Levi 26:5 - Gourmanchéma Bible

⁵ Hali yi baa lendi yi kpaandi ki gbeni, li baa sua ke duven tiidi ciema yogunu pundi. Hali yi baa cie ki gbeni duven tiidi bonluonkaala, li baa sua ke ti jaadi yogunu go pundi. Yi baa di yi jiema ki guodi, ki yaa ye leni mi yanduanma yi diema nni.

U TIENU MAAMA TILI 2013

⁵ Hali yi baa lendi yi kpaandi ki gbeni yeni, li baa sua ke duven tiidi ciema yogunu pundi. Hali yi baa cie ki gbeni duventiidi bonluonkaala yeni, li baa sua ke ti jaadi yogunu pundi. Yi baa di yi jiema ki guodi, ki yaa ye leni mi yanduanma yi diema nni.

Levi 26:5 ပူးပေါင်းရင်းမြစ်များ

Pisomi 144:13

Ti buabuana gbie Leni ti kpaandi buoli kuli. Ti yanbidi mo pili ki pugidi tudatuda Ki go pili ki pugidi tuda piiga piiga i kuani nni.

Pisomi 90:1

U Tienu nilo Musa miabu: «O Diedo, fini n tie ti wuonkaanu, Hali yogu, nifiima n tu nifiima.

Mi Ñama 16:8

Musa den yedi: «Li Miali Diedo baa pa yi ti nandi yin ŋmani ku yenjuogu ki go pa yi dupen ku tiŋaagu yin ŋmani ki guo kelima Li Miali Diedo gbadi yin den yenbidi opo yaa yenbidi kelima timo tie ŋmenba? Laa tie tinba yaa po kaa ke yi yenbidi, li tie Li Miali Diedo po yo.»

Mi Kpanjama 1:33

Ama yua n cengi mini mi yanfuoma, o baa yaa ye ke o yama dua, o jigi baa yaa co, o kan yaa jie bonbiadiliba kuli.»

Mi Kpanjama 18:10

Li Miali Diedo tie toadiefoagili yaali n pia u fidu, O niteginka yaa sani ki wuoni lankani pu kan nandi o.

Esayi 1:19

Li yaa tie ke yi tuo n maama kuli, Mi diema nni bonŋanla kuli baa tua yi jiema

Esayi 30:23

Lanwani o baa ŋa ki taaga a bonbulikaala po Ki tinga mo n baa luoni yaa bonluonkaala baa yaa yaba ki go mani mo. Laa daali a yangola baa gedi ki ban ŋmani yaa yankpaakaani n yaba nni.

Jeremi 23:6

O jama nni Juda diema baa baa mi *faabima Isalele diema baa yaa ye leni mi yanduanma. Diidi ban baa yini o maama: ‹Li Miali Diedo n tie ti *teginma.›

Ose Tili 2:18

Li Miali Diedo yedi: «Laa yogunu, o baa yini nni o calo. O kan go yini nni: “Baali o daano.”

Ose Tili 2:20

Laa yogunu, n baa kuani n niba po o *ŋantaado Leni ti moayandi, Leni ti bonyugiditi Leni yaala n balini ki tinga po. N baa bolini mi diema nni a dabana, Mu jugisiemu leni ti toatiadi kuli, Ki teni n niba n yaa goa ke bi jigi mo n yaa co.

Joeli 2:19

O guani ba ki yedi: ‹N go baa soani yi po *ŋalikama leni duvenpaano leni mi kpama. Yi baa baa likuli hali lan dagidi. N kan go cedi yin le i fe i nilanbuoli siiga.

Joeli 2:22

Yinba ti moayandi, yin da jie, Kelima a yankpaafuana baa bundi, I tiidi baa luoni i bonluonkaala. Bu kankanbu leni duven tibu baa luoni boncianla.

Joeli 2:26

Yi baa je ki guo, Yi baa pagi mini Li Miali Diedo yi Tienu, Mini yua n tieni yipo li bonlidikaala. N niba mo kan go le fe hali abada.

Amosi 9:13

Li Miali Diedo go yedi: «Diidi, u yogunu kpendi, Ke ti kpaandi baa yaa yaba ki kaandi maama Ke bi yaa yendi ki gbeni, ban go cili bu kpaabu. Bi baa yaa tuodi duven tiidi daama, Ke bine mo coagi duven tiidi jaadi. Lanwani o duvenpaano baa dua a joaciama po, A joabila mo kuli baa moagidi.

Matie 23:37

Jelusalema, Jelusalema, fini yua n ku bi sawalipuaba, ki lugidi U Tienu n tuuni a kani yaaba a tana ki kpaani ba, taalima ŋa yo ke n den bua ki gobidi ki taani a niba nani o kooñua n yen ŋoagini o koobila o fiabi nni maama, ama ŋa naa den bua.

Jesu Tondiba Tuona 14:17

Baa yeni o tiendi siedi o yuli po kaa cedi leni wan ŋanbidi maama ki puuni yi ku siagu leni u jetaagu yogini kuli, ki go puuni yi mi jiema ke li kandi, ki go puuni yi li pamancianli yeni.»

Mi Tiadima 11:15

N baa go tieni yi kuani nni ti muadi yi yandi po.

1 Timote 6:17

Ŋan tundi yaaba n tie a piada ŋanduna na niinni ke ban da pia ti japaadi, ki da piani bi yula bi piama po, yaama n naa pia dugidi. Ama ban piani bi yula U Tienu po, wani yua n puuni ti li bonla kuli ke li kandi, ki bua tin mangi ti pala lipo.

1 Pieri 1:5

O bili la yinba yaa po, wani U Tienu paaciamu n kubi yaaba kelima li *dandanli po, yaa *tindima n baa yuandi ki doagidi mi juodima yogunu po.