Levi 22:13 - Gourmanchéma Bible

¹³ Ama o kopadiciamo bisalo yeni calo yaa kpe, bi ke o ñani o ki naa pia bila, ke o go kpeni o baa deni nani wan den ñani o maama yeni, o baa fidi ki je o baa jiema. Ama yua n ki tie Alono buolu kuli kan je ma.

U TIENU MAAMA TILI 2013

¹³ Ama o kopadiciamo bisalo yeni calo yaa kpe, bi bi yaa ñani o ke o naa pia bila, ke o kpeni o baa deni nani wan den ñani maama yeni, o baa fidi ki je o baa jiema. Ama yua n ki tie Alono buolu kuli kan je ma.

Levi 22:13 ပူးပေါင်းရင်းမြစ်များ

Mi cilima 38:11

Lanwani Juda den yedi o biyuaga Tamala, ŋan yaa ye a baadiegu nni ki yaa tie li kpepuoli hali n bijua Sela n yabidi. O den maadi yeni kelima o den jie ke Sela baa kpe nani o kpeliba n den kpe maama. Tamala den gedi ki kali o baadiegu nni.

Esidirasi 2:63

Gufeneeli den yedi ke ban da je yaa padijiedi n gagidi boncianla hali o kopadiciamoba n baa diidi bipo *Ulima leni Tumima ki le wan baa jagi yaala.

Mi Ñama 12:43

Li Miali Diedo den yedi Musa leni Alono: «Line n tie li ñoabonli mi Pendima jaanma po. Nilamoba kuli kan je ma.

Mi Ñama 29:33

Bani bebe n baa fidi ki je yaa jiema n kua mi gagidima leni bi kopadicianba tuoncilima ŋantaadi leni yaa padili n baa mia U Tienu sugili. Nitoa kuli ki pia u sanu ki je laa bonla kuli, kelima li tie yaa jiema n gagidi ki ŋani.

Esekieli 44:8

Yi naa den faami n tuonli yaali n gagidi ki ŋani yeni po. Ama yi den puogi li bi canbe ke ban ga yi kaanu ki yaa tuuni npo n kaangagidiŋamu nni.›

Levi 10:14

Ban tieni yaa bogidili n doagidi ke bi teni la Li Miali Diedo li bengunli leni li panli kuli, bi puni fini leni a bijaba leni a bisiaba yin yaa ŋmani ti yaa kaanu n gagidi. Li tie fini leni a bijaba yaa biinu Isalele yaaba n puuni yaa taanyenma pada yaa niinni.

Levi 22:10

Yua n ki tie Alono buolu yua kuli kan je yaa padijiema n gagidi yeni. Yaa nilo n cani o kopadiciamo deni leni o tuonsoanlo kan je yaa padijiema n gagidi ki ŋani.

Levi 22:12

O kopadiciamo yaa pia o bisalo ke o kuni yua n ki tie Alono buolu yua, o kan je ban gagidi yaa padijiema Li Miali Diedo po yeni.

Mi Tiadima 24:2

O baa ña o kani ki gedi ki ban fidi ki go tua jatoa pua.

1 Samueli 21:7

Lanwani o kopadiciamo den taa o dupengagidika ki teni o, kelima dupenfano naa den ye likani, se yaa dupen n gagidi U Tienu po bebe, ban yen ñani yua U Tienu nintuali ki lebidi ki bili dupenpaano landaali goga.