Levi 19:3 - Gourmanchéma Bible

³ Yua kuli n fangi o naa leni o baa, ki kubi n fuodima dana ki gagidi ŋa. N tie Li Miali Diedo yi Tienu.

U TIENU MAAMA TILI 2013

³ Yuakuli n fangi o naa leni o baa, ki kubi n fuodima dana ki gagidi a. N tie Li Miali Diedo yi Tienu.

Levi 19:3 ပူးပေါင်းရင်းမြစ်များ

Mi cilima 48:12

Josefi den teni ke o bijaba fuadi o baa duna kani ke wani oba den labini tiipo o nintuali.

Nehemi 9:14

A den teni ke bi bandi a fuodima dagagidikaali Ki teni ke a naacemo Musa waani ba mi mabilikaama Leni i tundi leni li bali maama.

Mi Ñama 16:29

Tiadi mani ke Li Miali Diedo puni U Tienu fuodima daali, li tie lani yaa po yo ke o puni yi dana lie yaa jiema li daluobili daali. Yua kuli n yaa ka o kaanu, oba n da fii wan ye yaa kaanu li daleleeli daali.»

Mi Ñama 20:12

Yin jigini yi baanba leni yi naanba ke yi dana n foagidi Li Miali Diedo yi Tienu n puni yi yaa diema yaa niinni.

Mi Ñama 20:8

Yin yaa tiadi mi *fuodima daali ki gagidi li.

Mi Ñama 21:15

Yaa nilo n pua o baa bi o naa, yin kpa o.

Mi Ñama 21:17

Yua n soli o baa yaaka o naa li pundi ban kpa o.

Mi Kpanjama 1:8

N bijua, cengi a baa tundi, da yie a naa n bangi a yaala mo.

Mi Kpanjama 23:22

Cengi a baa yua n mali a yaa maama, Ŋan da fali a naa mo wan podi yaa yogunu.

Mi Kpanjama 30:11

Bi nitianba ye ki yen soli bi baa, Bi kan go jigini bi naa mo.

Mi Kpanjama 30:17

Yua n ñuadi o baa, ki yie ki kan cengi binaa maama, U kpenu nni kankala baa fiadi o nuni Jiebani bila mo baa je o.

Esayi 58:13

Yi yaa kubi yi taali mi *fuodima daali, Ki naa bua ki tieni yaala n mani yi yaa po n dagagidikaali daali, Yi yaa nua ke n fuodima daali tie yaa bonla n mani hali bonŋanla, Ke Li Miali Diedo daali tie yaa daali n pia ti kpiagidi, Yi yaa kpiagi li, Ki naa ŋua yi yaa sani, Ki naa puni yi yula yaala n mani yinba yaa po ka, Bi ki naa puuni yi yula mayuodi po,

Esekieli 20:12

N den puni ba n fuodima dana ke lan tua siedi mini leni bani yaa siiga, ke ban bandi ke n tie Li Miali Diedo Yua n Gagidi ki ŋanbidi ba.

Levi 11:44

Kelima n tie Li Miali Diedo yi Tienu, yi baa gagidi ki ŋanbidi yi yula, ke yin yaa ŋani cain, kelima n gagidi ki ŋani cain. Yin da joagini yiba leni laa bonfuoda yaaba n balini tiipo yeni.

Levi 19:25

Lanwani li binmuuli yi baa ŋmani i tiidi yeni bonluonkaala, ki yaa cenli yi yi yula po. N tie Li Miali Diedo yi Tienu.

Levi 19:30

Yin yaa kubi mani n fuodima dana, ki yaa fangi n *kaangagidiŋamu. N tie Li Miali Diedo.

Levi 19:31

Yin da lingi mi lingima, yin da ŋoadi ma mani kelima laa bonla baa joagini yi. N tie Li Miali Diedo yi Tienu.

Levi 19:34

Yin yaa nua yaa caano n kaa yi siiga nani u dogu maabiga yua n ye yi siiga yeni. Yin bua o nani yin bua yi yula maama kelima yi moko den tie canbe Ejipiti diema nni. N tie Li Miali Diedo yi Tienu.

Levi 23:3

Nilo kuli baa tuuni o tuonli dana luoba, ama li daleleeli daali yi kan tieni pu kuli laa daali, kelima li tie mi *fuodima daali. Li baa pia taangagidikaali. Yi kan soani tuonliba kuli. Li tie Li Miali Diedo fuodima daali yin kaa naankani kuli po.

Levi 26:2

Yin yaa kubi mani n fuodima dana, ki go yaa fangi mani n*kaangagidiŋamu. N tie Li Miali Diedo.

Malaki 1:6

Li Miali Diedo, U Paaciamu Kuli Daano yedi: «Ki biga jigindi o baa, o naacemo mo kpiagidi o canbaa. N yaa tie yi Baa, Min pundi ki baa yaa jigidi ye le? N yaa tie yi Canbaa, Min pundi ki baa yaa kpiagidi ye le? Yinba bi kopadicianba n fali n yeli Ki nan tua: ‹Ti fali a lede?›

Mi Tiadima 27:16

‹Ti solindi n baa yua n fali o naa leni o baa!› Lani bi niba kuli baa taani ki ga: ‹Amina!›

Mi Tiadima 5:16

Yin jigini yi baanba leni yi naanba nani Li Miali Diedo yi Tienu n bili yipo maama. Lani n tie yi miali dana n foagidi, yin go yaa ye leni li pamanli Li Miali Diedo yi Tienu n puni yi yaa tinga nni.

Hebilunba 12:9

Ti baanba yaaba n tie nisaaliba den tundi ti tundifala ke ti fangi ba. Lanwani li pundi tin miini ti yula ti Baa yua n ye tanpoli kani, ke tin yaa pia li miali.