Levi 26:19 - Gourmanchéma Bible

¹⁹ N baa pua ki mudi yi fidu japaadi kuli. N baa teni tanpoli n tua yipo nani ti kudi, ki tinga mo baa tua nani ti kumoandi.

U TIENU MAAMA TILI 2013

¹⁹ N baa pua ki mudi yi fidu japaadi kuli. N baa teni tanpoli n tua yi po nani ti kudi, ki tinga mo baa tua nani ti kumoandi.

Levi 26:19 ပူးပေါင်းရင်းမြစ်များ

1 Bi Badiba 17:1

*Elia, yua n den ñani Tisibe dogu nni ki ye Galaadi diema nni, den yedi Isalele yaaba bado Akabi: «N tie Li Miali Diedo Isalele yaaba Tienu yua n ye ki fo yaa naacemo. Hali U Tienu po, taaga kan go mii, mangu mo kan go luoni yaa bina n tie ne, se n mia.»

1 Bi Badiba 8:35

Li yaa ti ke tanpoli ti luoni ke taaga ki go mii kelima bani a niba Isalele yaaba yie a maama, bi yaa diidi ku naa diegu po ki jaandi ki pagi a yeli ki lebidi ki ŋa bi tuonbiadi kelima a faligi ba po,

Esayi 2:12

Li Miali Diedo U Paaciamu Kuli Daano bili laa daali Ki baa yie yaala n pia kafaama leni japaadi kuli po, Moko, yaala n fiini li yuli kuli ki baa goa jiidi po.

Esayi 25:11

Laa buogu yaa niinni o tandi o nii, Nani o ñindugilo n yen tandi maama ki dugi yeni. Ama Li Miali Diedo baa jiini o japaadi, Baa leni o moandili kuli.

Esayi 26:5

O guli yaaba n den jagi tanpoli O tudi ki luni yaa dogu n pia u paalu O tudi ki luni u hali tiipo, O teni ke bi baa mi wagima nni,

Esayi 28:1

Fala baa nandi Samali yaa dogu yu n naani leni ki badifogiliga Ki tie Efilayima dañogaada jigidi yeni. Samali n bobi yaa tiadi ki yiini yaa joaloangu n pia ti bugidi yuli po yeni Kuli tie yaa puuma n mali ki ye mi daama n guli yaaba yula po.

Jeremi 13:9

«Li Miali Diedo yedi nanda: Min baa bolini Juda japaadi maama n yeni. N baa tieni Jelusalema japaaciandi mo yene.

Jeremi 3:3

Lanwani n yie kaa puni a taaga, Ki tayuankaaga mo naa cua. A li baa pia a poconcona leni mi kafaama, Ŋaa ban jie baa fe mo.

Esekieli 24:21

Ŋan yedi Isalele buolu yaaba ke mini o Diedo, Li Miali Diedo yedi mi ne: Diidi n baa *joagini n*kaangagidiŋamu, yu n teni ke yi jigini yi yula, ki tie yi nuni pamanli leni yi suginma yeni. Yi bijaba leni yi bisiaba, yin ŋa yaaba Jelusalema po yeni, ki jugisiega n baa kpa ba.

Esekieli 30:6

Li Miali Diedo yedi mi ne: «Ki cili Migidoli dogu ki ban tuoni hali Siyeni dogu, Yaaba n todi Ejipiti diema yeni baa kpe bu toabu nni. Ejipiti yaaba paalu japaadi kuli baa gbeni. O Diedo, Li Miali Diedo n yedi yeni.

Esekieli 33:28

N baa teni mi diema yeni n tua diegbendi leni paboanli kaanu. Mi niba fidu yu n den tie bi japaadi yeni baa baa u bianu. Isalele diema juana baa tua paboanli kaanu, ke niloba kuli kan go yaa do a juana yeni po.

Esekieli 7:24

N baa teni yaa nibuoli n bia ki cie ba N cua ki fie bi diedi. N baa teni yaaba n pa yaa japaadi n baa u bianu, Ki teni bi jaandi kaanu n joagini.

Sofoni 3:11

Laa yogunu, yinba, n niba Yi kan go jie i fe kelima yi tuona po, Leni yin tiendi npo yaa *tuonbiadi yeni po, Kelima n baa ñani yi siiga yaa niba n pia ti japaadi boncianla. Yi japaadi baa baa u bianu n joagagidikaali po.

Luki 4:25

N go waani yi moamoani ke *Elia yogunu, tanpoli n den luoni ke ki taaga ki mi hali bina taa leni ŋmaali luoba ke mi koncianma den ye mi diema nni kuli, a kpepuona den ye Isalele diema nni boncianla.

Mi Tiadima 11:17

Lanwani Li Miali Diedo pali baa be yipo. O baa luoni tanpoli ke ki taaga kan go mii, ki tinga mo kan go yaa luoni bonŋanla. Lani yi baa bodi tontoni Li Miali Diedo n puni yi yaa dieŋanma yeni niinni.

Mi Tiadima 28:23

Tanpoli baa juagi nani ti kumoandi yeni, ki tinga, yi ŋmaadi yaaga yaa po mo n juagi nani ti kuboandi yeni.

1 Samueli 4:11

Filisiti yaaba den fie U Tienu ŋantaadikpaku ki ku Eli bijaliediba Ofini leni Finea.

1 Samueli 4:3

Isalele toatieba n den guani bi toanagili po, bi nikpela den yedi: «Be n tieni ke Li Miali Diedo cedi ke Filisiti yaaba paadi ti dinla? Tin gedi Silo ki ban taa Li Miali Diedo *ŋantaadikpaku ki cuani gu ti siiga gun ga ti ti yibalinba nuu nni.»