Levi 4:3 - Gourmanchéma Bible

³ Li yaa tie ban den sogi ki gagidi yaa kopadiciamo a pada tuonli po n tieni ti tuonbiadi kaa faami, ki cedi ke bi niba kuli baa i tagili kelima o tudima yeni po, o baa baa yaa naatonli n ki pia poadi ki padi Li Miali Diedo po lan tua ti candandi padili.

U TIENU MAAMA TILI 2013

³ Li yaa tie ban den wuli ki gagidi yaa kopadiciamo a pada tuonli po n tieni ti tuonbiadi kaa faami, ki cedi ke bi niba kuli baa i tagili, kelima o tudima yeni po. O baa baa yaa naatonli n ki pia poadi, ki padi o Diedo po, lan tua i candanbaani padili.

Levi 4:3 ပူးပေါင်းရင်းမြစ်များ

2 Bi Badiba Jama 29:21

Bi den gedini naatona lele leni petona lele leni pebila lele, leni ŋuabuana lele ki padi ba ki mia U Tienu sugili. Laa pada kuli den baa tieni ku badidiegu po, U Tienu diegu po leni Juda niba kuli po. O bado den yedi Alono puoliŋuani bi kopadicianba ke ban padi ba Li Miali Diedo padibinbinli po.

Esidirasi 8:35

Yaaba n den ñani ti yonbidi nni ki goa ki kpeni den padi a pada Isalele yaaba Tienu po. Bi den padi Isalele yaaba kuli po piiga n naatona lie, piiyia n petona luoba, piilele n pebila lele leni piiga n ŋuabuana lie ki mia bi*tuonbiadi sugili. Likuli den tie padijuukaana Li Miali Diedo po.

Mi Ñama 29:14

Ama ŋan ñani li nagili nni li naatonli nandi, li gbangu leni li bindi ki ban buoni likuli. Laa padili tie ti *tuonbiadi padili.

Mi Ñama 29:21

Lani yaa pendi ŋan ñani mi soama li padibinbinli kani ki go ñani yaa kpama n gagidi ki ŋani ki miimii Alono leni o tiadi po, ki go joagi o bijaba leni bi liada po. Laa bonla yaa pendi ŋan gagidi ki ŋanbi Alono leni o tiadi, o bijaba moko leni bi tiadi baa gagidi ki yaa ŋani.

Mi Ñama 29:7

Ŋan taa mi kpagagidikaama ki wuli o yuli po ki gagidi ki ŋanbi o.

Mi Ñama 30:10

Li binli nni yenma, Alono baa padi ti *tuonbiadi sugili padili ki wuli ki padiyanga soama li padibinbinli yina po. Binli kuli laa padili baa tieni nifiima n tu nifiima. Li padibinbinli baa yaa tie Li Miali Diedo nintuali yaa bonla n gagidi ki ŋani hali bonŋanla.»

Esekieli 40:39

Li dieli yeni kaliliedi nni kuli den pia tabilinba lie lie. Bi den baa yaa kodi a padijuukaana yandi leni ti*tuonbiadi sugili pada yandi kuli tabilinba yeni po yo.

Esekieli 43:19

A baa teni bi kopadicianba Lefi buolu yaaba, yaaba n tie Tisadoki puoliŋuani, min puni bani yaaba u sanu ban yaa kpendinni npo naatonbili ti tuonbiadi sugili padili po. O Diedo, Li Miali Diedo n yedi yeni.›

Esekieli 44:27

Yaa daali ke o kua u kaangagidiŋamu nni, o baa cuani o padili ki padi ti tuonbiadi po. O Diedo, Li Miali Diedo n yedi yeni.

Levi 1:10

O nilo yeni padili yaa tie padijuukaali ki tie yanbiga, li yaa tie pia bi ŋuabo, o baa padi bontonli yaali n ki pia poadi.

Levi 1:3

O paabu yaa tie padijuukaali ki tie nua, o baa taa yaa bontonli n ki pia poadi kuli. O baa padi o u Kadikaanu gbandieli yeni buliñoabu kani, ki baa Miali Diedo n ga opo.

Levi 16:11

Alono baa padi o naatonli ti tuonbiadi sugili po, leni o diegu nni yaaba kuli po. O baa kodi o naatonli ti tuonbiadi sugili po.

