Levi 4:26 - Gourmanchéma Bible

²⁶ O baa sia mi kpama kuli li padibinbinli po nani ban tiendi maama mi taanyenma pada po. O baa padi o yudaano yeni po ki mia opo sugili yene. O baa baa sugili mo.

U TIENU MAAMA TILI 2013

²⁶ O baa juu mi kpama kuli li padibinbinli po, nani ban tiendi maama mi taanyenma pada po. O baa padi o yudaano yeni po, ki mia o po sugili yene. Yeni, o baa baa sugili.

Levi 4:26 ပူးပေါင်းရင်းမြစ်များ

2 Bi Badiba Jama 29:24

Bi kopadicianba den kodi ba ki wuli bi soama li padibinbinli po, ki mia Isalele yaaba po bi *tuonbiadi sugili. O bado den yedi ke li padijuukaali leni ti tuonbiadi padili kuli tieni kelima Isalele yaaba kuli poe.

Esekieli 43:22

Li dalieli, a baa taa yaa ŋuabuali n ki pia poadi ki padi li ti tuonbiadi sugili po. A baa tieni yeni ki ñani li padibinbinli tuonbiadi, nani ŋan den tieni maama leni li naatonbili ki ñani ti tuonbiadi yeni.

Levi 1:4

O baa maani o nuu ki padiyanga yeni yuli po. Li Miali Diedo baa ga laa padili ki ñani laa nilo po o *tuonbiadi.

Levi 12:8

O pua yeni yaa kan fidi ki baa ki pebiga, o baa taa kpaajefanmu lie bi kpaajenawuundi lie ki cuani. Yendo baa tua li padijuukaali, o lielo mo baa tua ti tuonbiadi sugili, lani, o baa ŋanbi.»

Levi 14:18

Yaa kpama n sieni o kopadiciamo nupuogu nni yeni, o baa tieni wan ŋanbidi yua yeni yaa yuli po. O tieni ki bua ki mia opo sugili o tudima po Li Miali Diedo nintuali.

Levi 15:15

O kopadiciamo baa padi mu, yenga n tua ti *tuonbiadi sugili miabu padili, ki liega mo n tua padijuukaali. Yeni o kopadiciamo baa mia o nilo yeni po sugili o ñanyianma po Li Miali Diedo nintuali.

Levi 17:11

Kelima gbanandi kuli yaa miali ye mi soama nne. N puni yi ma ke man yaa ye li padibinbinli po, ke man pa yi sugili ki faabi yi miana. Kelima li tie li miali po yo ke mi soama puni ti *tuonbiadi sugili.

Levi 19:22

O kopadiciamo baa mia opo sugili Li Mali Diedo nintuali. O baa padi opo li petonli, lin tua mi tudima padili kelima o ja yeni n tieni yaa tuonbiadi yaa po. O ja yeni baa baa o tuonbiadi sugili.

Levi 3:5

Alono bijaba baa sia lani li padibinbinli po. O baa maani la yaa padijuukaali n maa yaa daadi n co yeni tanpoli likuli n buodi. Li tie yaa padili n sia ki buodi cain, ki tie yaali yaa nuulu n mani Li Miali Diedo po.

Levi 4:19

O baa ñani li naatonli yeni kpama kuli ki sia ma li padibinbinli po.

Levi 4:20

O baa tieni laa naatonli moko nani ban tiendi ti candandi padili yaa naatonli maama. O baa tieni lini moko yene. O kopadiciamo baa padi bi niba po li padili ki mia bipo sugili yene. Bi baa baa sugili mo.

Levi 4:31

O kopadiciamo baa ñani mi kpama kuli, nani ban tiendi mi taanyenma padiyanga maama yeni, ki sia ma li padibinbinli po lan tua Li Miali Diedo po nuulimanu. O baa padi o nilo yeni po ki mia opo sugili yene. O baa baa sugili mo.

Levi 4:35

O kopadiciamo baa ñani mi kpama kuli, nani ban tiendi mi taanyenma padipia maama yeni, ki taani leni yaala n baa sia kuli ki sia li padibinbinli po. O baa padi o nilo yeni po ki mia opo sugili yene. O baa baa sugili mo.

Levi 5:10

o baa padi yaa kpaajiega n sieni kan tua padijuukaali ki ŋoadi nani lan bili a padijuukaana po maama. Lanwani o kopadiciamo baa padi o nilo yeni po ki mia opo sugili. O baa baa sugili mo.

Levi 5:13

O kopadiciamo baa padi o nilo yeni po, ki mia opo sugili. O baa baa o tuonbiadi sugili mo. O kopadiciamo baa tieni laa padili nani lan tie maama mi jiema padili po yeni.»

Levi 5:16

O baa pugini ki dunga yeni po, kujapiena muu siiga kuli kujapienyenli, kelima wan biidi yaala u kaangagidiŋamu yeni yaa po. O baa teni likuli o kopadiciamo. Lanwani o kopadiciamo yaa padi li petonli yeni, o baa mia opo sugili. O baa baa sugili mo.

Levi 5:18

O baa cuani o tagili po yaa petonli n ki pia poadi ki cua ki teni o kopadiciamo. O baa cuo li o yanloli nni ke li ŋua ŋan sua ke li dunga pundi maama. O kopadiciamo yeni baa padi o nilo yeni po ki mia sugili wan tieni yaa tudima kaa faami yeni po. Lani o baa baa sugili.

Levi 6:7

Line n tie yaa padili n tie jiema yaa bali maama. Alono bijaba n baa cua ki padi laa padili li padibinbinli nintuali Li Miali Diedo po.

Mi Coadima 15:25

O kopadiciamo baa mia Isalele yaaba nitaanli kuli po bi tuonbiadi sugili, lani bi baa baa sugili. Kelima li tie yaa tuonbiadi ke bi tieni kaa bani, ke bi go cuani li padili yaala n juu mi fantama nni Li Miali Diedo po. Bi go cuani ki padiyanga ti tuonbiadi po, Li Miali Diedo nintuali, kelima ban tieni yaa tuonbiadi kaa bani yeni po.

Mi Coadima 15:28

O kopadiciamo baa padi ki mia yua n tieni ti tuonbiadi kaa bani yeni po sugili Li Miali Diedo nintuali. O yaa padi ki mia opo sugili, o baa baa sugili.