LOMA YAABA 1:1 - Gourmanchéma Bible

¹ Mini Polo yua n tie Jesu Kilisiti naacemo, U Tienu n den yini ki gandi yua ke n tua o tondo ki baa wangi o Laabaaliŋamo, n diani li tili yinba yaaba n ye Loma po.

U TIENU MAAMA TILI 2013

¹ Mini Poli yua n tie Jesu Kilisiti naacemo, U Tienu n den yini ki gandi yua ke n tua o tondo ki baa yaa wangi o Laabaaliŋamo, n diani li tili yinba yaaba n ye Loma po.

LOMA YAABA 1:1 ပူးပေါင်းရင်းမြစ်များ

1 Bi Badiba Jama 23:13

Amilama bijaba n den tie Alono leni Musa. Alono den tie ban den gandi ki gagidi yua ke o ŋani cain, wani leni o bijaba yaa yogu n tu yaa yogu, ke bi baa yaa juugi tulale Li Miali Diedo nintuali ki yaa tuuni o tuonli ki go gaaliti o yeli nni yaa yogu n tu yaa yogu kuli po.

Esayi 49:1

Cengi mani nni, yinba yaaba n ye a kpendega po! Cengi mani bonŋanla, yinba yaa nibuoli n ye hali foagima! Li Miali Diedo den yini nni hali ke n da ye n naa tugu nni, Ki taa n yeli min ñani n naa tugu nni yaa daali.

Jeremi 1:5

«Hali ke n daa tagi a a naa tugu nni, n den tuodi ki bani a. Hali ke a daa ñani a naa tugu nni, n den gandi a ki gagidi ki ŋanbi a, ki dini a mi diema buoli sawalipualo.»

Marki 1:14

Ban den cuo Jan ki kuani o li kpaadidieli nni ke li pende, ke Jesu den gedi Galile ki ban wangi U Tienu Laabaaliŋamo,

Jan n diani U Tienu Laabaaliŋamo maama 12:26

O nilo yaa tuuni npo, wan yaa ŋua nni. Min baa ye naani, wani n naacemo mo baa ye lankani. Yua n tuuni npo kuli, n Baa baa jigini o.

Jan n diani U Tienu Laabaaliŋamo maama 15:15

Mii go yi yi bi naacenba ka, kelima o naacemo naa bani o canbaa n tiendi yaala. Ama n yi yi n danlinba kelima n waani yi min gbadi yaala n Baa kani kuli.

Jan n diani U Tienu Laabaaliŋamo maama 15:20

Yin tiadi mani min den maadi yi yaa maama, naacemoba kuli ki cie o canbaa. Bi yaa waani mini falaciamo, bi baa waani yinba moko falaciamo. Bi yaa kubi n maama, bi baa kubi yi moko yaa maama.

Jesu Tondiba Tuona 13:9

Lane Solo, ban go yi yua Polo, yua n gbie leni U Tienu Fuoma, den noali o lingido yeni

Jesu Tondiba Tuona 20:24

Ama mii nua n miali ke li tie bonmoanla, yaala n pia npo mayuli tie ke min fidi ki pundi n nuama bianu, ki dudi o Diedo Jesu n puogi nni yaa tuonli. Lani n tie, ki yaa wangi U Tienu *ŋanbili yaa Laabaaliŋamo.

Jesu Tondiba Tuona 21:40

O yudanciamo n den tuo, Polo den se u bonŋmaadokaanu po ki tia ba o nuu ban suo. Ban den suoni, o den maadi Ebilu maama ki yedi ba:

Jesu Tondiba Tuona 22:21

Lani o Diedo den yedi nni: ‹Fii ki gedi, kelima n baa soani a hali foagima, bi nilanba po.› »

Jesu Tondiba Tuona 22:7

N den baa tiipo ki gbadi u nialu ke u yedi nni: ‹Solo, Solo, be yaa po ke a faligidi nni?›

