Levi 4:21 - Gourmanchéma Bible

²¹ Yaala n sieni li naatonli yeni nni, o baa ñani likuli li nagili niini ki sia nani wan den tieni li naatonkpiali maama. Li tie li nitaanli kuli candandi yaa padili.

U TIENU MAAMA TILI 2013

²¹ Yaala n sieni li naatonli yeni nni, o baa ñani likuli li nagili niini, ki juu nani wan den tieni li naatonkpiali maama. Li tie li nitaanli kuli candanbaani padile.

Levi 4:21 ပူးပေါင်းရင်းမြစ်များ

Esidirasi 8:35

Yaaba n den ñani ti yonbidi nni ki goa ki kpeni den padi a pada Isalele yaaba Tienu po. Bi den padi Isalele yaaba kuli po piiga n naatona lie, piiyia n petona luoba, piilele n pebila lele leni piiga n ŋuabuana lie ki mia bi*tuonbiadi sugili. Likuli den tie padijuukaana Li Miali Diedo po.

Mi Ñama 29:14

Ama ŋan ñani li nagili nni li naatonli nandi, li gbangu leni li bindi ki ban buoni likuli. Laa padili tie ti *tuonbiadi padili.

Esekieli 45:22

Mi jaanma dakpiali yeni, o bado baa padi naatonli wani leni mi diema niba kuli yaa tuonbiadi sugili po.

Levi 16:15

O go baa kodi ti tuonbiadi sugili miabu ŋuabuali bi niba po. O go baa taa li yaa soama ki kandi bu kpalidoaginkaabu ki kua. O baa tieni laa soama mo nani wan bi tieni maama leni li naatonli yaa soama yeni. O baa miimii mi soama ku kpaku biili po leni li nintuali.

Levi 16:21

Alono baa maani o niliedi li ŋuabuafuodili yeni yuli po, ki coadi ki togidi lipo Isalele yaaba tagili, bi biadima leni bi tuonbiadi kuli. O baa maani likuli li ŋuabuali yeni yaa yuli po. Lani o baa deli ki yaani li mi fanpienma nni. Lani o baa teni li yaa nilo n baa deli ki yaani li mi fanpienma nni.

Levi 16:27

Lani bi baa taa ti tuonbiadi padili naatonli leni li ŋuabuali yeni yaa nandi ki ñani li nagili niinpo. Li tie ban den gedini yaa yandi yaa soama u kaangagidiŋamu nni ki baa sugili. Bi baa sia ki buoni ti nandi, ti gbandi leni ti nuadi kuli.

Levi 4:13

Li yaa tie ke Isalele yaaba nitaanli kuli n tieni ti tuonbiadi kaa faami, ki tieni yaala n kua ki miidi Li Miali Diedo bali maama, baa ke baa bani, bi kua i tagili nni.

Levi 4:20

O baa tieni laa naatonli moko nani ban tiendi ti candandi padili yaa naatonli maama. O baa tieni lini moko yene. O kopadiciamo baa padi bi niba po li padili ki mia bipo sugili yene. Bi baa baa sugili mo.

Levi 6:11

Alono bila siiga, a bonjala kuli baa je laa jiema, kelima ban kpendinni Li Miali Diedo po yaa pada siiga, laa bonla tie ban die yaala hali yaa yogunu kuli. Nitoa yaa sii la kuli yaala n bia baa le o.

Levi 6:23

Ama ti candandi yaa pada yaa yandi, ban gedini yaaba yaa soama u Kadikaanu gbandieli tugu nni ki mia ti tuonbiadi sugili u kaangagidiŋamu nni, oba kuli kan ŋmani ti. Bi baa sia ki buoni tikuli cain.

Levi 8:17

Ama o den teni ke bi ñani li naatonli yeni gbangu leni o nandi leni o nuadi kuli li nagili niini po ki sia ke li buodi cain nani Li Miali Diedo n den waani wani Musa maama.

Mi Coadima 15:24

Li yaa tie ke ti tuonbiadi yeni ki tieni leni yanbuama, maama ke li nitaanli kuli ki bandi, li nitaanli kuli baa padi naatonbili, yaa padijuukaali yaa nuulu n mani Li Miali Diedo po, leni li paabu, leni li *ñincabili. Nani lan bili maama, li nitaanli yeni baa padi ŋuabuali ti tuonbiadi sugili po.

Matie 20:28

Lani n tie o Ja Bijua n cua ki tiendi maama. Laa tie nitoaba n yaa tuuni opo ka, ama ke wan yaa tuuni nitoaba po, ki go pa o miali ki kpe, ki da ki faabi bi niba boncianla.»

2 Korenti 5:21

Wani Kilisiti yua n ki den bani tuonbiadi, U Tienu den teni ke o tua ti tuonbiadi tinba yaa po, ke timo n baa o yaa niinni U Tienu*moamoansaali.

Hebilunba 13:11

Bi kopadicianba bado yaa padi yaa yandi ti tuonbiadi po, o yen taa ti soama ki kuani u *kaangagidiŋanmoanu nni. Ama bi yen ñani ban kodi yaa yandi li nagili niinpo, ki sia ti tin buodi.