Levi 19:31 - Gourmanchéma Bible

³¹ Yin da lingi mi lingima, yin da ŋoadi ma mani kelima laa bonla baa joagini yi. N tie Li Miali Diedo yi Tienu.

U TIENU MAAMA TILI 2013

³¹ Yin da lingi mi lingima, yin da ŋoadi ma, kelima laa bonla baa joagini yi. N tie Li Miali Diedo yi Tienu.

Levi 19:31 ပူးပေါင်းရင်းမြစ်များ

2 Bi Badiba 17:17

Bi den juugi bi bonjala leni bi bonpola a pada po, ki kuani bi yama mi lingima leni li babuuli nni, ki puni bi yula ki tiendi yaala n bia Li Miali Diedo po ki fiini o pali.

2 Bi Badiba 21:6

O den taa o bijua ki padi li padili ki buoni o mi fantama nni. O den bu ku baagu ki go tiedi ti buligbandi. O den baa yaa ñoagidanba n maadi leni bi tinkpiba leni a lingida ki kaani. O go den suagi liiga ki tiendi yaala n bia Li Miali Diedo po, ki biendi o pali.

2 Bi Badiba 23:24

Josiasi den bolini mi diema nni yaa ñoagidanba n den maadi leni bi tinkpiba leni a lingida. O den bolini yaa buli n ye ti diedi nni leni ban den caani yaa dafoagiditi i buli po leni yaa cancaginbonla n den ye Juda diema leni Jelusalema dogu nni kuli. O den tieni lankuli ki bua ki ŋoadi li *balimaama n yedi yaala, yaama n diani bi kopadicianba bado Hilikiya n den laa yaa tili Li Miali Diedo diegu nni yeni yaa niinni.

1 Bi Badiba Jama 10:13

Sayula den kpe kelima o tudima po. Waa den kubi Li Miali Diedo maama, ama o den ban buni yaa ñoagidanba n maadi leni bi tinkpiba.

2 Bi Badiba Jama 33:6

O den taa baa o bijaba ki padi ba li padili po, ki buoni ba mi fantama nni, Beni-Hinomi Joaloangu nni. O den bu ku baagu ki go tiendi ti buligbandi leni u ñoagu. O den baa yaa ñoagidanba n maadi leni bi tinkpiba, leni a lingida. O go den suagi liiga ki tiendi yaala n bia Li Miali Diedo po, ki biendi o pali.

Mi Ñama 22:18

Yua n taani leni yanga kuli yin kpa o.

Esayi 29:4

A baa le i fe, a maama baa yaa ña ki tinga nne. A maama baa jiidi ki cie mi wagima. A nialu baa ña ki tinga nni nani ku jiingu yeni. A baa yaa ye mi wagima nne ki maadi ki soabidi.

Esayi 47:13

Yi coagini yi yula leni mi lingima. Yaaba n yaadi ki nua tanpoli Ki diidi u yienu leni i ŋmaali Ki diidi ŋmapaano kuli Ki wangi yaala n baa cua kuli, coagini bi yula.

Esayi 8:19

Bi yaa yedi yi: «Gedi mani ki ban bu ku baagu yaaba n maadi leni bi tinkpiba leni yaaba n soabidi ki bunbidi, ki go wangi yaala n faadi ki ye. Naani u nibuolu kan yaa bu U Tienu ka? Naani bi baa miadi bi tinkpiba n yaa todi yaaba n foo?»

Levi 19:26

Yin da ŋmani liba kuli leni mi soama. Yin da lingi lingima, ki da bu ku baagu mo.

Levi 19:3

Yua kuli n fangi o naa leni o baa, ki kubi n fuodima dana ki gagidi ŋa. N tie Li Miali Diedo yi Tienu.

Levi 20:27

Ja yaaka pua yua n baa fidi ki maadi leni bi tinkpiba, bi ki bu ku baagu, bi baa kpa ba. Bi baa lugidi ba a tana ki kpa ba. Laa niba yaa soama baa goa ki jagini bi yula po.»

Jesu Tondiba Tuona 8:11

Bi den cengi o maama kelima wan den tiendi yaa buligbandi den paki ba hali ke li waagi.

Galati 5:20

i *buli ŋoadima leni u ñoagubiadu lingima, ti yibalindi leni li koanli leni li nunponli, li pabienli leni yaa yantiali n tie ki niagi leni o lielo, leni mi paadima,

Mi Doagidima 21:8

Ama bi jawaandanba, leni yaaba n ki daani leni ti cagindi danba, leni bi nikpaba, leni mi conconma buoli kuli danba, leni u ñoagubiadu danba, leni i *buli danba, leni yaaba n pua mi faama kuli, bikuli yekaanu baa tie mi fantama leni li cidibili n co yaa kpenu nni. Lani n tie mi kuliedima.»

1 Samueli 28:3

Li den sua ke Samueli kpe ke Isalele yaaba buudi opo ki piini o Lama dogu nni. Li go den sua ke Sayula ñani yaa ñoagidanba n maadi leni bi tinkpiba leni bi baabuuba kuli mi diema nni.