Levi 26:31 - Gourmanchéma Bible

³¹ N go baa bolini yi dogi, yin tua diegbendi. N baa bolini yin padi yi buli naankani yeni. N kan go tuo ki ga yi tulale pada nuulimanu.

U TIENU MAAMA TILI 2013

³¹ N go baa bolini yi dogi, yin tua diegbendi. N baa bolini yin padi yi buli naankani yeni. N kan go tuo ki gaa yi tulale pada nuulumanu.

Levi 26:31 ပူးပေါင်းရင်းမြစ်များ

Mi cilima 8:21

Li Miali Diedo den gbadi yaa nuulu n mani opo. Lanwani Li Miali Diedo den maadi o pali nni mi naa maama: «N kan go soli ki tinga kelima o nisaalo po, kelima o pali nni o li tia mi biadima hali o biwaama yogunu. N kan go bolini yaala n fo kuli nani min tieni maama moala yeni.

2 Bi Badiba Jama 36:19

Babilona yaaba den juu U Tienu diegu, ki tudi ki luni Jelusalema bilinu, ki juu o bado diegu, ki mudi yaa tiadi n den pia mayuli kuli.

Nehemi 1:3

Bi den goa ki yedi nni ke yaa niba n sieni leni yaaba n ñani ti yonbidi ki goa ki kpeni Juda diema nni ye likani leni o falaciamo leni yaa fe n kandi, ke Jelusalema bilinciami mumudi, ke mi fantama mo buoni u buliñoana.

Nehemi 2:17

N den yedi ba: «Yi laa tin ye leni yaa falaciamo. Jelusalema mumudi, mi fantama buoni u buliñoana. Cua mani tin goa ki maa Jelusalema bilinciamu ke tin da go ye leni i fe.»

Nehemi 2:3

ama n den goa ki yedi wani o bado: «Fini o bado n yaa ye ki fo hali yaa yogunu kuli. N nunga baa ga lede ki kan biidi n baanba kula n ye yaa dogu nni yaa bodi ke mi fantama dini u bilinciamu buliñoana?»

Esayi 1:7

Yi diema pua nafanu! Mi fantama buoni yi dogi. Bi canba di yi tinga bonluonkaala yi nunbu nni. Laa paboanli tie nani yibalinba n bolini yaa diema yeni.

Esayi 6:11

N den yedi: «O Diedo hali u laa yogune?» O den goa ki yedi: «Hali fala n baa nandi i dogi, bi niba n gbeni, Ti diedi n luo bi niba, Ki tinga mo n pua nafanu ki kuodi.»

Esayi 63:18

A niba yaaba n gagidi ki ŋani den diedi mi diema u yogunu waamu bebe po. Ti yibalinba ŋma ki biidi a *kaangagidiŋamu.

Esayi 64:9

A dogi yi n gagidi ki ŋani yeni kuli tua fanpienma. Siyono tua fanpienma. Jelusalema mo tua paboanli kaanu.

Esayi 66:3

Bi yaa bua ki padi padili Bi yen kodi nua. Ama bi yen kodi nisaalo moko. Bi yaa kodi pia, Bi yen kpa sangbanlo moko. Bi yaa cuani mi pienma padili Bi yen cuani ki padi mi duosoama moko. Bi yaa cua ki juu tulale Bi yen cua ki kpiagi i *buli moko. Landanba kuli mangidi bi pala bi sani nni Bi pala mo mani bi cancagintuona po.

Jeremi 22:5

Ama yi yaa cengi mi naa maama, n poli n yaa yeli nni, mini Li Miali Diedo n yedi ke ku naa diegu baa tua diegbengu.› »

Jeremi 26:6

N baa soani ku naa diegu tuonli nani min soani Silo yaa tuonli yene. N baa teni ku naa diegu n tua ti solindi bonla ki tinga nibuoli kuli po.› »

Jeremi 26:9

Be yaa po yo ke a pua sawali Li Miali Diedo yeli nni ki tua: ‹Ku naa diegu baa tua nani Silo yeni, fala baa baa u naa dogu ke u kan go yaa pia niba?› » Bi niba kuli den gaani ki lindi Li Miali Diedo diegu nni.

Jeremi 4:26

N diidi ki sua ke Kalimeli Kpandi ki tua fanpienma. O dogi mo taani ki tie yoala Li Miali Diedo nintuali, Kelima o pabienkandikaali po.

Jeremi 4:27

Kelima Li Miali Diedo yedi mine: «Mi diema kuli baa jugi, Ama n kan bolini mi kukuli.

Jeremi 4:7

O yangbanlo sani ki ñani o wuonkaanu Yua bolindi i nibuoli fii ki cili li cenli. O ñani o deni Ki baa kuani mi diema nni li paboanli. A dogi baa le boni Nilo kan sieni i niinni.

Jeremi 44:2

Li Miali Diedo U Paaciamu Kuli Daano, Isalele Tienu yedi nanda: «Yi laa min teni yaa fala n baa Jelusalema dogu leni Juda. Dinla laa dogi kuli tie diegbendi. Niba ki ye i niinni.

Jeremi 44:6

N den jiini n pabienli leni n mutuoli kuli Juda diema dogi po leni Jelusalema sani nni ke likuli kpandi diegbendi leni pabiidili kaani nani tin nua dinla maama yeni.»

