LOMA YAABA 1:3 - Gourmanchéma Bible

³ O Laabaaliŋamo yeni maadi o Bijua maama fuuli. A yaa diidi wan mali yaa buolu nni po, o tie Dafidi puoliŋuanu.

U TIENU MAAMA TILI 2013

³ O Laabaaliŋamo yeni maadi o Bijua maama fuule. A yaa diidi ban mali o yaa buolu nni, o tie Davidi puoliŋuanu.

LOMA YAABA 1:3 ပူးပေါင်းရင်းမြစ်များ

Mi cilima 3:15

N baa bili ti yibalindi fini leni o pua yaa siiga, A puoliŋuani leni o puoliŋuani yaa siiga. O baa mudi a yuli, Amo baa poagili o taajentindili.»

Pisomi 2:7

N baa kpaani Li Miali Diedo ñoabonli. O yedi nni: «A tie n bijua. Mini n mali a dinla.

Jeremi 33:26

Lanwani n bi baa fidi ki ŋa Jakobo leni n naacemo Dafidi puoliŋuani Ki da go gandi bi puoliŋuanu siiga yaaba n baa gobidi Abalahama, Isaaka leni Jakobo puoliŋuani. N baa teni bi niba yaaba n gedi ti yonbidi n kpeni. N baa gbadi bipo mi niñima.› »

Amosi 9:11

Laa yogunu, n go baa sieni Dafidi diegu, Yaagu n baa. N baa maa ki fiini ku diegbenbuona. N go baa ŋanbi gu kun tua Nani kun den kpa tie maama hali yogu.

Matie 1:1

Jesu Kilisiti yaajanba yela togida ye ne. Jesu Kilisiti den tie Dafidi bijua, leni Abalahama bijua.

Matie 1:16

Jakobo n maa Josefi, Maliyama calo, yaa pua n den mali Jesu ke bi yi o Kilisiti.

Matie 1:6

Obedi n maa *Isayi, Isayi n maa o bado Dafidi. Dafidi den taa Uli pua ki mali Salomono,

Matie 12:23

Li den paki ku niligu kuli ke bi yedi: «One ki tie Dafidi Bijua kaa?»

Matie 15:22

Yaa pua n den tie likani maabiga, ki tie Kanana yua, den cua o kani ki kpaani ki tua: «O Diedo, Dafidi Bijua, gbadi npo mi niñima? Ki cicibiadiga ye n bisalo niinni ki yagini o yama hali ke li bia.»

Matie 26:63

Jesu den ŋmini suo. Bi kopadicianba bado den yedi: «Hali U Tienu yua n fo po, waani ti a yaa tie *U Tienu n Gandi Yua, U Tienu Bijua.»

Matie 27:43

O dugi U Tienu po, U Tienu yaa bua o moamoani, wan nan ga o moala. Kelima o den yedi: ‹N tie U Tienu Bijua yo.› »

Matie 3:17

Lanyogunu u nialu den maadi tanpoli po ki yedi: «One n tie n *Bijabuadiga, n pali n mani yua yaa po hali boncianla.»

Matie 9:27

Jesu n den fii lankani ki suagi liiga, juama lie den ŋua o ki tangi: «Dafidi Bijua, gbadi tipo mi niñima.»

Luki 1:35

Maleki den goa ki yedi o: «U Tienu Fuoma Yua baa cua a kani, Tanpojoma Tienu paalu baa yini apo. Lani yaa po bi baa yini ŋan baa maa yaa bigagidikaaga yeni U Tienu Bijua.

Luki 1:69

Ki fiini tipo o naacemo Dafidi diegu nni Yaa Candaano n pa.

Jan n diani U Tienu Laabaaliŋamo maama 1:14

Mi Maama yeni den tua nisaalo, ki ye ti siiga ki gbie leni li*ŋanbili leni i moamoani. Ti den laa o kpiagidi, wani ki Bonjayenyenga yua n ñani Baa kani yaa kpiagidi.

Jan n diani U Tienu Laabaaliŋamo maama 1:34

N den laa, ki tieni siedi ke wani n tie U Tienu Bijua.»

Jan n diani U Tienu Laabaaliŋamo maama 1:49

Nataneli den goa ki yedi o: «Labi lani n tie Canbaa, fini n tie U Tienu Bijua, fini n tie Isalele yaaba Bado.»

Jan n diani U Tienu Laabaaliŋamo maama 10:30

Mini leni Baa tie yendo.»

Jan n diani U Tienu Laabaaliŋamo maama 10:36

Li ga lede ke yi yedi ke n sugi U Tienu kelima n yedi ke n tie U Tienu Bijua yeni, mini U Tienu yua n tie ti Baa n gandi ki gagidi yua, ki soani nni ŋanduna nni?

Jan n diani U Tienu Laabaaliŋamo maama 20:28

Toma den goa ki yedi o: «N Diedo leni n Tienu.»

Jan n diani U Tienu Laabaaliŋamo maama 20:31

Ama yaama n tie na diani ke yin daani ke Jesu tie *U Tienu n Gandi Yua, U Tienu Bijua, ke yi yaa tuo ki daani o, yin baa li miali o yeli nni.

Jan n diani U Tienu Laabaaliŋamo maama 5:25

N yedi yi i moamoani, u yogunu kpendi ki pundi baa moala, ke yaaba n kpe baa gbadi U Tienu Bijua nialu. Yaaba n baa gbadi u mo kuli baa fo.

Jan n diani U Tienu Laabaaliŋamo maama 7:42

Naani i Diani ki yedi ke U Tienu n Gandi Yua baa tie Dafidi puoliŋuanu, ki ña Betelema dogu nni Dafidi dandogu nni kaa?»

