Levi 5:1 - Gourmanchéma Bible

¹ Li yaa tie nani bi yedi ke siedinba n tieni siedi ki togidi ban laa ki bandi yaala, nilo yaa laa ki bani lan tientieni maama, ama ki yie kaa togidi, o tieni ti*tuonbiadi ki pia i tagili.

U TIENU MAAMA TILI 2013

¹ Nilo yaa tieni siedi, ke nitoa gbadi bi ki laa, ki yie kaa togidi wan gbadi bi wan laa yaala, o tieni ti tuonbiadi, ki pia i tagili.

Levi 5:1 ပူးပေါင်းရင်းမြစ်များ

1 Bi Badiba 22:16

Ama o bado den goa ki yedi o: «Hali taalima ŋa, n baa teni ŋan poli Li Miali Diedo yeli nni ke a li baa maadi nni moamoani bebe?»

1 Bi Badiba 8:31

Li yaa tie ke nilo tudi o nisaalilielo po ke bi bili ke wan poli, li yaa tie ke li poli yeni tieni a padibinbinli kani ku naa diegu nni,

2 Bi Badiba Jama 18:15

Ama o bado den goa ki yedi o: «Hali taalima ŋa, n baa teni ŋan poli Li Miali Diedo yeli nni ke a li baa maadi nni moamoani bebe?»

Pisomi 38:4

Laafia naa ye n gbanandi nni kuli Kelima a pabiencianli po Fidu ki go ye n kpaba nni kelima n *tuonbiadi po.

Mi Ñama 22:11

Ama li yaa tie ke o lielo teni ke bi suni ki yanga o deni, o baa pa o bondaano ki panpaani.

Mi Kpanjama 29:24

Yua n taa ñoabu leni li conconli nani o yule, O gba ti solindi ki naa baa tuo ki waani liba.

Mi Kpanjama 30:9

Lani n tie min da ti je ki guo ki nia ŋa Ki yedi: «Ŋme n tie Li Miali Diedo?» Bi ki yaa ye mi luoma nni ki fii ki ban su Ki biidi n Tienu yeli.

Esayi 53:11

Wan laa yaa fala lipo yeni, O baa le li ñuadi Leni ban baa bandi o maama po Wani n naacemo yua n tiegi yeni baa saa niba boncianla po moamoani Ki taa bi tagili ki tugi.

Jeremi 23:10

‹Mi diema kuli gbie leni yaa niba n tiendi mi *conconma. Bi tiini ki caa mi biadima po yo, Bi gbani saagi yaala n ki ŋani tienma po. Lani yaa po n teni ke mi diema kuli ye leni li paboanli, Bi yankpaakaani kuli mo kuodi.

Esekieli 18:20

Yua n tieni ti tuonbiadi yeni, wani n baa kpe. Ki biga kan tugi o baa tagili tugili, bibaa mo kan tugi o biga tagili tugili. O niteginka *teginma baa jagi o yuli po, o nibiado mo yaa biadima baa jagi o yuli po.

Esekieli 18:4

Mini n die yua kuli miali, bibaa miali leni ki biga miali, mini n die laa mialieda kuli. Yua n tieni ti*tuonbiadi yeni, wani n baa kpe.

Levi 17:16

O yaa ŋuudi o tiadi ki go wali, o baa tugi o tagili tugili.»

Levi 19:8

Yua n ŋmani yeni, o baa ga o tudima panpaani, kelima o fali ki *joagini yaa bonla n gagidi Li Miali Diedo po. Bi baa paadi ki ñani laa nilo o buolu nni.

Levi 20:17

Ja yaa taa o naataanpuoga o baa bisalo, yaaka o naa bisalo ki laa o mubili ke o mo laa o yaa mubili, li tie yaa bonla n gundi. Bi baa paadi ki ñani ba bi buolu nni kelima o ja yeni dua leni o naataanpuoga. Bi baa tugi bi*tuonbiadi panpaani.

Levi 4:2

O nilo yaa tieni *tuonbiadi ki miidi Li Miali Diedo*bali maama maamaba kaa faami, o yaa tieni yaa bonla n kua, yin baa tieni maama nne:

Levi 5:15

«Nilo yaa miidi kuali ki tudi yaala n gagidi Li Miali Diedo po tudibiadima kaa faami, o baa cuani yaa petonli n ki pia poadi ki padi Li Miali Diedo po lan tua mi tudima goaŋanbima padili. O baa cuo o yanloli nni, ki bandi o dunga n baa pundi maama nani u *kaangagidiŋamu yaa kujapiena yeni.

Levi 5:17

O nilo yeni yaa tieni tuonbiadi ki miidi Li Miali Diedo*bali maama maamaba, o yaa tieni yaala n kua, baa o yaa faami, o pia i tagili, o baa ga o tagili panpaani.

Levi 7:18

Li yaa tie ke nilo ŋmani o taanyenma padinandi li dataali, Li Miali Diedo kan ga o padili. Li kaa pia opo todima baa waamu, li tie joagindi, yua n ŋmani kuli baa tugi o tagili.

Mi Coadima 9:13

Li yaa tie ke yua n ki joagini ki naa gedi dogu mo ka, ama ki yie kaa jaani mi Pendima jaanma, yin ñani o o niba nni, kelima waa cuani o paabu mini Li Miali Diedo po lan den bili yaa yogunu. Laa nilo baa tugi o *tuonbiadi panpaani.

Matie 26:63

Jesu den ŋmini suo. Bi kopadicianba bado den yedi: «Hali U Tienu yua n fo po, waani ti a yaa tie *U Tienu n Gandi Yua, U Tienu Bijua.»

1 Pieri 2:24

Wani yua n den tugi ti tuonbiadi O gbanandi nni ku daagu po, Ke tinba yaaba n kpe ti tuonbiadi po yeni, N yaa di ye ki fo ki baa tiendi mi teginma. Li tie kelima o poagilima yaa po ke yi paagi.

Bi Bujiaba 17:2

Dayenli o den yedi o naa: «Ban den suni a ligi tudili n kujapiena kobiga, a den solini yua n taa yi ke n gba. Diidi, mini n kubi yi. Mini n den taa yi.» Lanwani o naa den yedi: «N bijua, Li Miali Diedo n seligi a.»