LOMA YAABA 1:22 - Gourmanchéma Bible

²² Baa ke bi kpiagidi bi yula ke bi tie yanfodanba, bi tua yanluodanba.

U TIENU MAAMA TILI 2013

²² Ba ke bi kpiagidi bi yula ke bi tie yanfuodanba, bi tua yanluodanba.

LOMA YAABA 1:22 ပူးပေါင်းရင်းမြစ်များ

Mi Kpanjama 25:14

Yaa tawadi leni yaa faalu n ki pia taaga, Li tie nani yaa ja n pagi o yuli o bulicindi po Ki naa puuni liba kuli yeni.

Mi Kpanjama 26:12

A yaa laa yaa ja n yi o yuli yanfodaano, Mi suginma ye o yanluodaano po ki cie wani.

Esayi 44:20

O di mi fantanpienma, O yanpiima teni ke o yaadi. O kan fidi ki ga o miali. O kan fidi ki yedi: «Min kubi yaala n nuu nni, laa tie boandi kaa?»

Esayi 47:10

Yi den dugi yi biadima po, Ki den tua: «Niloba ki nua ti!» Yi yanfuoma leni yi bandima lebidi yi yula, Ki teni ke yi go den li baa tua yi pala nni: «Tinba, tinba bebe lige Yaala n sieni tie fanma.»

Jeremi 10:14

Ja kuli banma yen ti teni wan tua yanpiidaano. I fe n cuo yaaba n tuuni leni wula ban tagi yaa buli po Kelima bi buli yeni tie fanma bebe Baa pia fuoma bi niinni.

Jeremi 4:22

N niba ye leni mi yanpiima Baa bani nni. Bi tie yanluodanbe Baa pia yama. Ban li bani ki tieni yaala bebe n tie mi biadima. Ama baa bani ki tieni yaala n ŋani.

Matie 6:23

ama a nunbu yaa ŋani, a gbanandi kuli baa ye li *biigili nni. Yaa yenma n ye a niinni yaa tie biigili, laa biigili baa yaba boncianla.

LOMA YAABA 11:25

N kpiiba, mii bua yaa bondoaginkaala n tie na n yaa boani yi, ke yin da nua yi yula ke yi tie yanfodanba. Laa bondoaginkaala tie ke Isalele buolu siiga bi tianba pala juagi hali bi nilanba n baa kua U Tienu tindima nni ki pundi ki dagidi cain.