Levi 4:27 - Gourmanchéma Bible

²⁷ Li yaa tie ke nifano n tieni tuonbiadi kaa faami, ki tieni yaala n kua ki miidi Li Miali Diedo bali maama, o kua i tagili nni.

U TIENU MAAMA TILI 2013

²⁷ Li yaa tie ke taliga n tieni tuonbiadi kaa faami, bi ki tieni yaala n kua, ki miidi o Diedo bali maama, o kua i tagili nni.

Levi 4:27 ပူးပေါင်းရင်းမြစ်များ

Pisomi 19:13

Ŋme n baa fidi ki bandi o yuli po tudima? Tieni npo sugili leni mi kaa bani yaa tudima po.

Mi Ñama 12:49

Laa *bali maama baa tie yenma o dotielo po leni o caano yua n kaa yi siiga kuli po.»

Esekieli 45:17

Li tie wani o bado mo yaa tuonle ki cuani yaala n tie tiladi a padijuukaana po, bu paabu pada po, a ñincaba po, mi *jaanma po, i ŋmapaani po, mi fuodima dana po leni Isalele buoli yaaba n pia yaa badi buoli kuli po. O baa padi ti tuonbiadi padili, bu paabu padili, a padijuukaana, mi taanyenma pada leni Isalele buolu tuonbiadi sugili pada.»

Esekieli 45:20

A baa tieni yene o ŋmaalo dana lele daali yua n tieni ti tuonbiadi kaa bi bua, bi kaa bi bani po. Yi baa tieni yene ki ñani ti tuonbiadi U Tienu diegu nni.

Levi 4:13

Li yaa tie ke Isalele yaaba nitaanli kuli n tieni ti tuonbiadi kaa faami, ki tieni yaala n kua ki miidi Li Miali Diedo bali maama, baa ke baa bani, bi kua i tagili nni.

Levi 4:2

O nilo yaa tieni *tuonbiadi ki miidi Li Miali Diedo*bali maama maamaba kaa faami, o yaa tieni yaa bonla n kua, yin baa tieni maama nne:

Levi 4:22

Li yaa tie ke yudaano n tieni tuonbiadi kaa faami, ki tieni yaala n kua ki miidi Li Miali Diedo U Tienu bali maama, o kua i tagili nni.

Levi 5:17

O nilo yeni yaa tieni tuonbiadi ki miidi Li Miali Diedo*bali maama maamaba, o yaa tieni yaala n kua, baa o yaa faami, o pia i tagili, o baa ga o tagili panpaani.

Levi 9:15

Li yaa puoli o den padi bi niba po bi yaa padili. O den taa ti candandi yaa ŋuabuali ki kodi li, ki padi ki mia bipo sugili bi tuonbiadi po, nani wan bi kodi ki padiyankpiaga maama.

Mi Coadima 15:16

Balimayenma leni ñoabonbilikayenli n baa ye yinba leni yaa nilanba n kaa yi siiga kuli po.»

Mi Coadima 15:22

Yi yaa tieni ti *tuonbiadi kaa bani ki naa ŋoadi Li Miali Diedo leni Musa yaa *balimaama na kuli,

Mi Coadima 15:27

Li yaa tie ke niyendo n tieni ti tuonbiadi kaa bani, o baa cuani ŋuasalo yua n pia binli ki padi ti tuonbiadi sugili padili.

Mi Coadima 15:29

Li yaa tie ke nilo tieni ti tuonbiadi kaa bani, balimayenma n baa yaa ye yua n tie Isalele yaaba siiga yua leni yaa nilamo n kaa yi siiga po.

Mi Coadima 5:6

ke wan yedi Isalele yaaba yaa maama n tie na: «Ja bi pua yaa bii o lielo po, o tieni Li Miali Diedo po ti*tuonbiadi.