Levi 8:35 - Gourmanchéma Bible

³⁵ Lanwani yi baa yaa ye u Kadikaanu gbandieli buliñoabu kani hali dana lele, u yensiinu leni ku ñiagu kuli. Yin yaa kubi mani Li Miali Diedo *bali maama kuli ke yin da ti kpe. Lani n tie U Tienu n teni yaa ñoabona.»

U TIENU MAAMA TILI 2013

³⁵ Lanwani, yi baa yaa ye u Kadikaanu Gbandieli buliñoabu kani, hali danalele, u yensiinu leni ku ñiagu kuli. Yin yaa kubi mani o Diedo bali maama kuli. Yeni, yi kan kpe. Lani n tie U Tienu n teni yaa ñoamabona.»

Levi 8:35 ပူးပေါင်းရင်းမြစ်များ

1 Bi Badiba 2:3

Ŋan ŋoadi Li Miali Diedo a Tienu yedima, ki yaa cuoni o sani nni ki kubi o *balimaama, leni o ñoabonbilikaana, o tundi leni o mabilikaama, nani lan diani Musa balimaama tili nni maama, ke ŋan baa teli naani leni ŋan baa tieni yaala kuli n yaa cuoni apo bonŋanla.

Mi Ñama 29:35

Ŋan tieni Alono leni o bijaba po nani min bili apo maama. Bi kopadicianba tuoncilima bogida baa tieni dana lele.

Esekieli 43:25

A baa padi daali kuli ŋuabuayenli ti tuonbiadi po, yeni hali dana lele. Bi go baa taa naatonbiyenli leni ti yanbidi siiga petonyenli, ke bani bonba lie yeni kuli ki pia poadi ki padi ba.

Esekieli 48:11

Laa fanma baa yaa tie ban gagidi yaa kopadicianba ke bi tie Tisadoki puoliŋuani siiga yaaba po yo. Bani yaaba n den soani n tuonli ke li tiegi ki naa den yaadi, Isalele yaaba n den yaadi yaa yogunu nani Lefi buolu yaaba n den yaadi maama.

Levi 10:1

Alono bijaba, Nadabi leni Abihu den taa ti fantantiadi, yua kuli yengu yengu ki padi mi fantama ki maani lipo tulale. Bi den kuani u *Kadikaanu gbandieli nni, Li Miali Diedo nintuali fantanlanma, Li Miali Diedo n den kuani ba yaala.

Levi 14:8

Ban ŋanbi yaa nilo yeni baa ŋuudi o tiadi kuli ki kuo o gbanu po kobidi kuli ki wali. O baa ŋanbi. Lani yaa puoli o baa fidi ki kua li nagili nni. O kan fidi ki kua o gbandieli nni hali dana lele n tuoni.

Levi 8:30

Musa den taa mi gagidima sogima kpama leni yaa soama n den ye li padibinbinli po ki miimii Alono leni o tiadi po, ki go miimii o bijaba leni bi yaa tiadi mo yaa po. O den tieni yeni ki gagidi Alono leni o tiadi leni Alono bijaba leni bi yaa tiadi.

Levi 8:34

Yaala n tieni dinla ne, Li Miali Diedo n bili la ke yin baa yi tuonbiadi sugili.

Levi 8:36

Alono leni o bijaba den tieni Li Miali Diedo n den teni Musa yaa ñoabona kuli.

Mi Coadima 19:12

O baa wali leni laa ñima li dataali daali leni li daleleeli daali, lani o baa ŋanbi. Ama o yaa wali li dataali daali leni li daleleeli daali yeni, o kan yaa ŋani.

Mi Coadima 3:7

Bi baa yaa tuuni u *Kadikaanu gbandieli nintuali kani ban puogi ba yaa tuona Alono po leni Isalele yaaba nitaanli kuli po. Bi baa yaa tuuni li gbandieli tuona.

Mi Coadima 9:19

Ku tawaligu yaa den waagi ki ye li gbandieli po yaa banlu kuli, Isalele yaaba yen kubi Li Miali Diedo *bali maama, kaa yen fii ki gedi.

2 Korenti 7:1

N buakaaba, kelima ti pia laa ñoaniani, tin yaa ŋanbidi mani ti yula ki ñandi ti gbanandi leni ti yantiali kuli *joagindi, ki yaa tiendi ania ki suagi liiga leni mi gagidiŋanma hali ki pundi li bianu U Tienu fangili nni.

Mi Tiadima 11:1

Yi baa bua Li Miali Diedo yi Tienu, ki yaa kubi o mabilikaama, o ñoabona, o bujiali tundi leni o *bali maama yogunu kuli.

1 Timote 1:18

N biga Timote, n teni a yaa ñoabonli n tie na, nani ban den kpa pua apo yaa sawali ki yedi maama lani n tie ŋan yaa koani li dandanli koanŋanli,

1 Timote 5:21

N teni a yaa ñoabonli n tie na U Tienu nintuali leni Jesu Kilisiti nintuali, leni bi maleki-gandikaaba yaa nintuali, ke ŋan yaa ŋua laa maama kuli ki da gagidi bi niba leni biyaba, ŋan tieni bikuli po yenma.

1 Timote 6:13

N teni a li ñoabonli U Tienu yua n puni yaala n fo kuli li miali yaa nintuali, leni Jesu Kilisiti nintuali, wani yua n den tieni o siediŋamo Ponisa Pilata nintuali,

1 Timote 6:17

Ŋan tundi yaaba n tie a piada ŋanduna na niinni ke ban da pia ti japaadi, ki da piani bi yula bi piama po, yaama n naa pia dugidi. Ama ban piani bi yula U Tienu po, wani yua n puuni ti li bonla kuli ke li kandi, ki bua tin mangi ti pala lipo.

1 Timote 6:20

Fini Timote, ŋan yaa gu U Tienu pianli, ki paadi leni yaa mafanma n ki yegi leni li dandanli leni yaa niama n ñani bi niba bandima yaama n ki tie moamoani kani.

2 Timote 4:1

N teni a yaa ñoabonli n tie na U Tienu nintuali leni Jesu Kilisiti yua n baa jia ti buudi leni yaaba n fo leni yaaba n kpe kuli nintuali, ki puogi a kelima o cuama leni o diema kuli po,

Hebilunba 7:28

Li balimaama den dini bi nisaaliba yaaba n tadi ke bi tua bi kopadicianba. Ama li poli yaa maama yaama den yuandi ki cua li balimaama puoli po yeni teni ke Bijua, wani yua n dagidi ki ŋani cain hali yaa yogunu kuli, n yaa tie bi kopadicianba bado.