Jesu Tondiba Tuona 2:30

Kelima o den tie sawalipualo ki pua sawali, ki bani ke U Tienu niani o o ñoanianu ki poli ke o baa teni o puoliŋuani siiga yendo n ti kali o gbandi po.

Jesu Tondiba Tuona 3:13

Abalahama leni Isaaka leni Jakobo Tienu, wani, ti yaajanba Tienu, den kpiagi o naacemo Jesu. Yi den teni o li bali danba nuu nni, ki yie o Pilata bujiali kani, baa ke o den jagi ke o baa faabi o.

Jesu Tondiba Tuona 8:36

Ban den ŋua bi sanu ki suagi liiga, bi den pundi mi ñima kani. Ki moagiliga den yedi: «Diidi mi ñima nna. Be n yie npo ke min da batisi?» [

Jesu Tondiba Tuona 9:20

Lanyogunu o den cili ki caa li bali maama bangima diena nni ki wangi Jesu maama, ki tua ke o tie U Tienu Bijua.

LOMA YAABA 1:9

U Tienu, min ŋua yua leni li payenli, ki wangi o Bijua yaa Laabaaliŋamo, tie n siedo ke n tiadi ki taagi yikuli yela yogunu kuli

LOMA YAABA 4:1

Ti baa yedi lede Abalahama po? Wani yua n tie ti yaaja ti gbanandi nni. O den baa be?

LOMA YAABA 9:3

Kelima n bi baa sugini ki tua ti solindi yua ki paadi leni Kilisiti n kpiiba yaa po, yaaba n kpi leni nni ti gbanandi nni yaa ŋamu po.

LOMA YAABA 9:5

Bi tie ti yaajanba puoliŋuani, Kilisiti moko den mali bi yaa buolu nne ti gbanandi po, wani yua n die li bonla kuli. U Tienu n baa ti pagidi hali yaa yogunu kuli. Amina.

1 Korenti 1:9

U Tienu tie tin fidi ki dugi yua yaa po, wani yua n den yini yi ke yin yaa pia yanyenma leni o Bijua Jesu Kilisiti ti Diedo.

1 Korenti 10:18

Kpaagi mani Isalele yaaba po. Bi yaa dini ti padijiedi, naani baa pia taanyenma leni U Tienu kaa?

Galati 4:4

Ama U Tienu n den bili yaa yogunu n pundi, o den soani o Bijua ŋanduna nni ke o pua mali o, ke li *balimaama n die o,

1 Tesaloniki 1:10

Moala yi gu ke o Bijua Jesu, U Tienu n den fiini yua bi tinkpiba siiga baa ña tanpoli ki goa ki cua, yua n baa faabi ti leni U Tienu pabienli yaali n kpendi.

1 Timote 2:5

Kelima U Tienu ye ki tie yendo bebe, o *candanbaalo moko ye ki tie yendo bebe U Tienu leni bi niba siiga, lani n tie Jesu Kilisiti yua n den tua nisaalo.

1 Timote 3:16

Oba kan nia ke U Tienu sanŋoadima bondoaginkaala ñua boncianla. Laa bondoaginkaala tie wani, Yua n den doagidi o yuli ti gbanandi nni. U Tienu Fuoma den saa opo i moamoani, Malekinba den laa o, Bi den wangi o maama i nibuoli nni, Bi den daani o ŋanduna nni, O den goa ki doni ti kpiagidi kaanu nni.

2 Timote 2:8

Ŋan yaa tiani Jesu Kilisiti po, yua n den fii bi tinkpiba siiga, wani yua n tie Dafidi puoliŋuanu nani min wangi yaa Laabaaliŋamo n yedi maama.

1 Jan 1:3

Tin laa ki go gbadi yaala, ti wangi lane Ki bua yi mo n yaa pia yanyenma leni ti, Nani tin pia yaa yanyenma leni Baa leni o Bijua Jesu Kilisiti maama yeni.

1 Jan 3:23

O bali maama n tie mine: Tin yaa daani o Bijua Jesu Kilisiti, ki yaa bua tiyaba nani wan bili tipo yaa bali maama n yedi maama.

1 Jan 3:8

Yua n tiendi ti tuonbiadi tie Sutaani yua, kelima wani Sutaani den tiendi ti tuonbiadi hali mi cilima ki pundi hali moala. U Tienu Bijua den cua ki doagidi o yuli, ki baa bolini Sutaani tuona.

1 Jan 4:15

Yua n tuo ke Jesu tie U Tienu Bijua kuli, U Tienu ye o niinni, o moko ye U Tienu yaa niinni.

1 Jan 5:1

Yua n daani ke Jesu tie *U Tienu n Gandi Yua, tie U Tienu biga. Yua n bua ki biga baa kuli baa bua o biga mo.

1 Jan 5:20

Ti go bani ke U Tienu Bijua cua ki puni ti mi yanfuoma ke tin bandi yua n tie o Moamoandaano. Ti ye o Moamoandaano niinni ki go ye o Bijua Jesu Kilisiti yaa niinni. Wani n tie U Tienu i moamoani leni yaa miali n kan gbeni.

1 Jan 5:5

Ŋme paani ŋanduna? Li tie yua n daani ke Jesu tie U Tienu Bijua.

2 Jan 1:7

Kelima mi tulinma danba boncianla cua ki yayadi ŋanduna nni, yaaba n naa tuo ke Jesu Kilisiti den cua ki tua nisaalo. Laa nibuolu n tie mi tulinma daano leni *Kilisiti-yieka.

Mi Doagidima 2:18

Ŋan diani Kilisiti n yini yaaba Tiatila po yaa maleki po ki yedi o: «U Tienu Bijua, yua yaa nuni n yieni nani u mupienu yeni, ke o taana mo tie nani ban duuni yaa kumoandi ke ti ñuliti yeni yedi yaala n tie na: