Levi 23:34 - Gourmanchéma Bible

³⁴ «Maadi leni Isalele yaaba ki yedi ba: Cilele yeni yaa piiga n damuuli daali baa tie a koasuga jaanma dana Li Miali Diedo kpiagidi po hali ki pundi dana lele.

U TIENU MAAMA TILI 2013

³⁴ «Yedi Isidayeli yaaba: Cilele yeni yaa piiga n damuuli baa yaa tie a suga jaanma daali, o Diedo kpiagidi po, hali ki pundi danalele.

Levi 23:34 ပူးပေါင်းရင်းမြစ်များ

1 Bi Badiba 12:32

O go den bili ke binli kuli bi baa jaani mi *jaanma cinii yaa piiga n damuuli daali, nani ban den tieni maama Juda diema nni. O go den padi a pada wani oba li*padibinbinli po. O den tiendi lani kuli Betela, ke bi niba n padi a pada wan den duadi yaa naabila po. O den cuani Betela wan den dini yaa kopadicianba ke ban yaa padi a pada wan den maa yaa padibinbina a juana yula po yeni po.

1 Bi Badiba 8:2

Isalele jaba kuli den cua ki taani Salomono kani mi*jaanma yogunu, Etanimi yaa ŋmaalo yua n tie cilele yaa niinni.

1 Bi Badiba 8:65

Laa yogunu Salomono leni Isalele yaaba kuli den tieni mi jaanma. Laa niŋandungu den ñani Isalele diema nni kuli, ki cili hali jienu po Hamati dogu tinkundogi nni, ki pundi hali ganu po kpenu yu n ye Ejipiti yaaba leni Isalele yaaba siiga, ki taani Li Miali Diedo bi Tienu nintuali dana lele taalima lie, lani n tie piiga n dana naa.

Esidirasi 3:4

Li yaa puoli bi den jaani a koasuga *jaanma nani lan diani ki bili maama, ki padi a padijuukaana ke a coali da leni lan diani ki bili maama daali kuli yaa pada po.

Nehemi 8:14

Bi den laa ke li diani U Tienu n den teni Musa yaa bali maama nni ke Isalele buolu yaaba baa yaa ye a koasuga nni o cileleelo yaa *jaanma yogunu,

Mi Ñama 23:16

Ŋan jaani u jetaagu jaanma, a kpaandi bonluonka-kpiala leni ŋan buli yaala kuli u kuanu nni. Ŋan go jaani u jetaagu mo yaa jaanma li binli juodima, yaa yogunu ke a taani ŋan soani a kuani nni ki baa yaala.

Mi Ñama 34:22

Yin yaa kubi mani dana lele taalima lele yaa *jaanma, yaama n go yi *ŋalikama yaa bonluonkpiala yaa jaanma, leni u jetaagu yaa jaanma, yaama n ye li binli juodima.

Esekieli 45:25

Mi jaanma yaama n cilidi cilele piiga n dana muu daali yeni po, o baa padi hali dana lele padiyenli, ti tuonbiadi sugili padili po, li padijuukaali po, bu paabu padili po, leni mi kpama padili po.»

Levi 23:33

Li Miali Diedo den maadi leni Musa ki yedi:

Levi 23:42

Yi baa ña yi diena nni ki yaa ye a koasuga nni, hali dana lele. Isalele diema nni nibuoli yaa niba kuli baa ye a koasuga yeni niinni.

Levi 23:43

Lani n tie yi puoliŋuani n bandi ke mini Li Miali Diedo n den teni ke Isalele yaaba den ye a koasuga nni min den ñani yi Ejipiti diema nni yaa yogunu. N tie Li Miali Diedo yi Tienu.»

Mi Coadima 29:12

Cilele yeni piiga n damuuli daali, yi baa taani ki tieni taangagidikaali. Yi kan soani tuonpaaliba kuli. Yi baa jaani mi jaanma Li Miali Diedo kpiagidi po hali dana lele.

Jan n diani U Tienu Laabaaliŋamo maama 1:14

Mi Maama yeni den tua nisaalo, ki ye ti siiga ki gbie leni li*ŋanbili leni i moamoani. Ti den laa o kpiagidi, wani ki Bonjayenyenga yua n ñani Baa kani yaa kpiagidi.

Jan n diani U Tienu Laabaaliŋamo maama 7:2

Jufinba jaanma yaama n yi a *suga jaanma den kuli.

Mi Tiadima 16:16

Binli kuli taalima taa, yi siiga bi jaba kuli baa cua Li Miali Diedo yi Tienu nintuali, wan gandi yaa kaanu yeni kani, yaa dupen n ki pia dabinli jaanma po, dana lele taalima lele jaanma po, leni a koasuga jaanma po. Bi kan cua Li Miali Diedo nintuali leni nikuomi.

Mi Tiadima 31:10

Musa den teni o li naa ñoabonli: «Bina lele yaa tuoni kuli, mi *faabima binli, a *koasuga jaanma yogunu,

Hebilunba 11:13

Laa niba kuli den kpe ki kubi li dandanli. Bi daa den baa U Tienu n den niani ba yaala. Ama bi den tuodi ki laa la hali foagima, ki mangi bi pala lipo, ki tuo ke bi tie canba ki ye u yogunu waamu po ŋanduna nni.

Hebilunba 11:9

Li tie kelima li dandanli yaa po ke o den kua ki kali nani o nilamo yeni U Tienu n den niani o yaa diema nni. O den ye a gbandiena nni leni Isaaka leni Jakobo, bani yaaba n den taani leni o ki baa U Tienu ñoanianu yeni.