Jesu Tondiba Tuona 26:1

Agilipa den yedi Polo: «Li tuo ŋan maadi ki ga a yuli.» Polo den yugidi o nuu ki maadi ki baa ga o yuli ki yedi:

Jesu Tondiba Tuona 26:14

Tikuli den baa tiipo. N den gbadi ke u nialu maadi leni nni Ebilu maama nni ki yedi: ‹Solo, Solo, be yaa po ke a faligidi nni? Li pa apo ŋan yiadi u danbu ki pua li bonmuukaala.›

Jesu Tondiba Tuona 27:23

Kelima U Tienu yua n die nni ke n tuuni opo yeni yaa maleki doagidi o yuli npo ku naa ñiagu,

Jesu Tondiba Tuona 9:15

Ama o Diedo den goa ki yedi o: «Gedi, kelima n gandi laa ja ke wan yaa tuuni npo ki gedini n yeli i nilanbuoli po leni ŋanduna badicianba po leni Isalele yaaba kuli po.

LOMA YAABA 1:16

Kelima mii jie i fe o Laabaaliŋamo wangima po. Li tie U Tienu paalu yaaba n daani kuli yaa *tindima po, ki cili Jufinba, ki ŋoadi bi nilanba.

LOMA YAABA 1:5

Kelima wani yaa po ti den baa li *ŋanbili ki tua o tondiba, ke tin yaa gobidi i nibuoli kuli ban daani o ki tuo o maama.

LOMA YAABA 1:9

U Tienu, min ŋua yua leni li payenli, ki wangi o Bijua yaa Laabaaliŋamo, tie n siedo ke n tiadi ki taagi yikuli yela yogunu kuli

LOMA YAABA 11:13

Moala n maadi leni yinba bi nilanba kelima n tie U Tienu tondo bi nilanba po. N jigini min pia yaa tuonli bi nilanba siiga,

LOMA YAABA 15:16

ki teni ke n tua Jesu Kilisiti naacemo bi nilanba siiga. N tuuni yaa tuonli n gagidi ki wangi ba U Tienu Laabaaliŋamo ke bani bi nilanba n tua nani U Tienu n baa tuo yaa padili ke li mani o yeni, U Tienu Fuoma Yua n gagidi yaali wani U Tienu po.

LOMA YAABA 15:29

N bani ke n yaa cua yikani, n baa gbie leni Kilisiti seli.

LOMA YAABA 16:18

Kelima laa nibuolu naa tuuni ti Diedo Kilisiti po ka, bi tuuni bi tugiceli po yo. Bi maadi mi madingima leni mi mamanma ki boandi yaaba n ki fani.

LOMA YAABA 16:25

Tin yaa kpiagidi mani U Tienu, Wani yua n baa fidi ki teni yin yaa se Ke li pa o sanŋoadima nni Nani min wangi yaa Laabaaliŋamo Ki maadi Jesu Kilisiti maama n yedi maama. N wangi o nani U Tienu bondoaginkaala, Yaala n den duagi ŋasiili nni hali yogu, N doagidi maama moala.

1 Korenti 1:1

Mini Polo, U Tienu n den yini yua kelima o yanbuama po, ke min tua Jesu Kilisiti tondo, n taani leni ti kpiilo Sositena

1 Korenti 9:1

Mii die n yuli kaa? Mii tie Jesu tondo kaa yoo? Mii den laa ti Diedo Jesu kaa? Yii tie min den soani o Diedo po ki baa yaaba kaa yoo?

2 Korenti 1:1

Mini Polo, Jesu Kilisiti tondo kelima U Tienu yanbuama po, n taani leni ti kpiilo Timote ki diani ki fuondi yinba U Tienu nitaanli yaali n ye Kolinta, leni yaa *nigagidiŋanba n ye Akayi diema nni kuli.

2 Korenti 11:5

To, mii tama ke yaaba n nua bi yula ke bi tie bi tondicianba yeni cie nni baa waamu.

