Levi 18:21 - Gourmanchéma Bible

²¹ Ŋan da teni a bila siiga baa yendo ban lu o mi fantama nni ki padi o, o bulo *Moloko po. Ŋan da jugi ki biidi a Tienu yeli. N tie Li Miali Diedo.

U TIENU MAAMA TILI 2013

²¹ Ŋan da pa a bila siiga ba yendo, ban lu o u mu nni ki padi o, o bulo Moleki po. Ŋan da cagini a Tienu yeli. N tie Li Miali Diedo.

Levi 18:21 ပူးပေါင်းရင်းမြစ်များ

1 Bi Badiba 11:33

N baa tieni la kelima Isalele yaaba ŋa nni ki pugi Sidoni yaaba bulo Asitate leni Moabi yaaba bulo Kemosi leni Amoni yaaba yaa bulo Milikomi. Baa cuoni n sani nni ki tieni yaala n tiegi npo, baa kubi n balimaama leni n mabilikaama nani Salomono baa Dafidi n den tieni maama.

1 Bi Badiba 11:7

Lanwani Salomono den maa yaa juali n se ki tiegi Jelusalema yuli po li *padibinbinli Moabi yaaba cancaginbulo Kemosi po, leni Amoni yaaba yaa cancaginbulo*Moloko po.

2 Bi Badiba 16:3

O den ŋoadi Isalele batieba fuuli ki sia baa o bijua mi fantama nni, ki togidi Li Miali Diedo n den deli Isalele yaaba po yaa nilanbuoli yeni cagindi.

2 Bi Badiba 17:31

Afa yaaba mo den tieni bi yaa buli ke bi yi ba Nibikasi leni Taditaki. Sefadifayima yaaba mo den juugi bi bila ki padi bi buli Adilameleki leni Anameleki po, ki bua ki kpiagi ba.

2 Bi Badiba 21:6

O den taa o bijua ki padi li padili ki buoni o mi fantama nni. O den bu ku baagu ki go tiedi ti buligbandi. O den baa yaa ñoagidanba n maadi leni bi tinkpiba leni a lingida ki kaani. O go den suagi liiga ki tiendi yaala n bia Li Miali Diedo po, ki biendi o pali.

2 Bi Badiba 23:10

O bado Josiasi den biidi o bulo *Moloko yaa kaanu, yu n den ye Hinomi bijaba joaloangu nni ki yi Tofeti. O den tieni yeni ke niloba n da go taa o bijua bi o bisalo ki sia mi fantama nni o bulo Moloko po.

2 Bi Badiba Jama 28:3

O den juu tulale Beni-Hinomi bijaba joaloangu nni. O den juu o bijaba mi fantama nni, ki ŋoadi nani i nilanbuoli cagindi, Li Miali Diedo n den deli yaaba Isalele yaaba nintuali.

Jeremi 19:5

Bi maa i buli pada kaani ke yi kpedi Ki taa bi bijaba ki padi a padijuukaana o bulo *Baali po. N naa den puni ba laa sanu, Mii den maadi ba laa maama, Mii den baa li yanjagili mo.

Jeremi 32:35

Bi maa bi *buli padikaani Baali po Beni-Hinomi joaloangu nni Ki baa padi bi bijaba leni bi bisiaba o bulo *Moloko po. Mii den puogi ba ban tieni laa bonla. Mii den baa li yantiali ki baa tieni laa cagindi bole Ki teni Juda n tieni ti *tuonbiadi.»

Jeremi 7:31

Bi ŋanbi a pada kaani Beni-Hinomi joaloangu nni, Ki baa yaa siagi bi bijaba leni bi bisiaba, Min kaa den puni yi yaa sanu. Min kaa den baa yaa yanjagili.› »

Esekieli 20:26

N den teni ke bi joagini biba leni ban tieni yaa pada, ki padi bi bonjakpiamu yeni po. N den kuani ba laa fala nni ke ban bandi ke n tie Li Miali Diedo.›

Esekieli 20:31

Moala yi go joagini yi yula leni yin den caani yaa paabu leni yin padi yi bila yaaba ki poandi mi fantama nni. Lanwani yinba Isalele yaaba, yi tama yene ke n baa cedi yin cua ki bu nni? Lan ki ye. Mini Li Miali Diedo yua n fo n yedi ke n kan tuo yin cua ki bu nni.›

Esekieli 23:37

Kelima bi puni bi yula mi conconma po. Bi nii mo pia mi soama. Bi den conbi kelima bi den kpiagi i buli. Bi go den pugini bi conconma yeni po Ki taa ban den mali npo yaa bijaba yeni Ki padi ba mi fantama nni nani ban den jagi maama, Ke ban bodi.

