LOMA YAABA 1:30 - Gourmanchéma Bible

³⁰ Bi go tie bi ñoakpalidanba ki maadi bi lieba po yaala n bia leni U Tienu yiekaaba leni bi yusiedanba, leni bi japaadanba, leni yaaba n pagi bi yula. Bi go cili yaa biadima n kaa den kpa ye, ki tie bi danyiekaaba moko.

U TIENU MAAMA TILI 2013

³⁰ Bi go tie ñoakpalidanba, ki maadi bi lieba po yaala n bia. Bi tie U Tienu yibalinba, yusiedanba, japaadanba leni yaaba n pagi bi yula. Bi cili yaa biadima n ki den kpa ye, ki go tie danyiekaaba mo.

LOMA YAABA 1:30 ပူးပေါင်းရင်းမြစ်များ

1 Bi Badiba 20:11

Isalele diema bado den goa ki soani ban ban yedi o: «Yua n da yie o toatiadi n da kpiagi o yuli nani yua n di yiedi ti yeni!»

2 Bi Badiba Jama 19:2

O sawalipualo Hanani bijua Jehu den tuogi o bado Josafati ki yedi o: «Be yaa po ke a todi o nibiado? Naani a bua yaaba n nani Li Miali Diedo yo? Kelima ŋan tieni yaala yaa po yeni, Li Miali Diedo pali beni apo.

2 Bi Badiba Jama 25:19

A fiini a yuli leni ŋan paadi Edomi yaaba. Mangi a pali leni laa kpiagidi ki yaa se a denpo. Be yaa po ke a bua ki cili yaa toabu n baa cuani fini leni Juda diema yaaba toagoli kuli tingbali?»

Pisomi 10:3

O nibiado pagi o yuli leni wan jagi ki tieni yaala. O yaa tieni i janbi ki baa yaala, Se wan soli ki go ñuadi Li Miali Diedo.

Pisomi 106:39

Bi den joagini bi yula leni bi tuona, Ki den cagini bi yula kelima bi *conconma po.

Pisomi 49:6

Be yaa po yo ke i jeje baa cuo nni fala daali, N koanginkaaba tagili yaa gaani ki lindi nni yaa yogunu?

Pisomi 5:5

Ŋaa tie yaa Tienu n bua mi biadima Mi biadima ki ye a nintuali.

Pisomi 52:1

Bi yanyanba yudaano yani siiga yanbu. Dafidi yanbu.

Pisomi 81:15

Se min bi jaligi ki fiagi bi yibalinba, Se min bi pegidi ki pua bi koanginkaaba.

Pisomi 94:4

Bi maadi mi japaamaama, ki maadi ki duondi bi yula Bani bi nibiadiba yeni.

Pisomi 97:7

Yaaba n kpiagidi i *buli Leni yaaba n duondi bi yula laa bonfanla po kuli baa fiagi. I buli mo kuli baa cua Ki labini Li Miali Diedo nintuali ki pugi o.

Pisomi 99:8

Li Miali Diedo, ti Tienu, Fini aba n den guandi ba A den tie bipo yaa Tienu n puuni sugili Ama ki nan faligidi ba bi tuonjoagima po.

Mi Kpanjama 24:8

Yua n jagi ki bua ki tieni yaala n bia, Tie nibiadimoane.

Mi Kpanjama 25:23

Nijienu faalu n kpendinni ki taaga, Yaa lanbu n wuondi ki maadi mo baa cuani li pabienli.

Mi Kpanjama 30:17

Yua n ñuadi o baa, ki yie ki kan cengi binaa maama, U kpenu nni kankala baa fiadi o nuni Jiebani bila mo baa je o.

Mi Kpanjama 8:36

Ama yua n tieni ti *tuonbiadi npo kuli faligidi o yuli. Yaaba n nani nni kuli bua mi kuuma.»

O Yanfuodaano 7:29

Min laa ki bandi yaala bebe nne: U Tienu tagi bi niba ke bi tiegi, ama bani mo paagi li bonla kuli.»

Esekieli 14:5

Yeni, n maguankaama baa yagi Isalele yaaba yama, bani yaaba n ŋa nni kelima bi buli kuli po yeni.

Esekieli 22:7

A yaa niinne ke bi fali bibaa leni binaa. A siiga nne ke bi mabindi bi canba. A niinne ke bi janbidi a kpienbila leni a kpepuona.

Mi Coadima 10:35

Ku ŋantaadikpaku yaa baa gedi yaa yogunu Musa yen yedi: «Fii Li Miali Diedo! Ke a yibalinba n yadi yadi! Yaaba n nani a mo n sani a nintuali.»

