Levi 26:6 - Gourmanchéma Bible

⁶ Mini Li Miali Diedo n baa teni mi yanduanma n yaa ye mi diema nni. Yi yaa goa, oba kuli kan yagi yi yama. N baa teni ti fuayanbiaditi n bodi mi diema kuli nni. Ki jugisiega mo kan go poandi yi diema nni.

U TIENU MAAMA TILI 2013

⁶ Mini o Diedo n baa teni mi yanduanma n yaa ye mi diema nni. Yi yaa goa, oba kuli kan yagi yi yama. N baa teni ti fuayanbiaditi n bodi mi diema nni kuli. Ki jugisiega mo kan go poandi yi diema nni.

Levi 26:6 ပူးပေါင်းရင်းမြစ်များ

2 Bi Badiba 2:24

O den gbegi ki diidi ba ki taa Li Miali Diedo yeli ki soli ba. Lane fuayanbiaditi lie yaadi n yi ulisi den ñani li fuali nni ki cuo ki papadi a bila yeni siiga piinaa n bila lie.

1 Bi Badiba Jama 22:9

Diidi a baa maa bonjaga, yua n baa tua mi yanduanma nilo, kelima n baa pa o mi yanduanma ki faabi o leni a yibalinba yaaba n gaani ki lindi a. O yeli n baa tie Salomono, n baa pa mi yanduanma leni mi fuodima Isalele yaaba, o bali dana kuli nni.

2 Bi Badiba Jama 20:30

Ki cili laa daali, Josafati bali nni kuli, o den ye leni mi yanduanma, kelima U Tienu n den puni o laa yanduanma i kaani kuli.

Jobi 11:19

A baa duani ki tandi aba, Niloba kan biidi a guama. Bi niba boncianla baa mia a todima.

Jobi 5:23

A tana kan yie a bonbulikaala po, Ti moayandi mo kan biidi a kuani.

Pisomi 144:14

Ti ne mo noadi bonŋanla. Bilinu kan go padi, Bi kan go cuo ti ti yonbidi, Bubula mo kan go pua ti daamu nni.

Pisomi 147:14

O tieni mi yanduanma a diema nni Ki teni ke a guo leni ŋalikamamoano.

Pisomi 29:11

Li Miali Diedo baa pa o niba u paalu Li Miali Diedo baa seligi o niba ki pa ba mi yanduanma.

Pisomi 3:5

N kpaani ki miadi Li Miali Diedo ke o guani npo, Hali o joagagidikaali yuli po.

Pisomi 4:8

A puni nni yaa pamanli n cie Ban pia yaa pamanli bi *ŋalikama leni bi daama nni.

Pisomi 85:8

Li Miali Diedo, teni tin le a ŋanma! Ŋan pa ti a faabima.

Mi Ñama 23:29

N kan deli bikuli binyenli ka, kelima mi diema niba yaa gbeni ti moayandi n da yabidi ki kandi ki fii ki yie apo.

Mi Kpanjama 3:24

A yaa duani, jawaandi kan yaa ye leni a, a yaa dua a guama baa yaa mani.

Mi Kpanjama 6:22

Bi tundi yeni baa yaa gobidi a a cenli nni, i baa yaa kubi a a guama nni, ki tundi a a fundima yogunu.

Esayi 35:8

U sanu baa yaa ye likani, Bi baa yaa yi li sanu: «Yaa sanu n gagidi ki ŋani.» Yaa nilo n *joagini kuli kan poandi likani. U baa yaa tie bani bebe yaa po yo Baa bi yanluodanba yaa tagini u, bi kan bodi.

Esayi 35:9

Yangbanlo kan yaa ye likani, Yanbiadigiba kuli kan tagini likani, Bi kan tuogi leni ba laa sanu nni. Li Miali Diedo yaa niba n baa tagi laa sanu.

Esayi 45:7

N tagi mi yenma Ki go tagi li *biigili. N puuni mi yanduanma Ki go kpendinni mi yebiadima. Mini Li Miali Diedo n tiendi laa bonla kuli.

Esayi 9:7

O Diedo fu leni Jakobo puoliŋuani Laa fuugu tie Isalele yaaba po.

Jeremi 30:10

Fini n naacemo Jakobo, Da jie liba, Li Miali Diedo n yedi yeni. Isalele, da digibi ba! Kelima diidi n baa faabi a ki tinga nni Leni a puoliŋuani n ye ti yonbidi yaa diema nni. Jakobo baa guani ki mangi o pali Mi fuodima po leni mi yanduanma po. Oba kuli kan cua ki lengi o yama.

Jeremi 31:26

Min den fundi yaa yogunu n den sua ke n guama den mangi npo.»

