Levi 17:15 - Gourmanchéma Bible

¹⁵ Lan tie yaa nilo kuli, u dogu maabila bi, bi canba siiga, yua n ŋmani yankpienga bi moayanga n toatoadi yaa yanga baa ŋuudi o tiadi ki wali ki yaa ye leni o joagindi hali ku yenjuogu. Lanwani o baa ŋanbi.

U TIENU MAAMA TILI 2013

¹⁵ Lan tie yaa nilo kuli, u dogu maabiga bi caano, yua n ŋmani yankpienga, bi moayanga n toadi toadi yaa yanga, baa ŋuudi o tiadi ki wali ki yaa ye leni o joagindi hali ku yenjuagu. Li yaa puoli, o baa ŋanbi.

Levi 17:15 ပူးပေါင်းရင်းမြစ်များ

Mi Ñama 22:30

Yi baa yaa tie npo yaa niba n gagidi ki ŋani. Yin da ŋmani mani ki moayanga n ku yaa yanga. Yin taa laa nandi ki pa i sangbanli.

Esekieli 4:14

N den yedi: «O Diedo Li Miali Diedo, n daa dini kuli yaala n joagini. Hali n biwaama ki taa ki pundi hali dinla, mii ŋmani yankpienga, mii ŋmani bonfuodo n ku yaa yanga, yaa nangu n joagini mo kuli daa kua n yaa ñoabu nni.»

Esekieli 44:31

Bi kopadicianba kan ŋmani yankpienga bi fuayanga n toadi toadi yaa yanga bi yaa nuano.

Levi 11:24

Ti yantiandi siima baa fidi ki joagini yi: yaa nilo n sii li bonkpienla, o baa ye leni o joagindi hali ku yenjuogu.

Levi 11:25

Yua n tugi li bonkpiema, o baa ŋuudi o tiadi kuli ki yaa ye leni o joagindi hali ku yenjuogu.

Levi 11:27

Yaa yandi n cuoni taana naa ki tie taacibidi kuli, yi baa nua ti ke ti joagini. Yua n sii laa yankpiendi kuli baa ye leni o joagindi hali ku yenjuogu.

Levi 11:28

Yua mo n tugi laa yankpienga baa ŋuudi o tiadi ki yaa ye leni o joagindi hali ku yenjuogu. Yi baa nua laa yandi kuli ke ti tie yipo ti joagindi.

Levi 11:31

Yi baa nua laa bonla kuli ke li tie yipo ti joagindi. Laa bonfuoda buoli kuli yaa siiga, yua n sii li bonkpienla kuli baa ye leni o joagindi hali ku yenjuogu.

Levi 11:32

Laa bonfuoda bonkpiema yaa baa yaali yaa po kuli, laa bonla moko baa joagini, li yaa tie yaa tiagu n tie ti daadi, tiayiekaagu, gbangu, kpalipiagu, baa ŋan kubi yaa tiagu a tuonli po, a baa nua ke ku joagini. A baa baa mi ñima ki ŋuudi gu. Ku baa ye leni ku joagindi hali ku yenjuogu. Li yaa pendi ku baa ŋanbi.

Levi 11:39

Li yaa tie ke yin ŋmani yaa yanbuoli yaa niinni yaa yanga yaa kpe, yua n sii ki yankpienga yeni baa ye leni o joagindi hali ku yenjuogu.

Levi 11:40

Yaa nilo n ŋmani laa yankpienga baa ŋuudi o tiadi ki yaa ye leni o joagindi hali ku yenjuogu. Yua mo n taa ki ñani ki yankpienga yeni baa ŋuudi o tiadi ki yaa ye leni o joagindi hali ku yenjuogu.

Levi 15:10

Yua n sii o nilo yeni n kali yaala po baa ye leni o joagindi hali ku yenjuogu. Yua n taa o nilo yeni n kali yaali yaa po baa ŋuudi o tiadi ki go wali ki yaa ye leni o joagindi hali ku yenjuogu.

Levi 15:21

Yua n sii u duanu yeni baa ŋuudi o tiadi, ki wali ki yaa ye leni o joangidi hali ku yenjuogu.

Levi 15:5

Yaa nilo n sii o nilo yeni duanu, baa ŋuudi o tiadi ki go wali ki yaa ye leni o joagindi hali ku yenjuogu.

Levi 22:8

O kan ŋmani yankpienga bi moayanga n toatoadi yaa yanga. Lan tie wan da ti joagini oba leni ki yanga yeni. N tie Li Miali Diedo.

Levi 7:24

Yanga yaa kpe, yaaka fuayanga yaa cuo ga, yi baa fidi ki taa o kpama ki tieni yin bua ki tieni yaala kuli, ama yi kan je ma.

Mi Coadima 19:19

Li dataali daali leni li daleleeli daali yua n ki joagini baa miimii mi ñima yeni yua n joagini po. Li daleleeli o yaa mii opo, o baa ñani opo o joagindi. Yua n bi joagini yeni baa ŋuudi o tiayiekaadi, ki go wali. Lani, ku yenjuogu o baa ŋanbi.

Mi Coadima 19:21

Li baa yaa tie bipo mabilikaama yaa yogunu n tu yaa yogu po. Yua n taa yaa ñima n ñandi ti joagindi ki mii yeni, baa ŋuudi o tiayiekaadi. Yua n sii yaa ñima n ñandi ti joagindi yeni mo baa yaa joagini hali ku yenjuogu.

Mi Coadima 19:8

Yua n bi juu o naañua yeni moko baa ŋuudi o tiayiekaadi ki go wali. O baa yaa joagini hali ku yenjuogu.

Mi Tiadima 14:21

Yi kan ŋmani yankpienga kuli. Yi baa teni ga yaa nilamo n kaa yi siiga wan ŋmani, bi ki kuadi ga o caano po. Kelima yi tie yaa nibuolu n gagidi ki ŋani Li Miali Diedo yi Tienu po. Yi kan ŋaani ŋuabiga ki naa biima nni.

Mi Doagidima 7:14

N den goa ki yedi o: «Canbaa, a bani.» O den yedi nni: «Bi tie yaaba n ñani o falaciamo nni, bi ŋuudi bi liadiciama ki Pebiga yaa soama nni ki pendi ŋa.