Levi 21:6 - Gourmanchéma Bible

⁶ Bi baa kubi bi yula ki gagidi ki yaa ŋani bi Tienu po. Bi kan fali bi Tienu yeli, kelima bi padi Li Miali Diedo po a padijuukaana, yaala n tie bi Tienu yaa jiema yeni. Bi baa yaa gagidi ki ŋanbidi bi yula.

U TIENU MAAMA TILI 2013

⁶ Bi baa kubi bi yula ki gagidi ki yaa ŋani bi Tienu po. Bi kan fali bi Tienu yeli, kelima bi padi o Diedo po a padijuukaana, yaala n tie bi Tienu jiema yeni. Bi baa yaa gagidi ki ŋanbidi bi yula.

Levi 21:6 ပူးပေါင်းရင်းမြစ်များ

Esidirasi 8:28

Lanwani n den yedi ba: «Yaa tiadi n tie ne gagidi Li Miali Diedo po nani yinba yin gagidi opo maama yeni. Yaa ŋanjilifa leni yaa wula n tie ne tie yi yama po paaboe Li Miali Diedo yi yaajanba Tienu po.

Mi Ñama 19:22

Baa bi kopadicianba yaaba n nagidi Li Miali Diedo kani, ban gagidi ki ŋanbi biba ke Li Miali Diedo n da pua ki kpa ba.»

Mi Ñama 28:36

Baa wulamoano ki duadi bonla lan yaa naani leni mi puuma ki diani lipo “Bi gagidi la Li Miali Diedo po yo.” Lan yaa tie nani o nilo n yen tieni o maalima maama yeni.

Mi Ñama 29:44

N baa gagidi ki ŋanbi u Kadikaanu gbandieli leni li padibinbinli. N baa gagidi ki ŋanbi Alono leni o bijaba ke ban yaa padi n pada.

Esayi 52:11

Gedi mani, gedi mani, ña mani Babilona diema nni! Da sii yaala n joagini kuli! Ña mani mi diema yeni siiga! Ŋanbi mani yiba, Yinba yaaba n tugi Li Miali Diedo tadimu yeni!

Esekieli 44:7

Yi den kuani n kaangagidiŋamu nni yaa canba n tie jifola bi pala nni leni bi gbanandi po, ke bi *joagini n diegu. Yin den padi npo dupen leni ti yandi kpama leni mi soama yaa yogunu, yi den biidi yaa *ŋantaado n den luo mini leni yinba kelima yi cagindi po.

Levi 10:3

Musa den yedi Alono: «U Tienu Li Miali Diedo den tuodi ki kadi ki waani yi lane wan den yedi: ‹N bua ke yaa niba n nagidi nni n yaa fangi n gagidiŋanma, ki kpiagi nni bi niba kuli nintuali.› » Alono den ŋmini suo.

Levi 18:21

Ŋan da teni a bila siiga baa yendo ban lu o mi fantama nni ki padi o, o bulo *Moloko po. Ŋan da jugi ki biidi a Tienu yeli. N tie Li Miali Diedo.

Levi 19:12

Yin da pua faama ki poli n yeli nni. Kelima yi baa biidi yi Tienu yeli. N tie Li Miali Diedo.

Levi 20:3

Mini mo baa *buli n nunga laa nilo po ki paadi ki ñani o o buolu nni kelima o den padi o biga Moloko po. O*joagini n *kaangagidiŋamu ki biidi n yeli yaali n gagidi.

Levi 21:17

«Maadi leni Alono ki yedi o: A puoliŋuani kuli siiga yaa ja n pia poadi o gbanandi nni kuli, o kan nagini ki padi yaa pada n tie o Tienu jiema yeni, baa yaa yogu n tuu yaa yogu.

Levi 21:21

O kopadiciamo Alono puoliŋuani kuli yaa siiga, yua n pia poadi o gbanandi nni, kan fidi ki padi yaa pada n buoni mi fantama nni Li Miali Diedo po. O pia poadi o gbanandi nni, lani yaa po o kan nagini ki teni o Tienu o jiema.

Levi 21:23

Ama o kan nagini bu *kpalidoaginkaabu, o kan nagini li *padibinbinli kelima o pia poadi o gbanandi nni. O kan nagini ki joagini n kaangagidiŋamu. N tie Li Miali Diedo Yua n Gagidi ki ŋanbidi yi.»

Levi 21:8

A baa nua o kopadiciamo ke o tie nigagidiŋamo kelima o padi yaa pada n tie a Tienu yaa jiema. O baa tie apo o*nigagidiŋamo kelima n gagidi ki ŋani, mini Li Miali Diedo Yua n Gagidi ki ŋanbidi yi yeni.

Levi 3:11

O kopadiciamo baa sia lani li padibinbinli po. Li tie mi fantama n buoni yaa padijiema Li Miali Diedo po.

Mi Coadima 16:5

O den maadi leni Kole leni o cagili yaaba kuli ki yedi: «Saala tiŋaagu, Li Miali Diedo baa doagidi ki waani yua n tie o yua, leni yua n gagidi ki ŋani, lani o baa teni wan nagini o. Wan baa gandi yua kuli, o den baa cedi wani yo n nagini o kani.

Mi Coadima 28:2

«Teni Isalele yaaba li naa ñoabonli ki yedi ba: Yin faami ki yaa kpendinni lan bili yaa yogunu n pada leni n pada ya n juugi mi fantama nni ki pia npo u nuulimanu.

1 Pieri 2:9

Ama yinba wani, yi tie ban den gandi yaa nibuolu, o Bado yaa kopadicianba, yaa nibuolu n gagidi ki ŋani, wan baa yaa nibuolu o yuceli po. O yini yi ke yin ña li *biigili nni ki kua o yenma yaama n ŋani cain nni, ke yin yaa wangi o tuona yaa n ŋani boncianla.