Levi 3:3 - Gourmanchéma Bible

³ Mi taanyenma padili yeni niinni, o baa taa ki cuani yaala n tie ne, lan tua padijuukaali Li Miali Diedo po: Yaa kpakaagu n ŋuagi ti nuadi leni yaa kpama n taabi ti kuli,

U TIENU MAAMA TILI 2013

³ Mi taanyenma padili yeni niinni, o baa taa yaala n tie ne ki cuani, lan tua padijuukaali o Diedo po: Yaa kpakaagu n ŋuagi ti nuadi leni yaa kpama n taabi ti kuli,

Levi 3:3 ပူးပေါင်းရင်းမြစ်များ

Pisomi 119:70

Bi pala tiligi nani ku kpakaagu yeni. Ama mini wani teni ke a bali maama n tua n pamanli.

Mi Ñama 29:13

Ŋan taa yaa kpakaagu n ŋuagi ti nuadi kuli, leni li puali leni a cayaanlieda leni a kpama, ki sia likuli li padibinbinli po.

Mi Ñama 29:22

Ŋan taa o pia yeni juoli, yaa kpama n baali ki ciaga, li puali n puabi yaa nandi nni, a cayaanlieda leni a kpama leni li jienpanli, kelima li petonlieli yeni yaa padili n baa tua bi kopadicianba tuonli cilima.

Mi Kpanjama 23:26

N bijua, pa nni a pali, A nuni mo n yaa bua n sani bonŋanla.

Esayi 6:10

Teni bi naa niba pala n juagi Biini bi tuba Ki pigini bi nuni. Lani n tie ban da le leni bi nuni, Ki da gbadi leni bi tuba, Bi pala n da ga liba. Lani n tie ban da lebidi bi yama, min paagi ba.

Esekieli 36:26

N baa pa yi papaana ki go kuani yi niinni yantiapaana. N baa ñani yi pala ya n juagi nani a tana yeni, ki lebidi ki pa yi yaa pala n dingi.

Esekieli 44:15

Ama bi kopadicianba Lefi buolu yaaba Tisadoki buolu yaaba n den kubi n kaangagidiŋamu tuonli bonŋanla, Isalele yaaba n den yaadi ki foagidi leni nni yaa yogunu. Bani n baa nagini n kani ki yaa tuuni npo, ki ye n nintuali, ki padi npo ti yandi kpama leni mi soama. O Diedo, Li Miali Diedo n yedi yeni.

Levi 1:12

O nilo yeni baa paadipaadi ki yanga yeni. O kopadiciamo mo n taa likuli ki taani leni li yuli leni mi kpama ki maani yaa daadi n maa li padibinbinli po ki co yeni po.

Levi 1:8

Bi baa maani a nanjena yeni leni li yuli leni mi kpama ti daadi yeni po.

Levi 16:25

O go baa sia ti tuonbiadi yaa padiyanga yeni kpama li padibinbinli po.

Levi 3:16

O kopadiciamo baa sia lani li padibinbinli po. Likuli tie yaa padijiema n sia ki buodi cain ki tie yaala yaa nuulu n mani. Mi nankpama kuli tie Li Miali Diedo n die yaala.

Levi 3:2

O baa maani o nuu ki padiyanga yuli po ki kodi ga u*Kadikaanu gbandieli buliñoatuogili kani. Alono bijaba bi kopadicianba mo, baa miimii mi soama li*padibinbinli kaani kuli.

Levi 3:4

leni a cayaanlieda leni a kpama leni yaa kpama n ye a loga nni, leni mi pualanma, wan baa taani ki tabidi ki ñani yaama leni a cayaana.

Levi 4:10

O kopadiciamo baa ñani laa bonla kuli nani ban tiendi maama mi taanyenma padili yaa naatonli po. O baa sia likuli li padijuukaali yaa padibinbinli po.

Levi 7:30

Wani oba baa ñani yaala n baa sia ki buodi lani n tie mi kpama leni li bengunli ki cuani Li Miali Diedo nintuali. O baa tieni yaa bogidili n doagidi ke o teni li Li Miali Diedo.

Levi 7:5

O kopadiciamo baa sia likuli li padibinbinli po Li Miali Diedo nintuali. Li tie mi tudima goaŋanbima yaa padili.

Levi 9:10

O den sia ti tuonbiadi sugili padiyanga yeni kpama leni a cayaana, leni mi pualanma li padibinbinli po, nani Li Miali Diedo n den waani Musa maama.

Matie 13:16

Ama li pamanli ye leni yi kelima yi yaa nuni wani nua, yi tuba mo gba.

Matie 15:8

‹Bi naa niba jigindi nni leni bi ñoacuuna, Ama bi pala foagi leni nni.

LOMA YAABA 5:5

Mi suginma yeni kan boandi ti kelima U Tienu yaa buama gbieni ti pala kelima U Tienu Fuoma Yua, wan puni ti yua yaa po.

LOMA YAABA 6:6

Ti bani ke bi den joani ti tagikpelu leni Kilisiti li *dapoanpoanli po ke u kpe, ke ti gbanankpiadi, ti tuonbiadi n die yaadi, kan go fidi liba, ke tin da go tie ti tuonbiadi yonbi.

Mi Tiadima 30:6

Li Miali Diedo yi Tienu baa kuani yinba leni yi puoliŋuani pala ku koanciagu, ke yin bua Li Miali Diedo yi Tienu leni yi pala kuli leni yi yama kuli, lani n tie yin fidi ki yaa ye.

1 Samueli 2:15

Hali ke bi daa den juu mi kpama moko, o kopadiciamo naacemo den yen cua ki yedi yua cua ke bi padi opo yeni: «Ŋan cuani yaa nandi n baa sagi o kopadiciamo po. O kan ga a kani yaa nandi n ŋaani, o bua ti nankaadi bebe.»