Levi 4:15 - Gourmanchéma Bible

¹⁵ Isalele yaaba nikpela baa maani bi nii li naatonli yuli po U Tienu nintuali, bi siiga yendo n kodi li.

U TIENU MAAMA TILI 2013

¹⁵ U Tienu nintuali, Isidayeli yaaba nikpela baa maani bi nii li naatonli yuli po, bi siiga yendo n kodi li.

Levi 4:15 ပူးပေါင်းရင်းမြစ်များ

2 Bi Badiba Jama 29:23

Ban den baa padi yaa ŋuabuana ki mia sugili yeni, bi den gedini ba o bado leni li nitaanli kuli nintuali, ke bi maani bi nii bipo.

Mi Ñama 24:1

U Tienu den yedi Musa: «Ŋan do ki cua mini Li Miali Diedo kani fini leni Alono leni Nadabi leni Abihu leni Isalele yaaba nikpeliba siiga niba piilele. Yin pugi mani nni ki da ye hali foagima.

Mi Ñama 24:9

Musa den doni li juali leni Alono leni Nadabi leni Abihu leni Isalele yaaba nikpeliba siiga niba piilele.

Levi 1:3

O paabu yaa tie padijuukaali ki tie nua, o baa taa yaa bontonli n ki pia poadi kuli. O baa padi o u Kadikaanu gbandieli yeni buliñoabu kani, ki baa Miali Diedo n ga opo.

Levi 1:4

O baa maani o nuu ki padiyanga yeni yuli po. Li Miali Diedo baa ga laa padili ki ñani laa nilo po o *tuonbiadi.

Levi 16:21

Alono baa maani o niliedi li ŋuabuafuodili yeni yuli po, ki coadi ki togidi lipo Isalele yaaba tagili, bi biadima leni bi tuonbiadi kuli. O baa maani likuli li ŋuabuali yeni yaa yuli po. Lani o baa deli ki yaani li mi fanpienma nni. Lani o baa teni li yaa nilo n baa deli ki yaani li mi fanpienma nni.

Levi 4:16

O kopadiciamo, ban den gagidi yua a pada tuonli po yeni, baa taa li naatonli yeni soama ki kuani u Kadikaanu gbandieli nni.

Levi 4:4

O baa cuani li naatonli yeni u *kaangagidiŋanmoanu nintuali, u *Kadikaanu gbandieli buliñoatuogili kani. O baa maani o nuu li naatonli yeni yuli po, ki kodi li lankani, Li Miali Diedo nintuali.

Levi 8:14

O den teni ke bi cuani li naatonli ti candandi padili po. Alono leni o bijaba den maani bi nii li naatonli yeni yuli po.

Levi 8:18

Li yaa puoli o den teni ke bi cuani li padijuukaali petonli, Alono leni o bijaba den maani bi nii li petonli yeni yuli po.

Levi 8:22

Musa go den teni ke bi cuani li petonlieli yaali n tie bi kopadicianba gagidima li tuonli po yaa padili po yeni. Alono leni o bijaba den maani bi nii li petonli yuli po.

Mi Coadima 11:16

Li Miali Diedo den yedi Musa: «Taani a kani Isalele yaaba nikpela siiga nikpela piilele, ŋan bani yaaba ke bi tie nikpela leni yudanba ku niligu siiga. Ŋan cuani ba u*Kadikaanu gbandieli kani, bani leni fini n taani likani.

Mi Coadima 11:25

Li Miali Diedo den jiidi ku tawaligu nni ki maadi leni Musa. O den taa o Fuoma yaama n ye Musa po yeni, ki kuani bi nikpepiileleediba yeni niinni. U Tienu Fuoma n den kua bi niinni yaa yogunu, bi den cili ki pua sawali, ama baa den suagi liiga.

Mi Coadima 8:10

Ŋan teni Lefi buolu yaaba n nagini Li Miali Diedo nintuali, ke Isalele yaaba n maani bi nii Lefi buolu yaaba po.

Mi Coadima 8:12

Lefi buolu yaaba baa maani bi nii a naatona yeni yula po. A baa taa naatonyenli ki padi ti tuonbiadi sugili padili. Li naatonlieli mo, a baa padi li li padijuukaali Li Miali Diedo po, ki mia Lefi buolu yaaba po ti tuonbiadi sugili.