Levi 26:39 - Gourmanchéma Bible

³⁹ Yi siiga yaa niba n sieni ki ye yi yibalinba diema nni yeni, bi jigi baa cie ban dondi boncianla, kelima bi tagili po. Bi jigi baa cie, ban dondi boncianla kelima bi baanba tagili po.

U TIENU MAAMA TILI 2013

³⁹ Yi siiga yaa niba n sieni ki ye yi yibalinba diema nni yeni, bi jigi baa cie, ban dondi boncianla, kelima bi tagili po. Bi jigi baa cie, ban dondi boncianla kelima bi baanba tagili po.

Levi 26:39 ပူးပေါင်းရင်းမြစ်များ

2 Bi Badiba Jama 34:24

ke Li Miali Diedo Isalele yaaba Tienu yedi mine: ‹N baa teni yaa fala leni yaa solindi n diani li naa tili nni ke bi cogi li Juda diema bado po yeni, n nandi u naa kaanu leni u niba kuli.

Esidirasi 9:7

Hali ti yaajanba yogunu ki taa ki pundi hali moala, ti tieni ti tuonbiadi boncianla. Li tie ti tuonbiadi po ke a den taa ti, tinba leni ti badiba leni ti kopadicianba ki teni i nilanbuoli badiba nuu nni ke bi den tuogi leni ti bu toabu ki paadi ti, ki fagi ti ki gedini ti ti yonbidi ke dinla i fe kubi ti.

Nehemi 1:9

Ama yi yaa lebidi ki guani n kani ki go kubi n balimaama ki tiendi man yedi yaala mo, lanwani baa bi yaa gedini yi ti yonbidi hali ŋanduna bianu, n baa ñani yi lipo ki taani yi ki guani yi min den gandi yaa kaanu nni, ki bili ke bi baa yaa kpiagidi nni likani.›

Mi Ñama 20:5

Yin da gbaani ki pugi la, yin da kpiagi la mo, kelima mini Li Miali Diedo yi Tienu n tie yaa Tienu n pia li *nunponli. N guandi baanba yaa biadima panpaani bi bila kani hali nifiima taa bi nifiima naa yaaba n nani nni po.

Mi Ñama 34:7

Yua n kubi yaa buama n kan lebidi hali nifiima tudili danba po ki tiendi sugili i tagili po leni mi yiema leni ti *tuonbiadi kuli po, ama o kan saa i tagili danba po i moamoani. Yua n teni ke ti tuonbiadi danba bila leni bi yaabila n tugi bi yaa tuonbiadi panpaani hali ki pundi nifiima taa leni nifiima naa kuli.»

Esayi 14:21

Bogini mani ki kpa a bonjala. Kelima bi baanba tagili po. Ban da ti fii ki diedi ki tinga, Ki gbieni li ŋandunli leni mi biadima.

Esayi 24:16

Hali u tinbianu, ti gba ke i yani tua: «N baa ti kpiagidi.» Ama min wan yedi: «N bia n yeni. N bia, u nafanu pua nni! I janbi danba janbidi Janbi! I janbi danba janbidi!»

Jeremi 29:12

Lanwani yi yaa cua ki yini ki mia nni, n baa guani yipo yi miabu.

Jeremi 3:25

Ti fe n tie ti duankaagu Ti jigidima mo n tie ti kpalipinkaabu. Kelima tinba leni ti baanba, Ti tieni ti *tuonbiadi Li Miali Diedo ti Tienu po. Ki cili ti panma yogunu ki ban pundi hali dinla Tii cengi Li Miali Diedo ti Tienu yedima.

Jeremi 31:29

Laa dana nni bi kan go yedi: ‹Bibaanba ŋmani a cabikaana ke a bila ñina gaabi.›

Jeremi Bubula 1:3

Bi gedini Juda ti yonbidi, o laa i fe. O fala kandi hali boncianla. O kaa i nibuoli siiga kaa pia yanduanma. Yaaba n sedi opo kuli baa paadi o, O paboankandikaali siiga.

Jeremi Bubula 4:9

Bu toabu jugisiega n dini yaaba yaa yula n mani Ki cie mi koma n dini yaaba, Yaaba n dondi dondi kelima li bonjekaala luoma po.

