Levi 4:24 - Gourmanchéma Bible

²⁴ O baa maani o nuu li ŋuabuali yeni yuli po, ki kodi li ban kodi a padijuukaana yaa yandi naankani, Li Miali Diedo nintuali. Li tie ti candandi padili.

U TIENU MAAMA TILI 2013

²⁴ O Diedo nintuali, o baa maani o nuu li ŋuabuali yeni yuli po, ki kodi li, ban kodi a padijuukaana yaa yandi naankani. Li tie i candanbaani padili.

Levi 4:24 ပူးပေါင်းရင်းမြစ်များ

2 Bi Badiba 12:16

Baa den buali yaa niba n gobidi li tuonli yeni ban ñandi i ligi maama ki pa bi tuonsoanba kelima bi den tuuni ke li tiegi.

2 Bi Badiba Jama 29:23

Ban den baa padi yaa ŋuabuana ki mia sugili yeni, bi den gedini ba o bado leni li nitaanli kuli nintuali, ke bi maani bi nii bipo.

Mi Ñama 29:38

Daali kuli ŋan padi li padibinbinli po pebila lie yaaba n pia binyenli yenli. Ŋaa tiendi yeni daali kuli ki da cedi.

Esayi 53:6

Tikuli den yaadi nani i pe yeni. Yua kuli den tagi wan bua yaa sanu. Ama Li Miali Diedo den tuni wani ti yaa tagili kuli.

Levi 1:11

O baa kodi li li padibinbinli jienu po, u kaangagidiŋanmoanu nintuali. Alono bijaba, bi kopadicianba mo baa wuli mi soama li padibinbinli po ki gaani i kaani kuli.

Levi 1:4

O baa maani o nuu ki padiyanga yeni yuli po. Li Miali Diedo baa ga laa padili ki ñani laa nilo po o *tuonbiadi.

Levi 1:5

O baa kodi ki yanga yeni u *kaangagidiŋanmoanu nintuali. Alono bijaba, bi kopadicianba mo baa cuani mi soama ki miimii li *padibinbinli yaali n ye u Kadikaanu gbandieli yeni nintuali kaani kuli.

Levi 14:13

O baa kodi ki pebiga yeni ban kodi ti *tuonbiadi pada leni a padijuukaana naankani, yaa kaanu n gagidi yeni. O tieni yeni kelima mi tudima padili leni ti tuonbiadi sugili miabu padili kuli po. Ki padiyanga yeni tie o kopadiciamo yaa biinu yo. Li tie yaa bonla n gagidi ki ŋani hali boncianla.

Levi 16:15

O go baa kodi ti tuonbiadi sugili miabu ŋuabuali bi niba po. O go baa taa li yaa soama ki kandi bu kpalidoaginkaabu ki kua. O baa tieni laa soama mo nani wan bi tieni maama leni li naatonli yaa soama yeni. O baa miimii mi soama ku kpaku biili po leni li nintuali.

Levi 3:13

O baa maani o nuu ki padiyanga yeni yuli po ki kodi ga u Kadikaanu gbandieli buliñoatuogili. Alono bijaba baa wuli o soama li padibinbinli kaani kuli.

Levi 3:2

O baa maani o nuu ki padiyanga yuli po ki kodi ga u*Kadikaanu gbandieli buliñoatuogili kani. Alono bijaba bi kopadicianba mo, baa miimii mi soama li*padibinbinli kaani kuli.

Levi 3:8

O baa maani o nuu ki padiyanga yeni yuli po ki kodi ga u Kadikaanu gbandieli buliñoatuogili. Alono bijaba baa miimii mi soama li padibinbinli kaani kuli.

Levi 6:18

«Yedi Alono leni o bijaba mine: Ti candandi miabu yaa pada yaa balimaama n tie ne: Ban kodi a padijuukaana yandi naankani yeni, bi baa kodi ti candandi miabu yaa padiyandi lankane, Li Miali Diedo nintuali. Li tie yaa bonla n gagidi ki ŋani cain.

Levi 6:22

Bi kopadicianba yaa niba yaa siiga, a bonjala bebe n baa ŋmani laa nandi, kelima li tie yaa bonla n gagidi ki ŋani cain.

Levi 7:2

Ban kodi a padijuukaana padiyandi naankani yeni, bi baa kodi mi tudima goaŋanbima yaa padiyandi mo lankane. Bi baa miimii mi soama li *padibinbinli kaani kuli.