Levi 5:16 - Gourmanchéma Bible

¹⁶ O baa pugini ki dunga yeni po, kujapiena muu siiga kuli kujapienyenli, kelima wan biidi yaala u kaangagidiŋamu yeni yaa po. O baa teni likuli o kopadiciamo. Lanwani o kopadiciamo yaa padi li petonli yeni, o baa mia opo sugili. O baa baa sugili mo.

U TIENU MAAMA TILI 2013

¹⁶ O baa pugini ki dunga yeni po, kujapienamuu siiga kuli kujapienyenli, kelima wan biidi yaala u kaangagidiŋamu yeni po. O baa teni likuli o kopadiciamo. Lanwani, o kopadiciamo yaa padi li petonli yeni, o baa mia o po sugili. Yeni, o baa baa sugili.

Levi 5:16 ပူးပေါင်းရင်းမြစ်များ

Pisomi 69:4

N kuudi ki coagi, n nialu kuli kuodi. N diidi n Tienu hali ke n nuni dingi.

Mi Ñama 22:1

Bi yaa pigini yua ke o moa ki bua kua ki su, ki pua o ke o kpe, tagiliba ki ye yua n ku o po.

Levi 22:14

O nilo yaa dini yaa padijiema n gagidi ki naa faami, o baa goa ki teni o kopadiciamo mi jiema yeni yaa dunga, ki go maani mi dunga yeni po bonla muu kuli siiga bonyenla.

Levi 27:13

Li daano yaa bua ki goa ki da o nianli yanga, o baa pa yeni ki go pugini ki dunga yeni po bonla muu kuli siiga bonyenla.

Levi 27:15

O nilo yeni yaa bua ki goa ki da o dieli, o baa pa li dunga yeni ki go pugini li dunga yeni po bonla muu siiga kuli bonyenla. Lanwani o baa ga o cili.

Levi 27:27

Li yaa tie yaa yanga n joagini yaa bontonkpiaga bi baa goa da ki faabi ga ki ŋoadi ŋan bili kipo yaa dunga, ki pugini ki dunga yeni po bonla muu kuli siiga bonyenla. Bi yaa goa da ki faabi ga, a baa kuadi ga ki ŋoadi ŋan bili yaa dunga yeni.

Levi 27:31

O nilo yaa bua ki goa ki da bonliba o dim yaa niinni, o baa pugini ki dunga yeni po bonli muu kuli siiga bonyenla.

Levi 4:20

O baa tieni laa naatonli moko nani ban tiendi ti candandi padili yaa naatonli maama. O baa tieni lini moko yene. O kopadiciamo baa padi bi niba po li padili ki mia bipo sugili yene. Bi baa baa sugili mo.

Levi 4:26

O baa sia mi kpama kuli li padibinbinli po nani ban tiendi maama mi taanyenma pada po. O baa padi o yudaano yeni po ki mia opo sugili yene. O baa baa sugili mo.

Levi 5:10

o baa padi yaa kpaajiega n sieni kan tua padijuukaali ki ŋoadi nani lan bili a padijuukaana po maama. Lanwani o kopadiciamo baa padi o nilo yeni po ki mia opo sugili. O baa baa sugili mo.

Levi 5:13

O kopadiciamo baa padi o nilo yeni po, ki mia opo sugili. O baa baa o tuonbiadi sugili mo. O kopadiciamo baa tieni laa padili nani lan tie maama mi jiema padili po yeni.»

Levi 5:6

Li yaa puoli o baa cuani o tudima yeni goaŋanbima po pesalo bi ŋuasalo ban padi Li Miali Diedo po ki mia opo o tuonbiadi sugili.

Levi 7:2

Ban kodi a padijuukaana padiyandi naankani yeni, bi baa kodi mi tudima goaŋanbima yaa padiyandi mo lankane. Bi baa miimii mi soama li *padibinbinli kaani kuli.

Mi Coadima 5:7

O baa mia o tuonbiadi yeni sugili. Li daano baa goa ki guani wan janbi ki baa yaa tiagu yeni, ki go maani lipo, ku tiagu yeni dunga n pundi maama, bonla muu siiga kuli bonyenla. O baa teni likuli wan bii yua yaa po yeni.

Mi Coadima 5:8

Li yaa tie ke ku tiagu yeni daano ki go ye, kaa go pia kuli o nilo yua ke bi baa teni o gu, bi baa teni gu Li Miali Diedo yo, lani n tie o kopadiciamo, ke laa taa leni ban baa teni ban padi yaa petonli i tagili daano po ki mia opo o tuonbiadi sugili.

Luki 19:8

Sake den sedi O Diedo nintuali ki yedi o: «Canbaa, diidi, n baa pa a luoda n piama boagidima. N yaa den janbi yua ki ga o kani bonlaba mo, n baa guani o la figilima naa.»

Jesu Tondiba Tuona 26:20

N den kpa wangi Damasa yaaba, ki yuandi ki wangi Jelusalema yaaba, leni Jude yaa diema nni yaaba kuli. N go den wangi bi nilanba moko, ke ban lebidi bi yama ki ŋoadi U Tienu, ki yaa tuuni yaa tuona n doagidi ke bi lebidi.

1 Samueli 6:3

Bi kopadicianba leni a lingida yeni den goa ki yedi ba: «Yi yaa baa guani Isalele yaaba Tienu ŋantaadikpaku, yin da guani gu bonkuongu, yin padi U Tienu po yaa padili n baa mia yi biadima sugili. Yeni yi baa faabi, yi go baa bandi yaala yaa po ke o nuu miabi yi ki naa cedi.»