Levi 26:16 - Gourmanchéma Bible

¹⁶ diidi min baa tieni yi yaala: N baa yagi yi yama boncianla, ki teni ku dondongu leni ti ñinwadi, laa yiani yii n baa teni yi nuni n tadigi, ki go je yi miana. Yi baa ko fanma fanma kelima yi yibalinba baa je yi bonbaakaala.

U TIENU MAAMA TILI 2013

¹⁶ diidi min baa tieni yi yaala: N baa teni ti yanyagidi, ku dondongu leni ti ñinwadi n cuo yi, laa yiani baa tadigi yi nuni, ki je yi miana. Yi baa ko fanma fanma, kelima yi yibalinba baa je yi bonbaakaala.

Levi 26:16 ပူးပေါင်းရင်းမြစ်များ

1 Bi Badiba 8:37

Li yaa tie ke mi koma bi u yianbiadipuodiko yaa ti baa mi diema, li yaa tie ke i kuani faani ke a bayuana mo kua yi, li yaa tie ke a dondoba bi i naaci cua boncianla, li yaa tie ke yibalinba gaani ki cebini Isalele yaaba dopaali, li yaa tie ke fala buoli kuli, bi yianbuoli kuli baa mi diema po,

Jobi 18:11

I jeje muubi o i kaani kuli, Ki ŋua ki deli o.

Jobi 20:25

O yaa dadi ki fobi u piemu o gbanu nni, Ki ñani yaa pengu n muu o puali, Laa yogunu mi kuuma jawaanciandi baa baa o.

Jobi 31:8

Min buli, nitoa n taa ki je! Ban ŋabi min ŋu yaa tiidi mo!

Pisomi 109:6

Bi tua: «Teni o nibiado n fii ki sedi opo, Ki baa yua mo n baa sedi o jienu ki yaa kuliti o.

Pisomi 73:19

Bi bodi yenma lede nna! A bolini ki gbeni ba leni ti jawaanludikaadi.

Pisomi 78:33

O den teni ke bi miali dana ya n ki pia fuoma yeni baa u bianu, Ki teni ke mi yebiadima mo ludi ki dini ba.

Mi Ñama 15:26

O den yedi: «Yi yaa cengi Li Miali Diedo yi Tienu maama bonŋanla, yi yaa tieni yaala n tiegi o nintuali, yi yaa diadi yi tuba ki cengi o balimaama ki go tieni o mabilikaama kuli, n kan pua yi leni min den pua Ejipiti yaaba leni yaa yiani kuli. Kelima n tie Li Miali Diedo yua paagidi a.»

Mi Kpanjama 3:33

Li Miali Diedo solindi ye bi nibiadiba diedi po, ama o seligidi bi niteginkaaba yaa diedi.

Esayi 10:4

Yaala n sieni bebe n tie yin godi ki buani a kpaada siiga Ki go ŋmadi ki baa ki kpe ban ku yaaba siiga. Baa leni lani kuli Li Miali Diedo pabienli daa kuugi bipo O nuu mo baa tiani ki baa waani ba fala.

Esayi 62:8

Li Miali Diedo den poli yaa poli n tie na Leni o paaciamu ki yedi: «N kan go taa a *ŋalikama Ki pa lan tua a yibalinba jiema. Ti nilanlandi bijaba mo kan go ño a dapanma, A fala n cuani yaala.

Esayi 7:2

Bi den cua ki waani Dafidi diegu nni yaaba ke Sili diema yaaba cua ki kali Efilayima diema nni. Laa laabaalo den teni ke o bado Akasi leni o niba kuli tugusoama den sani ke bi den digibi nani u faalu n figi li fuali nni tiidi maama yeni.

Jeremi 12:13

Bi buli *ŋalikama Ki baa yendi i konkoni. Bi den coagini bi yula fanma bebe, laa baa yuli. Naani, i fe ki pia yi ti naa kpaandi po? Kelima Li Miali Diedo pabiencianli po yo ke o tieni yi laa bonla.

Jeremi 15:3

N baa fii ki sedi bipo leni fala buoli naa: ‹Li Miali Diedo n yedi yeni Bu toabu baa cua ki kpa ba, I sangbanli n cua ki ŋmani, I yobili leni i tanboe mo n cua ki ŋmani ki go bolini ba.

