Levi 7:16 - Gourmanchéma Bible

¹⁶ Nilo yaa padi taanyenma padili kelima o den niani nianli bi li yaa tie yanbuama po, bi baa ŋmani ti padinandi ban padi yaa daali. Yaala n sieni, ban faa ki ŋmani.

U TIENU MAAMA TILI 2013

¹⁶ Nilo yaa padi taanyenma padili kelima o den niani nianli bi li yaa tie yanbuama po, bi baa ŋmani ti padinandi ban padi yaa daali. Yaala n sieni, ban faa ki ŋmani.

Levi 7:16 ပူးပေါင်းရင်းမြစ်များ

Pisomi 116:14

N baa kuani min den niani Li Miali Diedo yaa ñoaniani kuli O niba kuli nintuali.

Pisomi 116:18

N baa kuani min den niani Li Miali Diedo yaa ñoaniani kuli O niba kuli nintuali,

Pisomi 66:13

N baa cua a diegu nni leni a padijuukaana. N baa kuani min niani a yaa ñoaniani kuli,

Mi Ñama 35:29

Isalele jaba leni li puoba kuli yaaba n pia ti bulicindi ki bua Musa n maa Li Miali Diedo n den puogi o wan maa yaa dieli yeni kuli den cuani Li Miali Diedo po bu paabu leni li yankuali.

Mi Kpanjama 7:14

«N den niani ke n baa padi i tuondi pada U Tienu po. N kuani laa ñoanianu dinla.

Esekieli 46:12

Li yaa tie ke o bado padi Li Miali Diedo po, yanbuama padijuukaali, bi taanyenma padili leni yanbuama, bi baa luodi opo yaa buliñoabu n tiegi puoli. Lanwani o baa padi o padijuukaali, leni o taanyenma padili. Li nani wan bi tieni maama mi fuodima daali yeni. Li yaa puoli, o baa ña, ban yuandi ki luoni bu buliñoabu.

Levi 22:23

A baa fidi ki cuani nua bi pia ke o taayenli foagi bi ke li koabi, li yaa tie yanbuama bi tuondi paabu po. Ama li kan tuo ŋan cuani laa yanga buolu li nianli po.

Levi 22:29

Yi yaa cua ki puni Li Miali Diedo i tuondi paabu, yi baa tieni nani lan pundi maama ke Li Miali Diedo n ga yipo.

Levi 23:38

Laa pada baa pugini yin padi npo yaa mi fuodima dana, ke li tie yanbuama paabu bi li nianli padili Li Miali Diedo po.

Mi Coadima 15:3

yi baa yaa padi Li Miali Diedo po ban yen juugi yaa pada mi fantama nni, lan tie padijuukaali, bi yua n bua ki kuani ñoanianuba yaa padili, bi yanbuama paabu padili, bi*jaanma dana pada. Yi baa padi i ne leni ti yanbidi lan tua yaa nuulu n mani Li Miali Diedo po.

Mi Tiadima 12:11

Lankani n baa yaa tie Li Miali Diedo yi Tienu n gandi yaa kaanu ki baa teni o yeli n yaa ye. Lankane yi baa kpendinni min bili yipo yaala kuli lan tie: yi padijuukaana, yi pada, yi dim, yin ñandi yaala opo yi kpaandi nni leni yin baa niani Li Miali Diedo yaa paabu kuli.

Mi Tiadima 12:17

Yi kan fidi ki ŋmani yi *ŋalikama, ki ño yi duvenpaano leni yi kpama yaa dim, ki ŋmani yi yanbidi leni yi yangbenga bontonkpiamu, bi yi paabu siiga paabuba, yin niani yaa paabu, bi yi yanbuama paabu bi yin ñani yi kpaandi nni opo yaala.

Mi Tiadima 12:26

Ama yaala n tie yin die yaala ke yi gagidi la, leni yaala n tie ñoanianu paabu, yi baa gedini la Li Miali Diedo n gandi yaa kaanu yeni kane.

Mi Tiadima 12:6

Lankane yi baa kpendinni yi padijuukaana, yi pada, yi *dim, yin ñani yi kpaandi nni yaala, yin niani yaa paabu leni yi yantiali po yaa paabu, yi yanbidi leni yi yangbenga bontonkpiamu kuli.