LOMA YAABA 1:11 - Gourmanchéma Bible

¹¹ Kelima n bua hali bonŋanla ki le yi, ki boagidi leni yi U Tienu Fuoma n puni yaa paabu, ke yin yaa se ki pa,

U TIENU MAAMA TILI 2013

¹¹ N bua hali bonŋanla ki le yi, ki boagidi leni yi U Tienu Fuoma Yua n puni yaa paabu, ke yin yaa se ki pa,

LOMA YAABA 1:11 ပူးပေါင်းရင်းမြစ်များ

Mi cilima 31:30

Moala ŋan fii kelima a yama n yaadi ki se ke a bua ki le a baadiegu yeni daa, be yaa po yo ke a den suni n baayuatiadi?»

2 Samueli 13:39

Ama o yama den ti jiidi ke o pali kuugi Abisalomi po.

2 Samueli 23:15

Dafidi yama den baa li bonla nni ke o yedi: «Ŋme baa pa nni ban gbiidi yaa buogu Betelema buliñoabu kani ñima yeni min ño?»

2 Bi Badiba Jama 20:20

Bi den faa ki fii ku tiŋapanpangu ki gedi Tekoa yaa fanpienma po. Ban den caa yaa yogunu, Josafati den fii ki sedi ki yedi: «Cengi mani nni yinba Juda yaaba leni yaaba n ye Jelusalema. Yin paagi mani yiba ki yaa dugi Li Miali Diedo yi Tienu po. Lanwani yi baa yaa paa. Yin paagi mani yiba ki yaa dugi o sawalipualo po, Yi baa paadi.»

Jesu Tondiba Tuona 16:5

Lani Kilisiti nitaana den se li *dandanli nni ke li pa ke a coali mo pugidi daali kuli.

Jesu Tondiba Tuona 19:21

Lani n den tieni ki pendi, Polo den jagi ki bili ke o baa tagi ki poandi Maseduana leni Akayi ki gedi Jelusalema. O den yedi: «N yaa gedi laa diema kuli, li tie tiladi min yuandi ki gedi ki ban le Loma moko.»

Jesu Tondiba Tuona 19:6

Polo den maani bipo o nii, ke U Tienu Fuoma Yua jiidi bipo ke bi maadi mi malanma ki pua sawali.

LOMA YAABA 1:12

bi mo, n yaa cua yikani, tikuli n baa li papaali, kelima mini leni yinba n taani ki pia yaa dandanli yaa po.

LOMA YAABA 15:23

Moala n soani n tuonli ki gbeni yaa dogi n lindi na kuli. Nani lan tie yaa bina n yaba ke n moko bua ki cua yikani yeni,

LOMA YAABA 15:29

N bani ke n yaa cua yikani, n baa gbie leni Kilisiti seli.

LOMA YAABA 15:32

Lanwani, U Tienu yaa bua, n baa pundi yikani leni li pamanli ki go baa yi siiga fuodimaba.

LOMA YAABA 16:25

Tin yaa kpiagidi mani U Tienu, Wani yua n baa fidi ki teni yin yaa se Ke li pa o sanŋoadima nni Nani min wangi yaa Laabaaliŋamo Ki maadi Jesu Kilisiti maama n yedi maama. N wangi o nani U Tienu bondoaginkaala, Yaala n den duagi ŋasiili nni hali yogu, N doagidi maama moala.

2 Korenti 1:15

Min den bani cain ke li baa tie yeni, n den jagi ke n baa kpa gedi yikani ke yin baa li ŋanbili ki pugini.

2 Korenti 1:21

Yua n teni ke ti taani leni yinba ki se ke li pa Kilisiti nni tie U Tienu, wani yua n den gandi ti,

2 Korenti 11:4

Kelima niloba yaa cua yikani ki wangi yi Jesutoa, tin kaa waani yi yua, bi yantiatoali yin ki den kpa baa U Tienu Fuoma kani yaali yeni, bi ki ŋua yaa laabaaliŋamo n ki taa leni yin den kpa ŋua yua, yi yen juuni ki tuo ki ga lankuli bonŋanla.

2 Korenti 9:14

Bi go jaandi U Tienu ki miadi o yipo leni mi buama boncianla kelima wan puni yi yaa ŋanbicianli.

Filipi 1:8

U Tienu tie npo n siedo ke n bua yikuli leni Jesu Kilisiti yaa buamoanma.

Filipi 2:26

O den bua hali bonŋanla ki le yikuli. Wan den bandi ke yi gbadi ke o yia, o yama den yagi lipo boncianla.

Filipi 4:1

Lanwani n kpiiba n buakaaba, min bua ki go le yaaba hali bonŋanla, yinba yaaba n tie n pamanli leni n kpiagidi, yin yaa se mani ke li pa o Diedo nni yinba n buakaaba.

1 Tesaloniki 3:13

O Diedo n yaa paagidi yi pala ke ti Baa U Tienu n yaa nua ke yi gagidi cain wani U Tienu po, kaa pia ban baa fidi ki kuli yi leni yaala ti Diedo Jesu n go baa cua leni o *nigagidiŋanba kuli yaa yogunu.

1 Tesaloniki 3:2

ki soani ti kpiilo Timote yikani, wani yua n taa ki tuuni leni U Tienu leni ti tuonsoanlielo Kilisiti Laabaaliŋamo wangima nni. Ti soani o wan paagi yi pala, ki tundi yi yin yaa se bonŋanla yi *dandanli nni,

2 Tesaloniki 2:17

n yaa baagidi yi pala ki teni yin yaa se ke li pa yaala n ŋani tienma nni leni mi maama nni kuli.

2 Tesaloniki 3:3

Ama o Diedo tie tin fidi ki dugi yua yaa po. O baa teni yin yaa se ke li pa bonŋanla, ki kubi yi ke o *Biado n da paadi yi.

Hebilunba 13:9

Yin da tuo bangitoama yaama n tie bangicanma n cuo yi yama kelima li ŋani ke li *ŋanbili n yaa paagidi o nilo pali, ke lan da tie yaa mabilikaama n maadi mi jiema po ka. Yaaba n ŋua laa mabilikaama buolu naa baadi todimaba lipo.

1 Pieri 5:10

U Tienu yua n die li ŋanbili kuli, yini yi Kilisiti nni, ke yin taani leni o ki baa yaa kpiagidi n kan gbeni, yi yaa den laa fala u yogunu waamu po. Wani oba n baa ŋanbi yi cain, ki teni yin yaa se bonŋanla, ki paagi yi pala ke liba kuli kan fidi ki lengidi yi.

1 Pieri 5:12

Silasa, o nidugika, min nua yua ke o tie ti kpiilo, wani n todi nni ke n diani yipo yaa tijenjenga n tie na. N bua ki paagi yi pala, ki tieni yipo siedi ke yi se bonŋanla U Tienu ŋanbili yaali n tie i moamoani.

2 Pieri 1:12

Li tie lani yaa po ke n baa tiadi yi laa bonla yogunu kuli baa ke yi bani la, ki go se ke li pa yin baa yaa moamoani bangima nni.