Levi 26:28 - Gourmanchéma Bible

²⁸ n baa sedi yipo leni li pabienli ki pua ki faligi yi taalima lele goga yi tuonbiadi yaa po.

U TIENU MAAMA TILI 2013

²⁸ n baa sedi yi po leni li pabienli, ki pua ki faligi yi taalimilele goga yi tuonbiadi po.

Levi 26:28 ပူးပေါင်းရင်းမြစ်များ

Pisomi 79:12

O Diedo, guani ti yieninlieba bi panpaani Figilima lele kelima ban sugidi a yaa sugidi po.

Esayi 27:4

N kan go bieni n pali n duven tikuanu yeni po. Ama n yaa laa konkoni bi kongoaba, N baa pedi i kuli, ki juu i mi fantama.

Esayi 59:18

O baa pa yua kuli nani wan pundi ki baa yaa panpaani. O baa wuli o pabienli o koanginkaaba po, Ki faligi o yibalinba nani lan pundi bipo maama Ki go pa a kpendega yaaba nani ban pundi ki baa yaa panpaani.

Esayi 63:3

N den tuodi n daama u datuodikaanu nni n bebe Ke n niba siiga, niloba kuli ki todi nni. N den ŋma bi niba n pabienli nni N den ŋma ki midi ba n pabiencianli nni Ke bi soama den toani ki yadi n tiayiekaadi po Ki den *joagini n tiayiekaadi.

Esayi 66:15

Kelima diidi Li Miali Diedo, O ye mi fantama nni ki kpendi, O toateliti tie nani o pinpinja yeni Ki baa tuu o pabienli panli leni li pabiencianli Ki baa tuu o fuugu panli mo leni mi fantama.

Jeremi 21:5

Mini nba n baa koani leni yi, ki doagidi n fidu leni n paaciamu, leni li pabiencianli leni mi jama.

Jeremi 7:20

Lani n teni ke n Diedo, Li Miali Diedo yedi mine: «Diidi n pabiencianli baa nandi u naa kaanu koatiidi, Li niba, li yandi, leni li tinga bonluonkaala kuli. Mi fantama baa yaa siagi la ki kan gbindi.»

Jeremi Bubula 4:11

Li Miali Diedo, O Diedo teni ke o pabienli tuoni li bianu, Ke o doagidi o pabiencianli. Siyono dogu tugu nni o cuoni mi fantama, Yaama n dini u tanpuuna.

Esekieli 5:13

N baa teni n pabienli n tuoni li bianu, ke min tu n panli. Lanwani bi baa bandi ke mini Li Miali Diedo n maadi, ke n kan tuo ki ga bi tagili.

Esekieli 5:15

A baa tua i fe leni fala kaanu, i tundi leni i jeje kaanu yaa nibuoli n lindi yi kuli po, n pabienli leni n pafiima buudi n baa cuo ŋa yaa yogunu leni i panpaanbiadi. Mini Li Miali Diedo maadi.›

Esekieli 8:18

Mini moko, n baa tieni ba nani n pali n fii maama. N kan mua bipo, n kan gbadi bipo niñima mo. N kan cengi ba, baa bi yaa kuudi ki mia nni ke min faabi ba.»

Levi 26:24

mini moko baa yie ki go pua yi taalima lele goga yi tuonbiadi po.

Levi 26:27

Baa leni lankuli yi yaa cengi n maama ki go baa yiedi npo,

Levi 26:41

Mini moko baa yie bipo ki kuani ba bi yibalinba diema nni. Lanwani leni bi pajoagima kuli, bi baa miini bi yula ki pa bi tagili panpaani kuli.

Nahumi 1:2

Li Miali Diedo tie yaa Tienu N pia li *nunponli ki tuugi li panli. Li Miali Diedo tuugi li panli, O pabienli bia boncianla. Li Miali Diedo tuugi o koanginkaaba li panli Ki kan tieni o yibalinba po sugili mo.

Nahumi 1:6

U Tienu pali yaa beni, oba kuli kan fidi ki sedi. O pali yaa beni boncianla, oba kuli kan fidi ki yaa ye. O pali co nani mi fantama yeni. A tana pudi ki yagidi o nintuali.