Levi 23:10 - Gourmanchéma Bible

¹⁰ «Maadi leni Isalele yaaba ki yedi ba: Yi yaa kua min baa pa yi yaa diema nni yaa yogunu, ke u jetaagu yogunu ban pundi, yi baa taa li dibabili ki cua ki teni o kopadiciamo, yaala n tie yi kuanu yeni yaa bonluonka-kpiala.

U TIENU MAAMA TILI 2013

¹⁰ «Yedi Isidayeli yaaba: Yi yaa kua min baa pa yi yaa diema nni yaa yogunu, ke u jetaagu yogunu ban pundi, yi baa taa li dibabikpiali ki cua ki teni o kopadiciamo, yaala n tie yi kuanu yeni yaa bonluonkakpiala.

Levi 23:10 ပူးပေါင်းရင်းမြစ်များ

Mi Ñama 22:29

A baa tieni yeni a yangbenga leni a yanbidi po moko. Ki bontonkpiaga baa tieni o naa kani dana lele li daniili ŋan taa ga ki pa nni.

Mi Ñama 23:16

Ŋan jaani u jetaagu jaanma, a kpaandi bonluonka-kpiala leni ŋan buli yaala kuli u kuanu nni. Ŋan go jaani u jetaagu mo yaa jaanma li binli juodima, yaa yogunu ke a taani ŋan soani a kuani nni ki baa yaala.

Mi Ñama 23:19

Ŋan cuani Li Miali Diedo a Tienu nintuali, o dieli nni a tinga bonluonka-kpiala. Ŋan da ŋaani ki ŋuabiga ki naa biima nni.

Mi Ñama 34:22

Yin yaa kubi mani dana lele taalima lele yaa *jaanma, yaama n go yi *ŋalikama yaa bonluonkpiala yaa jaanma, leni u jetaagu yaa jaanma, yaama n ye li binli juodima.

Mi Ñama 34:26

Yin taa mani yaala n ŋani ki cie ki tinga bonluonkpiala nni kuli ki cuani mini Li Miali Diedo yi Tienu diegu nni. Yin da kodi ki ŋuabiga ki ŋaani ki nandi ki naa yaa biima nni.»

Esekieli 44:30

Yi baa yaa tendi bi kopadicianba yi kpaandi bonluonka-kpiala, leni yin paadi ki bili yaala kuli npo. Yi baa yaa tendi ba yin yen kpa buuni yaa yoma, lani n tie min seligi yi diedi.

Levi 14:34

«Yi yaa kua Kanana diema nni, min baa pa yi yaa diema yeni, o nilo yaa pia li dieli yin baa diedi yaa diema nni yeni ke n pua laa dieli leni mi gbaadima yaa calimu yeni,

Levi 23:11

O baa ga li dibabili yeni ki tieni yaa bogidili n doagidi ke o teni la Li Miali Diedo, ke Li Miali Diedo n ga. Li baa tie U Tienu fuodima daali yaa fiifaama ke o kopadiciamo baa tieni laa bogidili.

Levi 23:17

Yi baa ñani yi diena nni dupen bonba lie ki tieni yaa bogidili n doagidi ke yi teni la Li Miali Diedo. Yi baa taa mi yoma kilo bonba taa ki taani leni li dabinli ki pua dupen yendo. Li tie li bonluonka-kpiala paabu Li Miali Diedo po.

Levi 23:9

Li Miali Diedo den maadi leni Musa ki yedi:

Mi Coadima 15:2

maadi leni Isalele yaaba ki yedi ba: «Yi yaa ban kua ki kali min puni yi yaa diema yeni niinni yaa yogunu,

Mi Coadima 28:26

U jetaagu jaanma daali, yin baa cuani Li Miali Diedo po yi kpaandi yaa daali yeni, yin taani ki tieni taangagidikaali. Yi kan soani tuonliba kuli.

LOMA YAABA 11:16

A yaa buuni ti yonbudi ki yidi waamu ki puni U Tienu nani li bonluonka-kpiala yeni, yaadi n sieni moko gagidi U Tienu po. Bu tibu jiinu yaa gagidi U Tienu po, bu beni moko gagidi opo.

Mi Tiadima 16:9

Yi baa coadi daali n tuoni liyali taalima lele. Yi baa cili ki yaa coadi ban cili *ŋalikama cema yaa yogunu.

Jaki 1:18

O yanbuama po, o den mali ti kelima i moamoani maama yaa po ke tin yaa tie o tagima kuli siiga li bonkpiala.

Josue 3:15

Li den tie u jetaagu yogunu, Judana ñima n yen gbie ki yayadi ki kua a boanjaana nni yaa yogunu. Yaa kopadicianba n den bugi ku ŋantaadikpaku n den pundi Judana ke bi taana sii mi ñima,

Mi Doagidima 14:4

Bani n tie yaaba n kaa den *joagini bi yula leni bi puoba, ki tie nani a *powandiana yeni. Bi baa ŋua ki Pebiga wan caa naani kuli. Bi tie wan da yaaba bi niba kuli siiga, ke bi tie nani li bonluonka-kpiala yeni U Tienu po leni ki Pebiga po.

Ruti 1:22

Naomi n den ñani Moabi diema ki kpeni maama n yeni, wani leni o biyuaga Luta Moabi diema yua, den pundi Betelema yaa yogunu ke bi cili ki ce *olije.