Levi 7:35 - Gourmanchéma Bible

³⁵ Lani n tie Alono leni o bijaba n baa yaa biinu Isalele yaaba n puuni yaala yaa siiga. Ban wuli bipo mi kpama ki gagidi ba yaa daale ke bi baa laa sanu.

U TIENU MAAMA TILI 2013

³⁵ Lani n tie Alono leni o bijaba n baa yaa biinu Isidayeli yaaba n puuni yaala siiga. Ban wuli bi po mi kpama ki gagidi o Diedo kopadiciantuonli po yo, ke bi baa laa sanu.

Levi 7:35 ပူးပေါင်းရင်းမြစ်များ

Mi Ñama 28:1

Teni a kpelo Alono leni o bijaba: Abihu, Nadabi, Eleyasala leni Itamali ban cua a kani ŋan gagidi ki bogini ba ban tua n kopadicianba ki yaa tuuni npo Isalele yaaba siiga.

Mi Ñama 29:1

Ŋan baa tieni maama nne ki gagidi ki ŋanbi Alono leni o bijaba ban tua n kopadicianba ki yaa tuuni npo. Ŋan gandi naatonli leni petona lie ya n ki pia poadoba kuli.

Mi Ñama 29:21

Lani yaa pendi ŋan ñani mi soama li padibinbinli kani ki go ñani yaa kpama n gagidi ki ŋani ki miimii Alono leni o tiadi po, ki go joagi o bijaba leni bi liada po. Laa bonla yaa pendi ŋan gagidi ki ŋanbi Alono leni o tiadi, o bijaba moko leni bi tiadi baa gagidi ki yaa ŋani.

Mi Ñama 29:7

Ŋan taa mi kpagagidikaama ki wuli o yuli po ki gagidi ki ŋanbi o.

Esayi 10:27

Laa daali yaa cua, n baa faabi yi Leni Asili yaaba paalu, Bi tugikpiagili kan go yaa baa maa yi boacaba po.

Esayi 61:1

O Diedo Li Miali Diedo Fuoma ye n niinni Kelima Li Miali Diedo gandi nni Ke min yaa caagi bi niñinniba o laabaaliŋamo. O soani nni ke min baagi yaaba n ye li paboanli nni Ki waani i yonbi ke bi baa mi faabima Ki go waani a kpaada mo ke bi baa mi *faabima,

Levi 8:30

Musa den taa mi gagidima sogima kpama leni yaa soama n den ye li padibinbinli po ki miimii Alono leni o tiadi po, ki go miimii o bijaba leni bi yaa tiadi mo yaa po. O den tieni yeni ki gagidi Alono leni o tiadi leni Alono bijaba leni bi yaa tiadi.

Jan n diani U Tienu Laabaaliŋamo maama 3:34

Kelima U Tienu n soani yua maadi U Tienu n maadi yaa maama, kelima wani U Tienu n puuni o o Fuoma ke o gbie o niinni.

2 Korenti 1:21

Yua n teni ke ti taani leni yinba ki se ke li pa Kilisiti nni tie U Tienu, wani yua n den gandi ti,

1 Jan 2:20

Ama yinba wani, yi baa U Tienu Fuoma Yua, yua n teni ke yikuli pia mi bandima.

1 Jan 2:27

Ama yinba wani, yin den baa mi Fuoma yaama yeni, ye yi niinni ke laa go tie tiladi ban go bangi yi. Kelima mi Fuoma yaama n bangi yi li bonla kuli ki tie moamoandaano kaa tie faadaano. Lani yaa po yin yaa ye o niinni nani wan bangi yi maama.

1 Samueli 2:28

N den gandi a baa Isalele nibuoli kuli siiga ke wan yaa tie npo o kopadiciamo, ki yen do ki pundi n *padibinbinli kani ki padi ki juu yaa tulale yaa nuulu n mani, ki yaa la li kopadicianliadili n nintuali. N go den puni o diegu yaaba Isalele yaaba n padi yaa padijuukaana kuli.