Jeremi 15:8

N teni ke bi kpepuona yabidi Ki cie mi ñincianma tanbiili. N teni ke mi yebiadima ŋma o jakoando naa u yensicocolu. N teni ke ti yanyagidi leni i yanbani cua ki ludi o yenma.

Jeremi 20:4

Li Miali Diedo yedi nanda: ‹Diidi bi baa ŋa ŋa leni ti jawaanciandi, fini leni a danlinba kuli. Bi yibalinba jugisiemu baa je ba a nunbu nni. N baa teni Babilona bado n diedi Juda yaaba kuli ki taa bi tianba ki gedini ba Babilona, ki ban kpa bi tianba leni ki jugisiega.

Jeremi 5:17

Bi baa je yi kpaandi leni yi jiema Bi baa je yi bijaba leni yi bisiaba Yi yangbenga leni yi yanbidi kuli Yi duven tiidi kuani leni yi kankandi Bu toabu baa bolini yi dopaali Yin tama naani ke puu kan nandi yi yeni.

Esekieli 24:23

Yi yufinfinjuadi baa yaa ye yi yula po, yi baa pili yi cacaadi mo. Yin da lu kudiegu, yin da buudi mo. Ama yi baa cili ki yaa bedi kelima yi tagili po, hali yua kuli n mua o lielo tagili po.

Esekieli 33:10

O ja na, ŋan yedi Isalele yaaba mi ne: «Yi tua ke yi biadima leni yi tuonbiadi jagi yipo, ke lani n teni ke yi ye leni yaa fala n tie ne. Yi go buali yi yula yi yaa baa fidi ki yaa ye?

Amosi 5:11

Yi ŋmaadi o luodo, Ki fenli o kani *ŋalikama. Li tie lani yaa po ke yin maa yaa dieŋama Leni a tankpiekaana yeni Yi kan kua a niinni, Yin ŋu yaa duven tiidi ke yi ŋani hali boncianla Yeni yi kan ño yi duven.

Mise 6:15

Yi baa coagi ti jaadi ki kan yendi. Yi baa ŋoali ki ñandi *olifie bonluonkaala kpama, Ama yi kan sogi ma, Yi baa tuodi duven tiidi bonluonkaala, Ama yi kan ño li duven.

Age Tili 1:6

Yi buu boncianla ki nan yendi waamu, Yi di, ama yii guodi, Yi ñu ke yi ñunñuunu naa gbendi, Yi bobi ti tiadi ke yi wadi naa gbendi, Yua n tuuni ki gaani i panpaani Li tie nani o ŋu li boagicibinli nni yeni.

Sakari 14:12

Li Miali Diedo n baa teni yaa bonbiadila n baa yaa nilanbuoli n baa fii ki tieni Jelusalema yaaba bu toabu tie line: Bi gbanandi baa bedi, Ke bi da fo. Bi nuni baa bedi bi nunbuodi nni, Bi landi mo n bedi bi ñoana nni.

Malaki 2:3

N baa waani yi puoliŋuani fala. N baa taa yin padi yaa yandi mi *jaanma yogunu pobindi, Ki madi yi nunmu nni. Bi baa taani ki tugi yinba leni tini kuli.

Mi Tiadima 28:51

U baa fie yi yandi leni yi kpaandi kuli hali yin kpe ki gbeni. U kan ŋa yipo *ŋalikama, duven, kpama, ne, leni yanbidi siiga liba kuli hali wun baa bolini yi ki gbeni.

Mi Tiadima 32:25

Bu toabu baa kpa bi bila yaaba n ye niinpo, Ti jawaanciandi mo n je yaaba n ye deenni. Li baa tua yenma bi jawaaba leni bi jafanba po Yaa bila n da ŋaani leni ti jakpeyukobipiendi po.

Hebilunba 10:31

Li tie yaa bonla n pia i jeje hali boncianla ki baa U Tienu yua n fo nuu nni.

Bi Bujiaba 6:11

Li Miali Diedo maleki den cua Abieseli buolu yua Joasi dogu Ofili nni ki kali yaa ticianbu n yi telebinti tinga. Joasi bijua Jedeyono den ye duven tiidi bonluonkaala daama ŋmaakaanu kani ki pua *ŋalikama ki baa wuoni ke Madiana yaaba n da le.

1 Samueli 2:33

N baa cedi a buolu yua n yaa taabi n padibinbinli tuonli nni ke o nuni bonlekaala leni li ponli n boandi o pali. A diegu niba yaaba n sieni mo baa yaa ku bi jawaama nni.