Levi 19:12

Yin da pua faama ki poli n yeli nni. Kelima yi baa biidi yi Tienu yeli. N tie Li Miali Diedo.

Levi 21:6

Bi baa kubi bi yula ki gagidi ki yaa ŋani bi Tienu po. Bi kan fali bi Tienu yeli, kelima bi padi Li Miali Diedo po a padijuukaana, yaala n tie bi Tienu yaa jiema yeni. Bi baa yaa gagidi ki ŋanbidi bi yula.

Levi 22:2

«Maadi Alono leni o bijaba ki waani ba ban fangi bi yula ki paadi Isalele yaaba n cuani ki gagidi npo yaa padijiedi. Lani n tie bani Alono leni o bijaba yeni n da fali ki biidi n yeli yaali n gagidi. N tie Li Miali Diedo.

Levi 22:32

Yin da fali ki joagini n yeli yaali n gagidi. Li pundi ke Isalele yaaba kuli n faami ki fangi n gagidiŋanma. N tie Li Miali Diedo Yua n Gagidi ki ŋanbidi yi.

Levi 24:15

Ŋan go yedi Isalele yaaba kuli mine: Yaa nilo n soli o Tienu kuli baa tugi o *tuonbiadi panpaani.

Amosi 2:7

Bi do ki ŋmaadi taliginba yula po, U bujiakaanu nni bi yen mundi taliginba i moamoani. Ki biga leni o baa kuli dua leni jafanyendo Ki bua ki biidi n yeli yaala n gagidi ki ŋani.

Amosi 5:26

Lanwani, yin tugi mani yi *buli, Yii n yi Sikuti leni Kiyuni, Yin tagi yi yi yula po yeni.

Mise 6:7

Naani Li Miali Diedo pali baa mangi N yaa cuani opo i pe tudatuda bam? Naani Li Miali Diedo bua yaa kpama n baa gbieni I kpenciami tudatuda bam yo? Naani n baa taa n bonjakpiaga ki padi ga li padili Ki mia sugili n yiema leni n yanmaalibiadima po bi?

Malaki 1:12

Ama, yinba, Isalele yaaba n fali nni, Ki tua ke o Diedo padibinbinli joagini, Ki go tua ke yin padi likani yaa pada ki pia mayuli.

Jesu Tondiba Tuona 7:43

Yi den tugi o bulo Moloko gbandieli Ki go tugi o bulo Lefana yaa ŋmabiga, Yin den tagi yaa buli nannana ki baa kpiagidi ŋa. Lani yaa po n baa teni ban gedini yi ti yonbidi hali Babilona diema liiga.›

LOMA YAABA 1:23

Bi lebidi U Tienu yua n kan kpe yaa kpiagidi, ki kpiagidi a nannana, ya n naani leni o nisaalo yua n baa kpe, leni ti bonyugiditi, leni ti yandi, leni li bonbalinkaala.

LOMA YAABA 2:24

Nani lan diani maama: «Yinba yaa po n teni ke bi nilanba sugidi U Tienu yeli.»

Mi Tiadima 12:31

Yin da tieni yeni Li Miali Diedo yi Tienu po, kelima bi den tiendi bi buli po a tuongunda buoli kuli leni ti cagindi yaala n ki den mani Li Miali Diedo po. Bi den ban juugi baa bi bijaba leni bi bisiaba mi fantama nni bi buli kpiagidi po.

Mi Tiadima 18:10

Ban da le yi kani niloba yua n poandi o bijua bi o bisalo mi fantama nni, niloba yua n puni o yuli mi lingima po, yua n kubi u baayuadiidu, bi yua n pua mi tama, bi yua n kubi ti buligbandi,