Levi 16:3

Diidi Alono n baa fidi ki kua u *kaangagidiŋamu nni maama nne: O baa baa li naatonli ti *tuonbiadi sugili miabu padili po, leni li petonli li padijuukaali po.

Levi 16:5

Lanwani Isalele nitaanli yaaba kuli baa teni o ŋuabuana lie, ti candandi padili po leni petonyenli li padijuukaali po.

Levi 16:6

Alono baa kpa padi li naatonli ti tuonbiadi sugili miabu padili po, ki mia sugili o yuli po leni o diegu yaaba kuli po.

Levi 4:14

Ban tieni yaa tuonbiadi yeni yaa doagidi, bi baa cuani naatonli ki padi ti candandi padili. Bi baa cuani li u Kadikaanu gbandieli buliñoabu kani.

Levi 4:23

O yaa ti bandi wan tieni yaa tuonbiadi yeni, o baa cuani yaa ŋuabuali n ki pia poadi kuli ki padi ti candandi padili.

Levi 4:28

O yaa ti bandi wan tieni yaa tuonbiadi yeni, o baa cuani yaa ŋuasalo n ki pia poadi ki padi ti candandi padili.

Levi 4:5

O kopadiciamo, ban den gagidi yua a pada tuonli po yeni baa taa li naatonli yeni soama ki kuani u Kadikaanu gbandieli nni.

Levi 5:6

Li yaa puoli o baa cuani o tudima yeni goaŋanbima po pesalo bi ŋuasalo ban padi Li Miali Diedo po ki mia opo o tuonbiadi sugili.

Levi 6:18

«Yedi Alono leni o bijaba mine: Ti candandi miabu yaa pada yaa balimaama n tie ne: Ban kodi a padijuukaana yandi naankani yeni, bi baa kodi ti candandi miabu yaa padiyandi lankane, Li Miali Diedo nintuali. Li tie yaa bonla n gagidi ki ŋani cain.

Levi 8:12

Musa go den wuli mi kpama Alono yuli po ki sogi o ki gagidi o.

Levi 9:2

O den yedi Alono: «Ŋan baa naatonbili ti candandi padili po, ki go baa petonli li padijuukaali po, bikuli n yaa ŋani cain ki da pia poadi. A baa cuani ba Li Miali Diedo nintuali.

Levi 9:3

Ŋan go yedi Isalele yaaba n baa li ŋuabuali ti candandi padili po, ki go baa li padijuukaali mo yaa po naabiga leni pebiga, ban pundi binyenli yenli kaa pia poadi.

Mi Coadima 16:22

Musa leni Alono den baa tiipo bi nunmu po, ki yedi: «Fini U Tienu, U Tienu yua n puuni yaala n fo kuli li miali. Naani a baa fiini a pali li nitaanli kuli po, niyendo yaa *tuonbiadi po?»

Mi Coadima 8:8

Li yaa yuandi bi baa taa naatonbili, leni yaa paabu n yegi leni la ki taani leni yaa yoma n kali leni mi kpama. A baa taa li naatonbili, lin tua ti tuonbiadi sugili padili.

LOMA YAABA 8:3

Li *bali maama n kaa den fidi ki tieni yaala kelima ti gbanandi tadingu po, U Tienu den tieni la. O den soani o Bijacele kelima ti tuonbiadi po, ke o taa yaa gbanandi n naani leni ti tuonbiadi n diedi yaa gbanandi. Wan den tieni yeni, o den buni ki cuo ti tuonbiadi ti gbanandi nni.

2 Korenti 5:21

Wani Kilisiti yua n ki den bani tuonbiadi, U Tienu den teni ke o tua ti tuonbiadi tinba yaa po, ke timo n baa o yaa niinni U Tienu*moamoansaali.

Hebilunba 5:3

Li tie o tadingu yeni yaa po ke li tie tiladi wan yaa padi a pada wani oba tuonbiadi po nani wan padi bi niba kuli po maama.

Hebilunba 9:12

O den kua u kaangagidiŋanmoanu nni yenma, ke li dagidi i yogini kuli po. Waa den kua leni a naabila leni a ŋuabuana yaa soama ka, ama leni wani oba yaa soaceli, ki baa tipo yaa *daafaabima n baa ye hali yaa yogunu kuli.