Levi 20:27 - Gourmanchéma Bible

²⁷ Ja yaaka pua yua n baa fidi ki maadi leni bi tinkpiba, bi ki bu ku baagu, bi baa kpa ba. Bi baa lugidi ba a tana ki kpa ba. Laa niba yaa soama baa goa ki jagini bi yula po.»

U TIENU MAAMA TILI 2013

²⁷ Joa, yaa ka pua, yua n baa fidi ki maadi leni bi tinkpiba, bi ki bu ku baagu, bi baa kpa o. Bi baa lugidi o a tana ki kpa o. Laa niba soama baa guani ki jagini bi yula po.»

Levi 20:27 ပူးပေါင်းရင်းမြစ်များ

2 Bi Badiba Jama 33:6

O den taa baa o bijaba ki padi ba li padili po, ki buoni ba mi fantama nni, Beni-Hinomi Joaloangu nni. O den bu ku baagu ki go tiendi ti buligbandi leni u ñoagu. O den baa yaa ñoagidanba n maadi leni bi tinkpiba, leni a lingida. O go den suagi liiga ki tiendi yaala n bia Li Miali Diedo po, ki biendi o pali.

Mi Ñama 22:18

Yua n taani leni yanga kuli yin kpa o.

Levi 19:31

Yin da lingi mi lingima, yin da ŋoadi ma mani kelima laa bonla baa joagini yi. N tie Li Miali Diedo yi Tienu.

Levi 20:2

«Ŋan waani Isalele yaaba yaa maama n tie na: Isalele buolu siiga yua, bi caano yua n kaa yi siiga yaa padi o biga*Moloko po, bi baa kpa li daano. Mi diema niba kuli baa taani ki lugidi o a tana ki kpa o.

Levi 20:6

O nilo yaa gedi yaa niba n maadi leni bi tinkpiba kani, bi a baayuadiida kani ki cagini o yuli leni ba, n baa buli n nunga laa nilo po ki paadi ki ñani o o buolu nni.

Levi 24:14

«Teni ban ñani yaa nilo n soli mini yaa yeli yeni li nagili niinpo. Yaa niba n den gbadi o maama kuli baa maani bi nii o yuli po. Lani li nitaanli kuli baa lugidi o a tana ki kpa o.

Mi Coadima 15:35

Li Miali Diedo den yedi Musa: «Yi baa kpa laa nilo. Li nitaanli kuli baa ñani o li nagili nni ki lugidi o a tana.»

Jesu Tondiba Tuona 16:16

Dayenli ke ti go den caa i jaandi kaanu yeni, o potuado den tuogi ti ke yaa cicibiadiga n teni ke o bu ku baagu den ye o niinni ki teni ke o canbaanba baadi i ligi boncianla kelima o den bu ku baagu bi niba po.

Mi Tiadima 21:21

O dogu nikpela kuli baa lugidi o a tana wan kpe. Yi baa tieni yeni ki ñani li bonbiadila yi siiga ke Isalele yaaba n gbadi ki yaa ye leni li fangili.

1 Samueli 28:3

Li den sua ke Samueli kpe ke Isalele yaaba buudi opo ki piini o Lama dogu nni. Li go den sua ke Sayula ñani yaa ñoagidanba n maadi leni bi tinkpiba leni bi baabuuba kuli mi diema nni.