Levi 6:7 - Gourmanchéma Bible

⁷ Line n tie yaa padili n tie jiema yaa bali maama. Alono bijaba n baa cua ki padi laa padili li padibinbinli nintuali Li Miali Diedo po.

U TIENU MAAMA TILI 2013

⁷ Line n tie yaa padili n tie jiema bali maama. O Diedo nintuali, Alono bijaba n baa cua ki padi laa padili li padibinbinli kani.

Levi 6:7 ပူးပေါင်းရင်းမြစ်များ

Mi Ñama 34:7

Yua n kubi yaa buama n kan lebidi hali nifiima tudili danba po ki tiendi sugili i tagili po leni mi yiema leni ti *tuonbiadi kuli po, ama o kan saa i tagili danba po i moamoani. Yua n teni ke ti tuonbiadi danba bila leni bi yaabila n tugi bi yaa tuonbiadi panpaani hali ki pundi nifiima taa leni nifiima naa kuli.»

Esayi 1:18

Li Miali Diedo yedi: «Cua mani tin taani ki juogi: Yi tuonbiadi yaa moani baa nani mi soama Se tin goa ki pendi nani a tatana yeni. Baa yi tuonbiadi yeni yaa moani colicoli Se tin goa ki pendi paipai.

Esekieli 33:19

Li yaa tie ke o nibiado lebidi ki ŋa o biadima ki ŋua yaa bujiali n tiegi leni mi teginma, o baa yaa ye kelima lani yaa po.

Levi 2:1

O nilo yaa baa padi yaa padili n tie jiema Li Miali Diedo po, o paabu n yaa tie yonŋanma. Wan kuodi mi niinni mi kpama ki taa a *dugibila ki pugini.

Levi 4:20

O baa tieni laa naatonli moko nani ban tiendi ti candandi padili yaa naatonli maama. O baa tieni lini moko yene. O kopadiciamo baa padi bi niba po li padili ki mia bipo sugili yene. Bi baa baa sugili mo.

Levi 4:26

O baa sia mi kpama kuli li padibinbinli po nani ban tiendi maama mi taanyenma pada po. O baa padi o yudaano yeni po ki mia opo sugili yene. O baa baa sugili mo.

Levi 4:31

O kopadiciamo baa ñani mi kpama kuli, nani ban tiendi mi taanyenma padiyanga maama yeni, ki sia ma li padibinbinli po lan tua Li Miali Diedo po nuulimanu. O baa padi o nilo yeni po ki mia opo sugili yene. O baa baa sugili mo.

Levi 5:10

o baa padi yaa kpaajiega n sieni kan tua padijuukaali ki ŋoadi nani lan bili a padijuukaana po maama. Lanwani o kopadiciamo baa padi o nilo yeni po ki mia opo sugili. O baa baa sugili mo.

Levi 5:13

O kopadiciamo baa padi o nilo yeni po, ki mia opo sugili. O baa baa o tuonbiadi sugili mo. O kopadiciamo baa tieni laa padili nani lan tie maama mi jiema padili po yeni.»

Levi 5:18

O baa cuani o tagili po yaa petonli n ki pia poadi ki cua ki teni o kopadiciamo. O baa cuo li o yanloli nni ke li ŋua ŋan sua ke li dunga pundi maama. O kopadiciamo yeni baa padi o nilo yeni po ki mia sugili wan tieni yaa tudima kaa faami yeni po. Lani o baa baa sugili.

Levi 6:8

Bi siiga yendo baa yidi o nukuli nni yaa yonŋanma n kali leni mi kpama leni a *dugibila. O baa sia laa yoma li padibinbinli po man tua mi tiadima bonla, yaala yaa nuulu n mani Li Miali Diedo po.

Levi 7:2

Ban kodi a padijuukaana padiyandi naankani yeni, bi baa kodi mi tudima goaŋanbima yaa padiyandi mo lankane. Bi baa miimii mi soama li *padibinbinli kaani kuli.

Mise 7:18

Ŋme n naani leni fini U Tienu, Fini yua n puuni a niba yaaba n sieni sugili bi tuonbiadi po? Ŋaa kubi a pabienli yogunu kuli, Kelima mi niñingbadima mani apo.

Matie 12:31

Li tie lani yaa po ke n yedi yi, bi nisaaliba baa baa sugili *tuonbiadi leni sugidi kuli po, ama yua n sugi U Tienu Fuoma Yua kan baa sugili.

1 Jan 1:7

Ama ti yaa ye mi yenma nni nani U Tienu wani oba n ye mi yenma nni maama, Ti pia yanyenma leni tiyaba, O Bijua Jesu yaa soama mo baa ŋuudi ti pala Ki ñandi tipo ti *tuonbiadi kuli cain.

1 Jan 1:9

Ti yaa tuo ti yaa tuonbiadi, O tie tin fidi ki dugi yua po ki go tiegi mo. O baa pa ti sugili ti tuonbiadi po Ki go ŋuudi ki ñani tipo ti biadima kuli cain.