Matie 15:4

Kelima U Tienu yedi: ‹Jigini a baa leni a naa,› ki go yedi: ‹Yua n soli o baa yaaka o naa li pundi ban kpa o.›

Matie 16:21

Laa yogunu Jesu den cili ki doagidi ki wangi o ŋoadikaaba ke li tie tiladi wan gedi Jelusalema, ke Jufinba *nikpeliba leni bi kopadicianba yudanba leni li balimaama bangikaaba n waani o fala boncianla, ke bi niba n kpa o, ama ke o baa fii bi tinkpiba siiga li dataali daali.

Luki 21:16

Baa yi danba leni yi kpeliba leni yi waamu leni yi kpiiba leni yi danlinba baa janbidi yi ki tendi yi yi yibalinba nuu nni, bi baa kpa yi siiga bi tianba.

Jan n diani U Tienu Laabaaliŋamo maama 7:7

Ŋanduna yaaba kan fidi ki yaa nani yi, ama bi nani mini wani, kelima n tiendi siedi ke ban tuuni yaa tuona bia.

Jesu Tondiba Tuona 5:36

Kelima laa waagi ke ban den yi yua Tudasa den fii ki jigini o yuli ke o tie niciamo, ke yaa niba n bua ki pundi niba kobinaa den taani ki ŋoadi o. Bi den ku o ke yaaba n tuo ki ŋua o kuli den yayadi. Laa juodi pu.

LOMA YAABA 2:17

Ama fini yua n yedi ke a tie Jufi, a jigi co U Tienu bali maama nni, ki kpiagi a yuli kelima ;nan pia yaa ;nantaado leni U Tienu.

LOMA YAABA 2:23

Fini yua n kpiagi a yuli ke a pia li bali maama, A teni ke bi niba sugidi U Tienu Kelima a miidi li bali maama.

LOMA YAABA 3:27

Lanwani o nisaalo baa kpiagi o yuli kelima be yaa po? Waa go pia li sanu. Mi laa bali maama po? A tuona po bi? A-a, ama li dandanli yaa po.

2 Korenti 10:15

Tii pendi ti banlu, tii pagi ti yula leni nitoaba yaa tuona. Tin sugini yaala mo tie ke yi *dandanli ti Diedo po n yaa pugidi, ke ti tuonli yi siiga moko baa pugini ki ŋua U Tienu n bili tipo yaa banlu.

2 Korenti 12:20

N jie ke n yaa cua yikani, n kan sua ke yi tie nani min bua yin yaa tie maama, ki go jie ke yinba mo kan sua ke n tie nani yin bua min yaa tie maama. N jie ke n baa le yikani ku mafuugu leni li ponli leni li pabienli leni mi paadima leni ti sugidi leni ku tuotabigu leni ti japaadi leni yaala n tie sisindi sindi kuli.

Mi Tiadima 27:16

‹Ti solindi n baa yua n fali o naa leni o baa!› Lani bi niba kuli baa taani ki ga: ‹Amina!›

Mi Tiadima 7:10

Ama o tu i panpaani yaaba n nani o po ki naa guudi ki bolindi ba. Waa pia gagidima yaaba n nani o po. O pa ba bi panpaani ki naa guudi.

2 Tesaloniki 2:4

O baa fiini o yuli ki yie bi niba n nua yaala nani li tie U Tienu yeni, bi ban kpiagidi yaala kuli. O baa kua ki kali hali U Tienu dieli ki yini o yuli U Tienu.

2 Timote 3:2

Kelima bi niba baa bua bi yula ŋamu bebe, ki tua i ligi buakaaba. Bi baa tie ñoakpalidanba leni japaadanba, ki tie a nisugida, leni bi danyiekaaba, leni ŋanwaadanba, ki go tie yaaba n kaa fangi U Tienu.

Titi 3:3

Ti moko den kpa tie yanluodanba, niyiekaaba leni bi niyaadikaaba. Ti gbanandi bonbuaka-biadila buoli kuli den die ti. Ti den pia ku tugutongu leni li nunponbiadili, ki tie lan pundi ban yaa nani yaaba, ki go nani ti lieba mo.

Jaki 3:5

Bu lanbu mo tie yene, bu wa i gbananbuoli kuli siiga, ama bu baa fidi ki fiini buba ki maadi mi japaamaama boncianla. Diidi mani, mi fantama waamu bebe baa fidi ki buoni yaa fuali n yaba.

Jaki 4:16

Ama moala yi maadi mi japaamaama, ki kpiagi yi yula. Yi yaa kpiagidi yi yula yeni li tie yaa bonla n bia.

2 Pieri 2:18

Bi gbie leni ti japaadi ki maadi yaa macianma n ki pia mayuli. Bi boandi ki dia leni ti gbanandi bonbuakaala yaaba n faabi leni bi niyaadikaaba yeginu ke li daa waagi.

Jude 1:16

Laa niba tie yaaba n yenbidi, yaaba yaa pala n biidi bi yema po. Bi ŋua bi gbanandi bonbuakaala, ki maadi mi japaamaama, ki banbidi bi niba ke ban baa bikani li baali.