Levi 23:17 - Gourmanchéma Bible

¹⁷ Yi baa ñani yi diena nni dupen bonba lie ki tieni yaa bogidili n doagidi ke yi teni la Li Miali Diedo. Yi baa taa mi yoma kilo bonba taa ki taani leni li dabinli ki pua dupen yendo. Li tie li bonluonka-kpiala paabu Li Miali Diedo po.

U TIENU MAAMA TILI 2013

¹⁷ Yi baa ñani yi diena nni dupen bonbilie, ki tieni yaa maalima n waani ke yi teni la o Diedo. Yi baa taa mi yoma kilo bonbitaa, ki taani leni li dabinli, ki pua dupenyendo. Li tie li bonluonkakpiala paabu o Diedo po.

Levi 23:17 ပူးပေါင်းရင်းမြစ်များ

Nehemi 10:37

Ti baa yen cuani ti bonjakpiala leni ti yandi bontonkpiamu U Tienu diegu nni, bi kopadicianba kani nani lan diani li bali maama nni maama. Ti baa yen cuani ti ne leni ti pe bontonkpiamu ki teni yaa kopadicianba n tuuni U Tienu diegu nni.

Mi Ñama 22:29

A baa tieni yeni a yangbenga leni a yanbidi po moko. Ki bontonkpiaga baa tieni o naa kani dana lele li daniili ŋan taa ga ki pa nni.

Mi Ñama 23:16

Ŋan jaani u jetaagu jaanma, a kpaandi bonluonka-kpiala leni ŋan buli yaala kuli u kuanu nni. Ŋan go jaani u jetaagu mo yaa jaanma li binli juodima, yaa yogunu ke a taani ŋan soani a kuani nni ki baa yaala.

Mi Ñama 23:19

Ŋan cuani Li Miali Diedo a Tienu nintuali, o dieli nni a tinga bonluonka-kpiala. Ŋan da ŋaani ki ŋuabiga ki naa biima nni.

Mi Ñama 34:22

Yin yaa kubi mani dana lele taalima lele yaa *jaanma, yaama n go yi *ŋalikama yaa bonluonkpiala yaa jaanma, leni u jetaagu yaa jaanma, yaama n ye li binli juodima.

Mi Ñama 34:26

Yin taa mani yaala n ŋani ki cie ki tinga bonluonkpiala nni kuli ki cuani mini Li Miali Diedo yi Tienu diegu nni. Yin da kodi ki ŋuabiga ki ŋaani ki nandi ki naa yaa biima nni.»

Levi 2:12

Yi baa fidi ki tieni li dabinli li bonluonka-kpiala yaa padili nni, ama li padibinbinli yaa padijuukaana yaa nuulimanu po wani, li kan tuo.

Levi 23:10

«Maadi leni Isalele yaaba ki yedi ba: Yi yaa kua min baa pa yi yaa diema nni yaa yogunu, ke u jetaagu yogunu ban pundi, yi baa taa li dibabili ki cua ki teni o kopadiciamo, yaala n tie yi kuanu yeni yaa bonluonka-kpiala.

Levi 23:18

Yi baa cuani pebila lele yaa n pia binli binli ki naa pia poadi, leni naatonbili, leni petona lie ki taani leni dupen yeni ki padi ba lan tua li padijuukaali Li Miali Diedo po. Bu paabu leni li *ñincaba yaala n naani leni yaa paabu n juu mi fantama nni, baa pia yaa nuulu n mani Li Miali Diedo po.

Levi 7:13

O go baa cuani yaa dupen n pia li dabinli ki taani leni laa jiema kuli, likuli n taani ki tua o tuondi leni o taanyenma padili.

Mi Coadima 15:17

Li Miali Diedo den maadi leni Musa ki yedi ke wan

Mi Coadima 18:12

N go puni Isalele yaaba n baa pa nni ki tinga bonluonka-kpiala yaala kuli: Mi kpama nni, mi kpaŋanma kuli, duvenpaano nni, duvenŋamo kuli, leni*ŋalikama nni, ŋalikama ŋamo kuli.

Mi Coadima 18:13

Ban baa cuani ki tinga bonluonka-kpiala yaala Li Miali Diedo po kuli tie a yaale. A diegu nni yua n ki joagini kuli baa je ma.

Mi Coadima 28:26

U jetaagu jaanma daali, yin baa cuani Li Miali Diedo po yi kpaandi yaa daali yeni, yin taani ki tieni taangagidikaali. Yi kan soani tuonliba kuli.

Matie 13:33

O go den pua ba mi naa kpanjama: «Tanpoli diema tie nani li *dabinli ke o pua taa ki buuni yonyiemu taa, ki sieni hali likuli n pili.»

LOMA YAABA 8:23

Laa tie mi tagima bebe ka ye leni fala. Tinba yaaba n pia U Tienu paakpiabu, lani n tie o Fuoma, ti moko duni ti pala nni, ki gu U Tienu n baa ti teni tin tua o bimoanmu cain yaa yogunu, ki faabi ti gbanandi.

1 Korenti 15:20

Ama moamoani, Kilisiti fii bi tinkpiba siiga ki tie o kpialo ki tie siedi ke yaaba n kpe kuli baa fii.

Jaki 1:18

O yanbuama po, o den mali ti kelima i moamoani maama yaa po ke tin yaa tie o tagima kuli siiga li bonkpiala.

Mi Doagidima 14:4

Bani n tie yaaba n kaa den *joagini bi yula leni bi puoba, ki tie nani a *powandiana yeni. Bi baa ŋua ki Pebiga wan caa naani kuli. Bi tie wan da yaaba bi niba kuli siiga, ke bi tie nani li bonluonka-kpiala yeni U Tienu po leni ki Pebiga po.