Esekieli 18:19

Yi tua: ‹Be yaa po ke ki biga kan tugi o baa tagili tugili?› Li tie kelima ki biga yeni den tiendi yaala n dagidi ki go tiege, ki kubi ki go tiendi n mabilikaama kuli. Moamoani o baa yaa ye.

Esekieli 20:43

Lankane yi baa yaa tiadi yi tagu po leni yin den joagini yi yula leni yaa tuona kuli po. I fe baa cuo yi leni yin den soani yaa tuonbiada kuli po.

Esekieli 24:23

Yi yufinfinjuadi baa yaa ye yi yula po, yi baa pili yi cacaadi mo. Yin da lu kudiegu, yin da buudi mo. Ama yi baa cili ki yaa bedi kelima yi tagili po, hali yua kuli n mua o lielo tagili po.

Esekieli 33:10

O ja na, ŋan yedi Isalele yaaba mi ne: «Yi tua ke yi biadima leni yi tuonbiadi jagi yipo, ke lani n teni ke yi ye leni yaa fala n tie ne. Yi go buali yi yula yi yaa baa fidi ki yaa ye?

Esekieli 36:31

Lanwani yi baa yaa tiadi yi tagilibiadi yeni po, leni yi tuona ya n den gundi yeni po. Yi kan go fidi ki yaadi ki diidi yi yula kelima yi tagili leni yi tuongunda po.

Esekieli 4:17

Bi baa luo li bonjekaala leni mi ñima, bi yama baa yagi biyaba po. Bi baa bodi kelima bi *tuonbiadi po.»

Esekieli 6:9

Lanwani ban ban ye ti yonbidi yaa nibuolu siiga, Yi niba yaaba n faabi yeni, baa tiadi npo. Bi baa tiadi min den faligi ba maama Kelima bi pala ki den tiegi npo. Bi kan go pegidi bi nuni ki yaa nua i buli bebe. Bi kan go fidi ki diidi bi lieba nunmu nni, Kelima ban tieni yaa biadima po, Leni yaa cagindi buoli kuli po.

Ose Tili 5:15

N baa lebidi ki kuni ki ŋa ba, Hali ban baa tuo bi tagili, Ki goa ki lingi nni. Bi yaa ye fala nni, bi baa lingi n todima.»

Sakari 10:9

N den yadi ba i nilanbuoli nni, Ama bi den tiani npo, baa ke bi den ye foagima. Bani leni bi bila kuli baa ciadi, Ki yegi ki lebidi ki kpeni.

Mi Coadima 14:18

‹Mini Li Miali Diedo pali ki fiidi tontoni, ama n pia li *ŋanbili boncianla, ki puuni sugili ti *tuonbiadi po leni mi biadima po. Ama n kan saa i tagili daano po moamoani. N yen tungi a bila bi baanba tuonbiadi hali nifiima taa bi nifiima naa.›

Mi Tiadima 28:65

Laa dielanma nni, yi kan baa yanduanma, yi kan baa yin baa kali ki fuodi naankani. Li Miali Diedo baa teni yi yama n yagi, yi nuni mo n yaa mua, yi naano mo n yaa ye leni li paboanli.

Mi Tiadima 30:1

Yaa maama n maadi yipo yeni kuli, li seli leni ti solindi, min bili yaala yi nintuali kuli baa kua. Li Miali Diedo yaa yadi yadi ki kuani yi yaa nibuoli siiga yeni yi baa kpaagi mipo.

Mi Tiadima 5:9

Yin da gbaani ki pugi la, ŋan da kpiagi la, kelima mini Li Miali Diedo yi Tienu, n tie yaa Tienu n pia li*nunponli, yua n guandi baanba yaa biadima panpaani bi bila kani hali nifiima taa bi nifiima naa yaaba n nani nni po.

Mi Tiadima 8:20

Nani Li Miali Diedo n teni ke yaa nibuoli n tuogi yi bu toabu n bodi maama, yi moko baa bodi yeni kelima yi naa cengi Li Miali Diedo yi Tienu yedima.