Levi 26:9 - Gourmanchéma Bible

⁹ N baa pegidi ki nuali yipo, ki teni yin yaa maa ki pugidi boncianla, min go kubi min den kuani yaa *ŋantaado leni yi.

U TIENU MAAMA TILI 2013

⁹ N baa pegidi ki nuali yi po, ki teni yin yaa maa ki pugidi boncianla, ki go yaa kubi min den kuani yaa ŋantaado leni yi.

Levi 26:9 ပူးပေါင်းရင်းမြစ်များ

Mi cilima 1:28

U Tienu den seligi ba. U Tienu den yedi ba: «Yin yaa maa a bila ki pugidi ki go gbieni ki tinga ki diedi ga. Yin diedi mi ñincianma nni jami leni tanpoli yaa bonyugiditi leni yaa bonfuoda n balini ki ye ki tinga nni kuli.»

Mi cilima 17:20

Isimayeli yaa po, n gbadi a miabu. Diidi n baa seligi o ki teni wan maa boncianla. N baa pa o ti madi hali bonŋanla. O baa maa piiga n badijaba lie n baa teni wan tua yaa nibuolu n yaba.

Mi cilima 22:17

n baa seligi a ki pugidi a puoliŋuani ban yaa yaba nani mi ñincianma boanjaali yaa tanbiima n de maama yeni. A yaa yaabila baa diedi bi yibalinba yaa buliñoana.

Mi cilima 26:4

N baa teni a puoliŋuani n yaa yaba nani tanpoli ŋmabila n yaba maama yeni. N baa pa yaa diema n tie na kuli a yaa yaabila ki tinga nni nibuoli kuli baa baa li seli kelima a yaa yaabila yaa po.

Mi cilima 28:14

A yaabila baa tua nani ki tinga wagima, a baa tandi ki yadi nintuali leni puoli, nijienu leni niganu po kuli. Ki tinga nibuoli kuli baa baa li seli kelima fini leni a puoliŋuani po.

Mi cilima 28:3

U Tienu yua n pia u paalu kuli n seligi a ki teni ŋan yaa pugidi boncianla, ke ŋan tua i nibuoli boncianla.

Mi cilima 48:4

O den yedi nni: ‹N baa teni ŋan yaa maa a bila ki pugidi. N baa teni ŋan tua i nibuoli boncianla. N baa pa mi naa diema a yaa yaabila a puoli po ban yaa die ma yaa yogunu kuli.›

Mi cilima 6:18

Ama n baa kuani o *ŋantaado leni fini. A baa kua ku biagu nni, fini leni a bijaba, a pua leni a bijaba yaa puoba baa yegi leni a.

1 Bi Badiba 3:8

Mini a naacemo ye a niba ŋan den gandi yaaba yaa siiga. Bi yaba hali ke bi kan fidi ki coadi ba.

2 Bi Badiba 13:23

Ama Li Miali Diedo den ŋanbi bipo ki gbadi bipo mi niñima. O den laa bipo ki puni ba o nunmanga, kelima wan den kuani yaa *ŋantaado leni Abalahama leni Isaaka leni Jakobo yaa po. Waa den bua ki bolini ba. O daa buli ba o nunga hali moala.

Nehemi 2:20

N den guani ba yaa maama n tie ne: «U Tienu yua n die tanpoli baa teni tin tuuni yaa tuonli n juodi bonŋanla. Tinba o naacenba, ti baa fii ki maa. Ama yinba, yii pia biinu, yii pia sanuba Jelusalema ne niinni. Bi kan tiadi yipo mo lienni.»

Nehemi 9:23

A teni ke bi puoliŋuani yabidi nani tanpoli ŋmabila yeni. A den kuani ba ŋan den yedi ke bi yaajanba baa diedi yaa diema niinni.

Pisomi 107:38

Li Miali Diedo seligi ba Ki teni ke bi yabidi hali boncianla, Ki naa teni bi yandi mo bodi.

Pisomi 89:3

Kelima n yedi: «A ŋanbili maa ki se yaa yogunu kuli. A bili a moamoani tanpoli po ke yi se ki pa.»

Mi Ñama 1:7

Isalele yaaba den maa ki pugidi boncianla. Bi den yabidi ke bi paalu mo pugini boncianla. Bi den gbie mi diema nni.

Mi Ñama 2:25

U Tienu den noanli Isalele yaaba ki gbadi bipo mi niñima.

Mi Ñama 6:4

N go den kuani n *ŋantaado leni ba ke n baa pa ba Kanana yaa diema ban den goagoadi ki go kali naankani kuli.

Esayi 55:3

Diadi mani yi tuba ki cua n kani, Cengi mani, yi miana baa yaa ye. N baa kuani leni yi yaa *ŋantaado n kan fidi, Li ŋanbimoanli ŋantaado, Dafidi po.

Jeremi 23:3

N baa taani n niba yaaba n sieni Min deli ba yaa dogi nni kuli N baa guani ba li yanloli nni. Bi baa maa ki go pugini hali boncianla.

Jeremi 23:4

N baa lingi bipo yaa yankpaaba n baa taa ba ki ban yaa kpaa ba. Bi kan go yaa jie, bi kan go yaa digibi Baa bonyendo kan poadi bi siiga mo.» Li Miali Diedo n yedi yeni.

Jeremi 33:3

«Yini nni n baa guani apo N baa waani a yaa bonla n yaba, Yaa bonla n wuo ke ŋaa den bani la.

Esekieli 16:62

N baa kuani n ŋantaado leni a, ŋan bandi ke n tie Li Miali Diedo.

Esekieli 36:9

Moala n di ye leni yinbe, N baa pegidi ki nuali yipo, Ki teni ban ko ki go coagi yipo.

Levi 26:15

yi yaa ŋa n mabilikaama leni n ñoabonbilikaana, ki naa ŋoadi n balimaama, ki miidi n ŋantaado,

Luki 1:72

Yeni o gbadi ti yaajanba po mi niñima, Ki tiadi o *ŋantaado yua n gagidi ki ŋani po,

Mi Tiadima 28:11

Li Miali Diedo baa pa yi li baali Li Miali Diedo n den poli leni yi yaajanba ke o baa pa yi yaa diema yeni niinni, ki go pugini yi madi, ki teni yi yandi n pili ki go pa yi ti kpaandi hali boncianla.

Mi Tiadima 28:4

O baa pa yi ti madi leni ti kpaandi, ki go seligi yi naakuli leni yi yangola kuli.

Mi Tiadima 7:13

O baa bua yi, ki seligi yi, ki teni yin yaa maa ki pugidi. O baa seligi yi madi leni yi tinga bonluonkaala, yi*ŋalikama, yi duvenpaano, yi kpama, yi ne leni yi yanbidi madi wan den poli leni yi baanba ke o baa pa yi yaa diema nni.

Hebilunba 8:9

O kan yaa tie nani min den kuani Yaa ŋantaado leni bi yaajanba, Min den cuo bi nii ki dadi Ki ñani ba Ejipiti diema nni yaa daali. Kelima baa den tuo ki kubi n ŋantaado. Lanwani mini mo ki go den yagi n yama bipo. O Diedo n yedi yeni.»