2 Korenti 11:7

Naani n den tudi leni min jiini n yuli ki fiini yinba min den wangi yi U Tienu Laabaaliŋamo fanma kaa ga panpaani yeni?

2 Korenti 12:11

Min kpiagi n yuli yeni, n tua nani o yanluodaano, ama yinba n teni ke n tua yeni, kelima li bi pundi yinbe n tieni npo siedi. Yaa tondiba n nua ke bi tie tondicianba yeni naa cie nni baa waamu, baa ke mii tie pu.

2 Korenti 2:12

Min den pundi Tilowasa dogu nni Kilisiti Laabaaliŋamo po, baa ke o Diedo den luodi npo u sanu likani po,

2 Korenti 4:5

Ti mawangima nni tii wangi ti yula ka, ama ti wangi Jesu Kilisiti o Diedo, ki yi ti yula yi naacenba kelima wani Jesu yaa po.

Galati 1:1

Mini Polo yua n tua Jesu tondo, ke laa ŋua bi nisaaliba ka soani nni, bi niloba mo, ama kelima Jesu Kilisiti leni U Tienu yua n tie Baa, yua n den fiini o bi tinkpiba siiga n soani nni.

Efesa 1:1

Mini Polo, Jesu Kilisiti tondo kelima U Tienu yanbuama po, n diani li tili ki fuondi yinba yaaba n tie bi *nigagidiŋanba leni bi nidugikaaba Jesu Kilisiti nni ki ye Efesa.

Efesa 1:13

Yi moko n den gbadi i moamoani maama, lani n tie o Laabaaliŋamo yua n cuani yipo mi *tindima, yi den tuo ki daani Kilisiti. O yaa niinni U Tienu den tieni yipo mi maalima, lani n tie U Tienu Fuoma Yua wan den niani u ñoanianu ke o baa pa yi yua.

Efesa 4:11

O puni bi nitianba ke ban yaa tie tondiba, bi nitianba ban yaa tie sawalipuaba, bi nitianba ban yaa tie o Laabaaliŋamo wangikaaba, bi nitianba mo ban yaa tie bi yankpaaba bi bi bangikaaba.

Mi Tiadima 10:8

Laa yogunu Li Miali Diedo den gagidi Lefi buolu yaaba ke ban yaa bugi Li Miali Diedo *;nantaadikpaku, ki yaa se Li Miali Diedo nintuali, ki yaa tuuni opo, ki yaa go gaaliti ku niligu o yeli nni. Hali dinla Lefi buolu baa ki tiendi lane.

Filipi 1:1

Mini Polo leni Timote, Jesu Kilisiti yaa naacenba, n diani yipo li tili, yinba yaaba n tie bi *nigagidiŋanba Jesu Kilisiti nni ki ye Filipa dogu nni, leni yi nitaanli yudanba leni yi todikaaba kuli.

Filipi 2:11

Ke nilo kuli mo n tuo Ke Jesu Kilisiti n tie o Diedo, U Tienu yua n tie Baa yaa kpiagidi yaa po.

Kolosi 1:1

Mini Polo, Jesu Kilisiti tondo kelima U Tienu yanbuama po, leni ti kpiilo Timote, n diani li tili

Kolosi 1:25

N tua Kilisiti n yini yaaba yaa tuonsoanlo kelima U Tienu den puogi nni ke min yaa wangi yi U Tienu maama kuli.

1 Tesaloniki 2:2

Nani yin bani maama, bi den waani ti fala ki go sugidi ti Filipa dogu nni. Ama baa yeni ti den dugi ti Tienu po ki wangi U Tienu Laabaaliŋamo baa ke bi niba den fii ki se tipo.

1 Tesaloniki 2:8

Tin den pia yipo yaa buama, li den mani tipo ke ti waani yi U Tienu Laabaaliŋamo. Laa tie lani bebe ka, ti den bua ki pa yi baa ti yula moko, kelima ti buama yipo den pundi hali laa bianu.

