Levi 8:15 - Gourmanchéma Bible

¹⁵ Musa den kodi ki ga mi soama ki tu ma leni o nubili ki tieni li padibinbinli ñoakunnaadi yi n yugidi po leni li lindima kuli, ki ŋanbi li padibinbinli yeni ke li ŋani cain. O den wuli mi soama li padibinbinli tiipo, ki gagidi li ti *tuonbiadi sugili miabu tuonli po.

U TIENU MAAMA TILI 2013

¹⁵ Musa den kodi li, ki gaa mi soama ki tuu ma leni o nubili, ki duuni li padibinbinli yina leni li lindima kuli, ki ŋanbi li padibinbinli yeni, ke li ŋani cain. O den wuli mi soama li padibinbinli tiipo, ki gagidi li ti tuonbiadi sugili miabu tuonli po.

Levi 8:15 ပူးပေါင်းရင်းမြစ်များ

2 Bi Badiba Jama 29:24

Bi kopadicianba den kodi ba ki wuli bi soama li padibinbinli po, ki mia Isalele yaaba po bi *tuonbiadi sugili. O bado den yedi ke li padijuukaali leni ti tuonbiadi padili kuli tieni kelima Isalele yaaba kuli poe.

Esekieli 45:20

A baa tieni yene o ŋmaalo dana lele daali yua n tieni ti tuonbiadi kaa bi bua, bi kaa bi bani po. Yi baa tieni yene ki ñani ti tuonbiadi U Tienu diegu nni.

Danieli 9:24

Li bili bina lele taalima piilele a nibuolu leni a dogagidiko po. Laa yogunu bili ke mi yiema n gbeni, ke mi tudima n baa u bianu, ke ti tuonbiadi n baa sugili, ke yaa teginma n baa yaa ye hali yaa yogunu kuli n doagidi, ke li bonlekaala leni U Tienu sawalipuaba n den soagini yaala kuli n tieni, ke u *kaangagidiŋanmoanu mo n go gagidi.

Levi 1:11

O baa kodi li li padibinbinli jienu po, u kaangagidiŋanmoanu nintuali. Alono bijaba, bi kopadicianba mo baa wuli mi soama li padibinbinli po ki gaani i kaani kuli.

Levi 1:5

O baa kodi ki yanga yeni u *kaangagidiŋanmoanu nintuali. Alono bijaba, bi kopadicianba mo baa cuani mi soama ki miimii li *padibinbinli yaali n ye u Kadikaanu gbandieli yeni nintuali kaani kuli.

Levi 16:20

Lanwani Alono yaa tieni ti tuonbiadi sugili miabu padili u kaangagidiŋanmoanu po, leni u Kadikaanu gbandieli po leni li padibinbinli po kuli ki gbeni, o baa teni ban cuani yaa ŋuabuali n fo yeni.

Levi 3:2

O baa maani o nuu ki padiyanga yuli po ki kodi ga u*Kadikaanu gbandieli buliñoatuogili kani. Alono bijaba bi kopadicianba mo, baa miimii mi soama li*padibinbinli kaani kuli.

Levi 3:8

O baa maani o nuu ki padiyanga yeni yuli po ki kodi ga u Kadikaanu gbandieli buliñoatuogili. Alono bijaba baa miimii mi soama li padibinbinli kaani kuli.

Levi 4:25

O kopadiciamo baa tu o nubili ki padiyanga yeni soama nni ki tieni ma a padijuukaana binbinli yina po. Li yaa puoli o baa wuli yaa soama n sieni li padibinbinli yeni tiipo.

Levi 4:30

O kopadiciamo baa tu o nubili ki padiyanga yeni soama nni ki tieni ma a padijuukaana binbinli yina po. Li yaa puoli o baa wuli yaa soama n sieni li padibinbinli yeni tiipo.

Levi 4:7

O go baa tieni mi soama ban juugi tulale yaa*padibinbinli po ke li se u kaangagidiŋanmoanu nni yeni yina po. O baa taa yaa soama n sieni ki wuli ma a padijuukaana binbinli yaali n se u Kadikaanu gbandieli buliñoabu kani yeni tiipo.

Mi Coadima 8:12

Lefi buolu yaaba baa maani bi nii a naatona yeni yula po. A baa taa naatonyenli ki padi ti tuonbiadi sugili padili. Li naatonlieli mo, a baa padi li li padijuukaali Li Miali Diedo po, ki mia Lefi buolu yaaba po ti tuonbiadi sugili.

LOMA YAABA 5:10

Tin den tie U Tienu yibalinba yaa yogunu, o den teni ke ti mangi leni o kelima o Bijua kuuma po. Lanwani moala ke ti mangi leni o, laa pia kuli tama ke ti baa tindi kelima o yaa miali po.

Efesa 2:16

O den tieni yeni ki baa teni ban mangi leni U Tienu, ki tua nibuoliyendu kelima li *dapoanpoanli yaa po, wan den bolini ti yibalindi naankani.

Hebilunba 2:17

Lani yaa po, li den tie tiladi ke wan tua nani o waamu yeni li bonla kuli nni. Yeni, ke wan yaa tie yaa kopadicianba bado n gba bipo mi niñima ki go tie o nidugika wan tuuni bipo yaa tuonli U Tienu kani leni wan go den padi i *candanbaani padili ki baa sugili bi niba*tuonbiadi po maama.