagidi ke bi niba kuli, Jufinba leni bi nilanba kuli tie ti tuonbiadi n die yaaba.

LOMA YAABA 6:15

Lanwani ti baa yedi lede? Moala ke U Tienu balimaama ki go die ti, ama o ŋanbili n di die ti, ti go baa tiendi ti tuonbiadi bi? Kalam.

LOMA YAABA 9:18

Lanwani U Tienu gba mi niñima wan bua ki yaa gba yua yaa po mi niñima, ki go juagi wan bua ki juagi yua yaa pali.

LOMA YAABA 9:23

U Tienu den tieni yeni ki baa doagidi o kpiagidi n yaba maama yaa niba n tie nani wan den gbadi yaa tiadi po mi niñima yaa po wan den tuodi ki ŋanbi yaaba ke ban taani leni o o kpiagidi nni?

1 Korenti 10:19

N bua ki yedi be? Ke o bulo tie bonmoanla bi? Bi ke ban padi yaala o bulo tie bonmoanla bi? Kalam.

2 Korenti 3:14

Ama bi yama den pii. Hali dinla bi yaa cogi o ŋantaadikpelo Diani, laa cabili baa ye. Kelima li kan pigidi li yaa tie Kilisiti nni bebe yaaka.

2 Korenti 4:4

bani yaaba n kaa daani po. Sutaani, yua n die ŋanduna, na juani bi yantiana, ke ban da le Kilisiti yua n tie U Tienu nannanli yaa Laabaaliŋamo kpiagidi yendi.

Efesa 1:4

U Tienu den tuodi ki gandi ti Kilisiti nni hali ke ŋanduna daa den tagi, ke tin yaa tie yaaba n gagidi ki ŋani, kaa pia tagiliba kuli o nintuali. O buama yaa po,

Efesa 4:18

Bi yama biigi. Bi tie canba U Tienu yaa miali po kelima bi yanpiima leni bi pajuagili yaa po.

Filipi 1:18

Likuli tie npo yenma. Baa lan tie maama kuli, bi yaa wangi o leni mi tuonanma, bi ban wangi o leni li yantiamoanli, bi wangi Kilisiti Laabaaliŋamo. N mangi n pali lipo ki go baa mangidi li ki pugidi.

Hebilunba 12:17

Yi bani ke lan pendi, wan den bua o baa n gaali o, waa den baa. Baa ke o den lingi leni ti ninsiidi, waa den fidi ke o baa lebidi jagili.

1 Pieri 1:2

U Tienu yua n tie Baa den gandi yi nani wan den tuodi ki bani ki jagi maama, ki teni ke o Fuoma gagidi yi ke yin yaa tuodi ki tiendi Jesu Kilisiti n yedi yaala, ke o soama mo n mii ki ŋanbi yi. Li *ŋanbili leni mi yanduanma n yaa pugidi yipo boncianla.