Levi 23:19 - Gourmanchéma Bible

¹⁹ Yi go baa padi li ŋuabuali, lin tua ti *tuonbiadi padili leni pebila lie yaaba n pundi binyenli, ban tua taanyenma padili.

U TIENU MAAMA TILI 2013

¹⁹ Yi go baa padi li ŋuabuali, lin tua ti tuonbiadi sugili padili leni pebilalie yaaba n pundi binyenli, ban tua mi taanyenma padili.

Levi 23:19 ပူးပေါင်းရင်းမြစ်များ

Levi 16:15

O go baa kodi ti tuonbiadi sugili miabu ŋuabuali bi niba po. O go baa taa li yaa soama ki kandi bu kpalidoaginkaabu ki kua. O baa tieni laa soama mo nani wan bi tieni maama leni li naatonli yaa soama yeni. O baa miimii mi soama ku kpaku biili po leni li nintuali.

Levi 23:18

Yi baa cuani pebila lele yaa n pia binli binli ki naa pia poadi, leni naatonbili, leni petona lie ki taani leni dupen yeni ki padi ba lan tua li padijuukaali Li Miali Diedo po. Bu paabu leni li *ñincaba yaala n naani leni yaa paabu n juu mi fantama nni, baa pia yaa nuulu n mani Li Miali Diedo po.

Levi 23:20

O kopadiciamo baa tieni yaa bogidili n doagidi ke o teni la Li Miali Diedo nintuali, o ŋalikamapaano leni a pebilieda yeni, ki gagidi likuli Li Miali Diedo po. Li baa tie o kopadiciamo yaa biinu.

Mi Coadima 15:24

Li yaa tie ke ti tuonbiadi yeni ki tieni leni yanbuama, maama ke li nitaanli kuli ki bandi, li nitaanli kuli baa padi naatonbili, yaa padijuukaali yaa nuulu n mani Li Miali Diedo po, leni li paabu, leni li *ñincabili. Nani lan bili maama, li nitaanli yeni baa padi ŋuabuali ti tuonbiadi sugili po.

Mi Coadima 28:30

Yi go baa padi ŋuabuali ki mia yi tuonbiadi sugili.

LOMA YAABA 8:3

Li *bali maama n kaa den fidi ki tieni yaala kelima ti gbanandi tadingu po, U Tienu den tieni la. O den soani o Bijacele kelima ti tuonbiadi po, ke o taa yaa gbanandi n naani leni ti tuonbiadi n diedi yaa gbanandi. Wan den tieni yeni, o den buni ki cuo ti tuonbiadi ti gbanandi nni.

2 Korenti 5:21

Wani Kilisiti yua n ki den bani tuonbiadi, U Tienu den teni ke o tua ti tuonbiadi tinba yaa po, ke timo n baa o yaa niinni U Tienu*moamoansaali.