Levi 3:1 - Gourmanchéma Bible

¹ Nilo yaa bua ki padi mi yanduanma padili, o yaa baa padi nua, li yaa tie naatonli bi naasalo, o baa cuani yua n ki pia poadi ki padi Li Miali Diedo po.

U TIENU MAAMA TILI 2013

¹ Nilo yaa bua ki padi mi yanduanma padili, o yaa baa padi nua, li yaa tie naatonli bi naasalo, o baa cuani yua n ki pia poadi, ki padi o Diedo po.

Levi 3:1 ပူးပေါင်းရင်းမြစ်များ

1 Bi Badiba Jama 21:26

Dafidi den maa li kani li padibinbinli Li Miali Diedo po, ki den padi opo a padijuukaana leni mi taanyenma pada. O den jaandi Li Miali Diedo, ke o mo den guani opo leni mi fantama yaama n den ñani tanpoli ki jiidi li padijuukaali padibinbinli po.

Mi Ñama 20:24

Ŋan maa npo ti tandi *padibinbinli ŋan baa padi npo a pe leni a ne naankani lan tua a padijuukaana leni i jaandi yaa pada. Min teni ke bi tiadi n yeli naankani kuli n baa cua a kani ki seligi a.

Mi Ñama 24:5

O den soani Isalele yaaba jawaaba siiga bi tianba ke bi padi ki juu Li Miali Diedo po a padijuukaana ki go padi a naatona ke a tie mi taanyenma yaa pada.

Mi Ñama 29:28

Lani n baa teni Isalele yaaba n yaa ñandi yogunu kuli ki yanga nni laa nandi Alono leni o puoliŋuani po, bi yaa cuani n nintuali mi taanyenma padili po yaa yogunu. Bi baa yaa ñandi laa bonla Li Miali Diedo po.

Mi Kpanjama 7:14

«N den niani ke n baa padi i tuondi pada U Tienu po. N kuani laa ñoanianu dinla.

Esekieli 43:27

Laa dana yaa tuoni, ki di cili li daniili leni yaa dana n baa ŋoadi, bi kopadicianba baa padi li padibinbinli po yi padijuukaana, leni yi taanyenma pada. Lanwani n baa cengi yi. Mini o Diedo, Li Miali Diedo n yedi yeni.»

Esekieli 45:15

Yi baa ñani yaa yandi n kpaa Isalele diema moanbunli nni, pe kobilie siiga, peyendo bu paabu po, li padijuukaali po, leni mi taanyenma padili ke lan tua ti *tuonbiadi sugili padili yipo. O Diedo, Li Miali Diedo n yedi yeni.

Levi 1:10

O nilo yeni padili yaa tie padijuukaali ki tie yanbiga, li yaa tie pia bi ŋuabo, o baa padi bontonli yaali n ki pia poadi.

Levi 1:3

O paabu yaa tie padijuukaali ki tie nua, o baa taa yaa bontonli n ki pia poadi kuli. O baa padi o u Kadikaanu gbandieli yeni buliñoabu kani, ki baa Miali Diedo n ga opo.

Levi 17:5

Li tie kelima baa bua Isalele yaaba n yaa padi bi pada bi kuani nni, ama ban cuani bi padiyandi ki teni o kopadiciamo u Kadikaanu gbandieli buliñoabu kani Li Miali Diedo nintuali.

Levi 3:6

O yaa baa padi yanbiga mi taanyenma padili, ki yanga yeni yaa tie bontonga bi bonsiaga, o baa taa yua n ki pia poadi.

Levi 9:18

Lani o den kodi li naatonli leni li petonli ke li tua bi niba po taanyenma padili. Wani Alono bijaba den ga mi soama ki teni o ke o wuli ma li padibinbinli kaani kuli.

Levi 9:4

Ban go baa mi taanyenma padili yaa naatonli leni li petonli ki padi ba Li Miali Diedo nintuali, leni yaa padili n tie jiema ki kali leni mi kpama. Kelima dinla Li Miali Diedo baa doagidi o yuli yipo.»

Amosi 5:22

Yi yaa cuani yi padijuukaana leni yi paabu, Laa go pia yankualiba kuli. Mii go faami Yi taanyenma pada leni yi naatonbiwubida kuli po.

Malaki 1:14

Ti solindi n yaa ŋua yua n pia o yankulu nni ki yantonga Ki niani ke o baa padi ga o Diedo po, Ama ki nan kandi ki ŋa kani ki taa yanyianga ki padi. Kelima n tie badiciamoe. Li Miali Diedo, U Paaciamu Kuli Daano n yedi yeni. I nibuoli kuli fangi nni.»

Malaki 1:8

Naani yin yen cuani ki yanjuanga li padili po yeni, li tiegi? Naani yin yen cuani yaa yanga n duugi yaaka yaaga n yia yeni, Naani li tiegi? Naani yi yaa taa laa yanga ki ban puni gufeneeli, O baa ga yi cangu leni nunmanga?

Mi Coadima 15:8

Li yaa tie naatonli ke a padi lin tua nani li padijuukaali, bi nani ñoanianu kuanma padili, bi nani taanyenma padili Li Miali Diedo po.

Mi Coadima 6:14

O baa cuani o padili Li Miali Diedo po, yaa pebiga n pia binyenli ki naa pia poadoba kuli li padijuukaali po, pesalo yua pia binyenli ki naa pia poadi ti tuonbiadi sugili padili po, leni petonli yaali n ki pia poadoba mi taanyenma padili po.

Mi Tiadima 12:27

Yi baa padi yi padijuukaana ti nandi leni mi soama Li Miali Diedo yi Tienu *padibinbinli po. Yi baa wuli yi pada soama Li Miali Diedo yi Tienu padibinbinli po, ama yi baa ŋmani ti nandi.

Kolosi 1:20

O yanbuama po goga, o teni ke li bonla kuli, yaala n ye ŋanduna nni leni yaala n ye tanpoli po kuli, n mangi leni o kelima Kilisiti yaa po. O ñani ti yibalindi ki teni ke i mani ye kelima o soama li *dapoanpoanli po yaa po.

Hebilunba 10:22

Lankuli yaa po tin yaa nagidi U Tienu kani leni li payenli, leni li dandanmoanli, ki yaa pia yaa pala n ŋuudi ki ñani yaa pali siedi n bia leni yaa gbanandi n ŋuudi leni mi ñinŋanma.

1 Jan 1:3

Tin laa ki go gbadi yaala, ti wangi lane Ki bua yi mo n yaa pia yanyenma leni ti, Nani tin pia yaa yanyenma leni Baa leni o Bijua Jesu Kilisiti maama yeni.

Bi Bujiaba 20:26

Isalele yaaba kuli den gedi Betela. Bi den kali Li Miali Diedo nintuali ki buudi, ki tundi ki luo bu ñoabu hali ku yenjuogu. Bi den padi a padijuukaana leni i tuondi yaa pada Li Miali Diedo po.

Bi Bujiaba 21:4

Lan den fii ki faa, bi niba den yagidi ki fii ki maa likani li *padibinbinli, ki padi a padijuukaana leni i tuondi yaa pada.