Levi 27:28 - Gourmanchéma Bible

²⁸ O nilo n baa niani yaala leni li poli ki gagidi yaa bonla kuli o piama kuli yaa siiga Li Miali Diedo po, li kan fidi ki goa ki kuadi, li kan fidi ki goa ki da mo. Baa li yaa tie nilo, bi yanga bi kuanu, bi dieli, o nilo n niani yaala leni li poli kuli, li baa gagidi Li Miali Diedo po cain.

U TIENU MAAMA TILI 2013

²⁸ O nilo n baa niani yaala leni li poli o piama kuli o Diedo, li kan tuo ki guani ki kuadi, li kan tuo ki guani ki daa mo. Ba li yaa tie nilo, bi yanga bi kuanu, bi dieli, o nilo n niani yaala leni li poli kuli, li baa gagidi o Diedo po cain.

Levi 27:28 ပူးပေါင်းရင်းမြစ်များ

2 Bi Badiba Jama 31:14

Lefi buolu yua, Yimina bijua Kole, u dogu puoli buliñoaguudo n den die ban yaa kpendinni yaa paabu ki puuni U Tienu kuli yaa gobidima. Wani n go den die ki yaa paadi yaala n gagidi ki ŋani leni yaala n gagidi ki ŋani hali boncianla yaa gobidima.

Mi Ñama 22:20

Yin da janbi ki waani o caano yua n kaa yi siiga fala, kelima yinba yiba den tie canbe Ejipiti diema nni.

Esekieli 44:29

Bi baa yaa di ban kpendinni yaa paabu leni ban padi yaa yandi ti tuonbiadi sugili po, leni i tagili pada yandi. Ban paadi ki bili npo yaala Isalele diema nni kuli baa yaa tie bi yaale.

Esekieli 48:14

Bi kan fidi ki kuadi lienni liba kuli. Bi kan go fidi ki lebidi, bi ki ŋa laa tinmu yaamu n pia mayuli ki cie mi diema tinmu kuli yeni, kelima bi gagidi mu Li Miali Diedo po.

Levi 21:22

Laa nibuolu fidi ki taani ki je o Tienu jiema, yaala n gagidi ki ŋani cain leni yaala n gagidi ki ŋani.

Levi 27:21

Yaa nilo n den da yeni yaa ñani lienni mi faabima binli yaa yogunu, u kuanu yeni baa tua Li Miali Diedo yaa kuanu yo hali yaa yogunu kuli, nani o nilo n niani yaala leni li poli yeni. O kopadiciamo n baa yaa die u.

Levi 27:27

Li yaa tie yaa yanga n joagini yaa bontonkpiaga bi baa goa da ki faabi ga ki ŋoadi ŋan bili kipo yaa dunga, ki pugini ki dunga yeni po bonla muu kuli siiga bonyenla. Bi yaa goa da ki faabi ga, a baa kuadi ga ki ŋoadi ŋan bili yaa dunga yeni.

Levi 27:29

Ban niani yaa nisaalo leni li poli, oba kuli kan fidi ki goa ki da ki faabi o, se ban kpa o.

Mi Coadima 18:14

Isalele diema nni, ban gagidi yaala kuli, fini n die la.

Matie 25:41

Li yaa puoli o baa yedi yaaba n ye o ganu: ‹Fuadi mani n kani, yinba ti solindi yaaba, gedi mani yaa *fantanbuogu n ki pia gbindima po, ban den gbiidi yaagu ku *tuotabigu yudaano leni o yaa malekinba yaa po.

LOMA YAABA 9:3

Kelima n bi baa sugini ki tua ti solindi yua ki paadi leni Kilisiti n kpiiba yaa po, yaaba n kpi leni nni ti gbanandi nni yaa ŋamu po.

1 Korenti 16:22

Yua n kaa bua o Diedo kuli, wan tua ti solindi yua. Ti Diedo, ŋan cua.

Galati 3:10

Yaaba n nua ke bi baa baa li *moamoansaali kelima li bali maama kubima po ye ti solindi nni, kelima li diani: «Ti solindi n baa yua n naa kubi ki go tieni laa bali maama n yedi yaala.»

Galati 3:13

Kilisiti den da ki faabi ti leni li bali maama yaa solindi, ki den tua ti solindi ti yaa po, kelima li diani: «Ban joani yua ku daagu po kuli tie ti solindi yua.»

Mi Tiadima 25:19

Li Miali Diedo yi Tienu yaa faabi yi leni yi yibalinba yaaba n lindi yi, ki puni yi mi fuodima Li Miali Diedo yi Tienu n puni yi yin je li faali ki diedi yaa diema yeni niinni yaa yogunu, yin bolini Amaleki buolu kuli maama ke bi kan go tiadi bipo mi tinfanma nni. Yin da sundi laa bonla po.

Mi Tiadima 7:26

Yin da kuani buloba kuli yi diema nni, ke yin da ti bodi nani wani yeni. Yi baa yaa nua ke li tie cagindi ki go gundi kelima li tie kuale.

Josue 6:26

Laa daali Josue den soli yaa solindi n tie na: «Yaa ja n fii ki baa maa Jeliko dogu na kuli, ti solindi n yaa ye leni o. O yaa puu u tanpuuli yaa yogunu, o bijakpelo baa kpe, o yaa sieni u bilinciamu buliñoana yaa yogunu, o bijuogu baa kpe.»

Josue 7:1

Isalele yaaba den tudi tudibiadima U Tienu n den kuani ba yaa kuali ki yedi ke ban da taa wan yedi ban bolini yaala yeni niinni. Juda buolu yua Akana den taa ban den baa bolini yaala siiga bonliba. Akana den tie Selaka puoliŋuanu. Selaka den mali Sabidi, ke Sabidi mo mali wani Akana baa Kalima. Akana n den taa yaala n kua yeni ke Li Miali Diedo pali den fii Isalele yaaba po.

Josue 7:25

Josue den yedi Akana: «Be yaa po ke a faligi ti? Li Miali Diedo baa faligi a dinla.» Lani Isalele yaaba kuli den lugidi o a tana ki kpa o. Bi den kpa o niba kuli yeni, ki juu o bonpiakaala kuli.

Bi Bujiaba 21:11

Diidi yin baa n tieni maama: Yin kpa ja kuli ja, leni yaa puoba n bandi ja kuli.»

Bi Bujiaba 21:18

Ama ti nan kan fidi ki pa ba ti bisiaba, kelima ti den poli ke yua n puni o bisalo Benjamina buolu yua kuli, ti baa soli o.»

Bi Bujiaba 21:5

Li yaa puoli Isalele yaaba den buali biyaba: «Naani Isalele yaaba buoli pia yaa cagili n ki den cua yaa taanli n den taani Mitisipa, Li Miali Diedo nintuali yeni?» Kelima bi den poli ki niani ke yua n ki gedi Mitisipa kuli bi baa kpa o.

1 Samueli 15:18

Li Miali Diedo den soani a ke ŋan gedi ki bolini bi nibiadiba, bani Amaleki yaaba, ke ŋan tuogi leni ba bu toabu hali ki bolini bikuli cain.

1 Samueli 15:3

Lanwani ŋan gedi moala, ki ban baa Amaleki yaaba bu toabu ki bolini ba ki go bolini bi bonpiakaala kuli cain. Ŋan da gbadi bipo niñima, ŋan kpa ba, bi jaba leni bi puoba, leni a bila leni a biŋaanda, leni i ne leni i pe, leni ti yuoyuodi leni i ŋunbi kuli.› »