Levi 7:2 - Gourmanchéma Bible

² Ban kodi a padijuukaana padiyandi naankani yeni, bi baa kodi mi tudima goaŋanbima yaa padiyandi mo lankane. Bi baa miimii mi soama li *padibinbinli kaani kuli.

U TIENU MAAMA TILI 2013

² Ban kodi a padijuukaana padiyandi naankani yeni, bi baa kodi mi tudima candanbaani padiyandi moko lankane. Bi baa mii mi soama li padibinbinli kaani kuli.

Levi 7:2 ပူးပေါင်းရင်းမြစ်များ

Esayi 52:15

Yeni moko, o baa mii ki gagidi ki ŋanbi i nibuoli boncianla. Bi badiba mo baa mubini bi ñoana o kani, Kelima bi baa le, ban kaa den togidi ba yaala, Ki bandi ban kaa den gbadi yaala.

Esekieli 36:25

N baa mii yipo yaa ñima n ŋani cain, ke yin ŋuudi ki ŋanbi. N baa ŋuudi ki ŋanbi yi leni yi joagindi, leni yi buli kuli po.

Esekieli 40:39

Li dieli yeni kaliliedi nni kuli den pia tabilinba lie lie. Bi den baa yaa kodi a padijuukaana yandi leni ti*tuonbiadi sugili pada yandi kuli tabilinba yeni po yo.

Levi 1:11

O baa kodi li li padibinbinli jienu po, u kaangagidiŋanmoanu nintuali. Alono bijaba, bi kopadicianba mo baa wuli mi soama li padibinbinli po ki gaani i kaani kuli.

Levi 1:3

O paabu yaa tie padijuukaali ki tie nua, o baa taa yaa bontonli n ki pia poadi kuli. O baa padi o u Kadikaanu gbandieli yeni buliñoabu kani, ki baa Miali Diedo n ga opo.

Levi 1:5

O baa kodi ki yanga yeni u *kaangagidiŋanmoanu nintuali. Alono bijaba, bi kopadicianba mo baa cuani mi soama ki miimii li *padibinbinli yaali n ye u Kadikaanu gbandieli yeni nintuali kaani kuli.

Levi 14:13

O baa kodi ki pebiga yeni ban kodi ti *tuonbiadi pada leni a padijuukaana naankani, yaa kaanu n gagidi yeni. O tieni yeni kelima mi tudima padili leni ti tuonbiadi sugili miabu padili kuli po. Ki padiyanga yeni tie o kopadiciamo yaa biinu yo. Li tie yaa bonla n gagidi ki ŋani hali boncianla.

Levi 3:2

O baa maani o nuu ki padiyanga yuli po ki kodi ga u*Kadikaanu gbandieli buliñoatuogili kani. Alono bijaba bi kopadicianba mo, baa miimii mi soama li*padibinbinli kaani kuli.

Levi 3:8

O baa maani o nuu ki padiyanga yeni yuli po ki kodi ga u Kadikaanu gbandieli buliñoatuogili. Alono bijaba baa miimii mi soama li padibinbinli kaani kuli.

Levi 4:24

O baa maani o nuu li ŋuabuali yeni yuli po, ki kodi li ban kodi a padijuukaana yaa yandi naankani, Li Miali Diedo nintuali. Li tie ti candandi padili.

Levi 4:29

O baa maani o nuu o ŋuasalo yeni yuli po, ki kodi o ban kodi a padijuukaana yaa yandi naankani.

Levi 4:33

O baa maani o nuu o pesalo yeni yuli po, ki kodi o ban kodi a padijuukaana yaa yandi naankani.

Levi 5:16

O baa pugini ki dunga yeni po, kujapiena muu siiga kuli kujapienyenli, kelima wan biidi yaala u kaangagidiŋamu yeni yaa po. O baa teni likuli o kopadiciamo. Lanwani o kopadiciamo yaa padi li petonli yeni, o baa mia opo sugili. O baa baa sugili mo.

Levi 5:7

Nilo yaa luo ki kan fidi ki baa pesalo bi ŋuasalo, wan cuani kpaajefanmu lie yaaka kpaajenawuundi lie o tudima padili po ki padi Li Miali Diedo po. Yendo baa yaa tie ti candandi padili, yendo mo baa yaa tie padijuukaali.

Levi 5:9

O baa miimii mi soama waamu li *padibinbinli kunu, ki wuli yaama n sieni li padibinbinli tiipo. Li tie ti candandi padili. Li yaa puoli

Levi 6:7

Line n tie yaa padili n tie jiema yaa bali maama. Alono bijaba n baa cua ki padi laa padili li padibinbinli nintuali Li Miali Diedo po.

Mi Coadima 6:12

O baa goa ki gagidi o yuli Li Miali Diedo o nasileya yogunu yeni, ki padi yaa pebiga n pia binli o tagili po. Wan den kpa tieni yaa dana wani naa go taa, kelima o gagidima yeni den biidi.

Hebilunba 11:28

Li tie kelima li dandanli yaa po ke o den teni ke Isalele yaaba cili mi *Pendima jaanma, ki go mii mi soama a buliñoana po ke mi kuuma maleki n da sii Isalele yaaba bonjakpiala.

Hebilunba 12:24

Yi cua Jesu kani, wani yua n tie o *ŋantaadipaano yaa*candanbaalo, leni o soama kani yaama n mii ki maadi yaa maama n ŋani ki cie Abela yaa soama n den maadi yaala.

1 Pieri 1:2

U Tienu yua n tie Baa den gandi yi nani wan den tuodi ki bani ki jagi maama, ki teni ke o Fuoma gagidi yi ke yin yaa tuodi ki tiendi Jesu Kilisiti n yedi yaala, ke o soama mo n mii ki ŋanbi yi. Li *ŋanbili leni mi yanduanma n yaa pugidi yipo boncianla.