1 Tesaloniki 2:9

N kpiiba, yi tiani ti tuonli leni ti coagingu po. Tin den wangi yi o Laabaaliŋamo, ti go den tuuni li tuonli u yensiinu leni ku ñiagu kuli ki baadi ti jiema, ke ti yema n da tie yi siiga oba kuli po fala.

1 Timote 1:1

Mini Polo, n tie Jesu Kilisiti tondo kelima U Tienu ti Candaano yaa ñoabonli po, leni Jesu Kilisiti yua n tie ti suginma yaa po.

1 Timote 2:7

Li tie lani yaa po ke U Tienu den puogi nni ke min yaa tie mawangika leni tondo ki bangi bi nilanba li *dandanli leni i moamoani nni. N maadi i moamoani, mii pua faama.

2 Timote 1:11

U Tienu den puogi nni ke min tua laa Laabaaliŋamo wangika leni o tondo leni o bangika.

Titi 1:1

Mini Polo yua n tie U Tienu naacemo leni Jesu Kilisiti tondo, ki baa gobidi U Tienu n gandi yaaba li *dandanli nni ke ban bandi yaa moamoani n ŋua U Tienu tuoma.

Hebilunba 5:4

Oba kuli kan ga o yuli po laa jigidi, kali U Tienu n yini yua nani wan den yini Alono maama.

Hebilunba 7:26

Wani n tie yaa kopadicianba bado buolu n dagidi tipo. Kelima o gagidi ki ŋani cain, waa pia tagiliba kuli, *tuonbiadiba kuli mo ki ye o niinni. O paadi leni ti tuonbiadi danba, U Tienu den duoni o ke o pendi tanpoli kuli.

Jaki 1:1

Mini Jaka, U Tienu leni o Diedo Jesu Kilisiti naacemo, n diani yinba i piiga n buoliedi yi n yayadi ki ye ŋanduna nni kuli po. N fuondi yi bonŋanla.

1 Pieri 4:17

U yogunu pundi ke ti buudi baa cili leni U Tienu diegu. Lanwani li yaa tie ke ti buudi cili leni tinba, yaaba n yie kaa tuo ki tiendi U Tienu Laabaaliŋamo n yedi yaala mo yaa juodima baa tie lede?

2 Pieri 1:1

Mini Simono Pieli, Jesu Kilisiti naacemo leni o tondo, n diani li tili yipo, yinba yaaba n taa leni ti ki baa yaa *dandanli n tie bonmoanla, kelima ti Tienu leni Jesu Kilisiti ti Candaano *teginma po.

Jude 1:1

Mini Juda, yua n tie Jesu Kilisiti naacemo ki go tie Jaka waalo, n diani li tili yipo, yinba U Tienu yua n tie Baa n yini yaaba ki go bua yaaba, ki kubi yaaba Jesu Kilisiti po.

Mi Doagidima 1:1

Line n tie Jesu Kilisiti doagidima, U Tienu n den teni o yaama, ke wan waani o naacenba yaa bonla n baa ti tieni tiladi ke li kan go waagi. Wani Jesu n den soani o maleki o naacemo Jan kani, ki teni ke o bandi mi doagidima yeni.

Mi Doagidima 22:6

Maleki yeni go den yedi nni: «Laa maama tie madugikaama, ki go tie moamoani. O Diedo U Tienu yua n puuni bi sawalipuaba o Fuoma soani o maleki wan waani o naacenba yaa bonla n baa tieni tiladi ke li kan waagi.»

Mi Doagidima 22:9

Ama o den yedi nni: «Fangi a yuli ki da tieni yeni. N tie a tuonsoanlielo, leni a kpiiba bi sawalipuaba, leni yaaba n tuo ki kubi yaa maama n ye li naa tili nni kuli yaa tuonsoanlielo. Kpiagi U Tienu.»