Jeremi 52:13

O den juu Li Miali Diedo diegu, o bado diegu leni Jelusalema diedi kuli leni yaa dieli n den pia mayuli kuli.

Jeremi 9:11

Naani li pia yua yaa yama n fo bonŋanla Ki baa fidi ki doagidi laa bonla n tie yaala? Li yaa tie ke Li Miali Diedo n maadi leni o, Wan doagidi ki waani yaala yaa po ke mi diema bodi Leni yaala yaa po ke mi tua fanpienma Nilo n ki go poandi naankani!

Jeremi Bubula 1:1

Jam, li ga lede, Yaa dogu n den gbie bonŋanla yeni N di ti bili bonkuongu, Ki naani leni li kpepuoli! I nibuoli diema siiga, Jelusalema den tie dociamu Ki tie badisalo a dogbenga po, Mani n di goa ki tuuni li tuonpaali!

Jeremi Bubula 1:10

Yibali tandi o nuu Ki taa wan pia yaa bonmoanla kuli. O laa ke i nilanbuoli kua O *kaangagidiŋamu nni, Ŋan den kuani yaaba n da kua a nitaanli nni yeni.

Jeremi Bubula 2:6

O tudi o sadinga nagili yeni Ki bolini wan den kadi leni ti naankani. Li Miali Diedo teni ke bi sundi Siyono nni Mi jaanma taana leni mi fuodima jaanma po. O pabienli nni o teni ke bi fali bi badiba leni bi kopadicianba.

Jeremi Bubula 2:7

Li Miali Diedo ñani o *padibinbinli maama nni Ki fali o *kaangagidiŋamu. O ŋa yibali nuu nni Jelusalema badidiegu bilini. Bi yibalinba laa ki yigini Li Miali Diedo diegu nni Nani u badu daale yeni.

Esekieli 12:20

Bi diema baa tua fanpienma, Bi dogi yi den pia bi niba boncianla yeni mo n tua diegbendi. Lani, bi baa bandi ke n tie Li Miali Diedo.»

Esekieli 21:15

Li tie ki kpa po yo ke ki luani. Ki kpilini ki baa yaa pelini nani mi tañigima yeni. Bi lanwani ti baa mangi ti pala yo? N bijua badigbiamu fali tibu kuli.

Esekieli 21:7

«O ja na, Pegidi a nunga ki teli Jelusalema dogu Maadi ki fu leni bi niba n kpiagidi yaa kaani, Ki pua sawali Isalele diema po!

Esekieli 24:21

Ŋan yedi Isalele buolu yaaba ke mini o Diedo, Li Miali Diedo yedi mi ne: Diidi n baa *joagini n*kaangagidiŋamu, yu n teni ke yi jigini yi yula, ki tie yi nuni pamanli leni yi suginma yeni. Yi bijaba leni yi bisiaba, yin ŋa yaaba Jelusalema po yeni, ki jugisiega n baa kpa ba.

Esekieli 6:6

Yin ban ye naankani kuli Yi dogi baa tua diegbendi Yi padibinbina ya n ye a juana po baa mudi, Yi tuonandi padibinbina mo baa wudi. Yi buli baa kua kua ki pendi. Yin juugi a dugibila yaa bunbuna po baa baa, Yin tagi yaala kuli mo baa bodi.

Esekieli 9:6

Kpa mani hali ki bolini a jakpela, bi jawaaba leni bi jafanba, a bila leni bi puoba. Ama yin da sii yua n pia maalima o yutunli po kuli. Yin cili n diegu kani.» Bi den cili ki ku yaa nikpela n den ye U Tienu diegu nintuali.

Danieli 2:46

Lani o bado Nebukanesa den labini ki pugi Danieli ki yedi ke ban padi a pada opo ki go juu opo tulale.

Amosi 7:9

Isaaka puoliŋuani padibinbina, ya n ye a juana yula po baa bodi. Isalele yaaba n gagidi yaa kaani kuli baa bodi. N baa fiini bu toabu, ban kpa o bado Jeloboami puoliŋuani leni mu jugisiemu.»

Mise 3:12

Lanwani kelima yinba yaa po, Bi baa ko Siyono nani u kuanu yeni. Jelusalema baa tua kulinjagbejuali. Ku tiigu mo baa pini U Tienu diegu n ye yaa juali yuli po.

Sofoni 3:6

Li Miali Diedo yedi: «N bolini i nilanbuoli boncianla, N bolini bi kaanpaali toadiefoaga. N teni ke oba kuli ki go tagi bi sani. N bolini bi dogi. Nilo ki go tagi likani, Nilo kuli ki go kaa likani.

Luki 21:24

Bi yibalinba baa kpa ba leni mu jugisiemu, ki gedini yaaba n sieni ti yonbidi i nibuoli kuli nni. I nilanbuoli yaaba baa paadi Jelusalema, ki ŋmaa u hali U Tienu n bili bipo yaa yogunu n dudi.

Jesu Tondiba Tuona 6:14

Ti go den gbadi ke o yedi ke Jesu, Nasaleti yua yeni, baa bolini U Tienu diegu na ki lebidi Musa n den bili tipo yaa bogida.»

Hebilunba 10:26

Ti yaa baa ki bandi i moamoani, ki yuandi ki tiendi ti tuonbiadi ti yama po, padili naa go ye ti tuonbiadi po,