Esekieli 14:15

Li yaa tie ke n soani ti fuayanbiaditi laa niba po, ke nilo mo ki go ye mi diema nni kelima ti fuayanbiaditi yeni ku mi niba kuli, ke niloba mo kan go tagini kelima ti yanbiaditi yeni po,

Esekieli 14:17

Bi li yaa tie ke n cuani ki jugisiega laa diema po ki yedi: ‹Ki jugisiega n gaani mi diema nni ki kpa bi niba leni ti yandi,

Esekieli 14:21

O Diedo, Li Miali Diedo den yedi nni mi ne: «Baa n yaa soani Jelusalema po n falabiado bonba naa yaaba n tie: Ki jugisiega, mi konbiadima, u yianbiadipuodiko, leni ti fuayanbiaditi, ke lani kuli n bolini bi niba leni ti yandi, diidi, a bonjala leni a bonpola siiga bi tianba baa sieni ki kan kpe.

Esekieli 34:25

N baa kuani leni ba mi yanduanma *ŋantaado, ki bolini mi diema nni fuayandi kuli. Bi baa yaa ye leni mi yanduanma mi fanpienma nni ki go yaa goa a fuana siiga mo.

Esekieli 34:27

Li fuali nni tiidi baa luoni i bonluonkaala, ki tinga n yaa tendi ki baali, ban yaa ye leni mi yanduanma bi yaa diema nni. N baa cie yaa kpaadi n den luo n niba, ki faabi ba leni yaaba n bi kubi ba ti yonbidi yeni nuu nni. Lanwani bi baa bandi ke n tie Li Miali Diedo.

Esekieli 5:17

N baa soani mi koma leni ti yanbiaditi n kpa yi bila, u yianbiadipuodiko leni mi soama baa poandi a kani, min teni bu toabu mo n cua ki baa ŋa. Mini Li Miali Diedo n maadi.»

Ose Tili 2:18

Li Miali Diedo yedi: «Laa yogunu, o baa yini nni o calo. O kan go yini nni: “Baali o daano.”

Ose Tili 2:20

Laa yogunu, n baa kuani n niba po o *ŋantaado Leni ti moayandi, Leni ti bonyugiditi Leni yaala n balini ki tinga po. N baa bolini mi diema nni a dabana, Mu jugisiemu leni ti toatiadi kuli, Ki teni n niba n yaa goa ke bi jigi mo n yaa co.

Levi 25:18

Yin yaa tiendi mani n mabilikaama bonŋanla, ki yaa kubi n ñoabonbilikaana, lani yi baa yaa ye leni mi yanduanma mi diema nni.

Levi 25:19

Ki tinga baa luoni ki bonluonkaala, yi kuli mo baa di ki guodi, ki yaa go ye leni mi yanduanma.

Levi 26:22

N baa soani ti fuayandi yi kani tin fii yipo ki kpa yi bila ki go bolini yi yandi. Yi niba baa wadi. Yi sani nni mo kan go yaa pia niba.

Levi 26:25

N baa teni yaa jugisiega n baa tu li panli n cua ki tu yi panpaani n ŋantaado miidima po. Yi yaa taani ki kua yi dociamu nni, n baa soani u yianbiadipuodiko yi siiga, ki go taa yi ki teni yi, yi yibalinba nuu nni.

Levi 26:7

Yi baa deli yi yibalinba, yi jugisiemu baa je ba.

Mise 4:4

Nilo kuli baa kaa o duven tiidi soangu nni Leni o kankanŋuuke soangu nni. Yua n baa teni bi niba n jie kan go yaa ye, Kelima Li Miali Diedo U Paaciamu Kuli Daano Ñoabu n maadi ki yedi ke li baa tie yeni.

Sofoni 3:13

Isalele yaaba, yaaba n baa sieni kan go tieni kuli yaala n ki tiegi, Bi kan go pua faama, Janbi maama kan go yaa ye bi ñoana nni. Bi baa yaa baadi ki di ki go goa, Ke oba kuli kan yagi bi yama mo.»

Age Tili 2:9

Li dieyuanli na yaa ŋamu baa cie li bonkpiali yaa yu. Mini, Li Miali Diedo U Paaciamu Kuli Daano n yedi. N baa pa yi laa kaanu nni mi yanduanma. Li Miali Diedo U Paaciamu Kuli Daano n yedi yeni.› »

Sakari 9:10

O baa bolini ti toateliti Isalele buolu yaaba siiga, Ki bolini i taami mo bani Jelusalema yaaba siiga. O baa kua bi dabana. O baa teni mi yanduanma n yaa ye i nilanbuoli siiga. O baa yaa die, ki cili ñincianma kani ki ban tuoni hali ñincianma, Ki cili Yufilata kpenu ki ban tuoni hali u tinbianu.

Jan n diani U Tienu Laabaaliŋamo maama 14:27

N ŋa yipo mi yanduanma. N puni yi n yaa yanduanme. Mii puuni yi ma nani ŋanduna n puuni maama ka. Yin da yagi mani yi yama, yin da jie mani.

Jesu Tondiba Tuona 12:6

Yaa ñiagu ke li baa fa Elodo n jia Pieli buudi bi niba nintuali, Pieli den luo leni kuseseli lie, ki dua ki goa minteela lie siiga. Yaa minteela n se ki ji mo den ye li kpaadidieli buliñoajabu kani.

LOMA YAABA 5:1

Lanwani, tin baa li *moamoansaali kelima li *dandanli yaa po yeni, ti pia mi yanduanma leni U Tienu kelima ti Diedo Jesu Kilisiti yaa po.