Levi 17:11 - Gourmanchéma Bible

¹¹ Kelima gbanandi kuli yaa miali ye mi soama nne. N puni yi ma ke man yaa ye li padibinbinli po, ke man pa yi sugili ki faabi yi miana. Kelima li tie li miali po yo ke mi soama puni ti *tuonbiadi sugili.

U TIENU MAAMA TILI 2013

¹¹ kelima gbanandi kuli miali ye mi soama nne. N puni yi ma, ke man yaa ye li padibinbinli po, ke man pa yi sugili ki faabi yi miana, kelima li tie li miali po yo, ke mi soama puuni ti tuonbiadi sugili.

Levi 17:11 ပူးပေါင်းရင်းမြစ်များ

Mi cilima 9:4

Ama yin da ŋmani yanga leni ki miali, lan tie ki soama.

Levi 1:5

O baa kodi ki yanga yeni u *kaangagidiŋanmoanu nintuali. Alono bijaba, bi kopadicianba mo baa cuani mi soama ki miimii li *padibinbinli yaali n ye u Kadikaanu gbandieli yeni nintuali kaani kuli.

Levi 16:11

Alono baa padi o naatonli ti tuonbiadi sugili po, leni o diegu nni yaaba kuli po. O baa kodi o naatonli ti tuonbiadi sugili po.

Levi 17:12

Li tie lani yaa po ke n yedi Isalele yaaba: Yi siiga niloba kuli n da ŋmani soama. Yaa caano n kaa yi siiga n da ŋmani soama.

Levi 17:14

Kelima gbanandi kuli yaa miali n tie ti soama yaama n ye ti niinni. Li tie lani yaa po ke n yedi yinba Isalele yaaba yin da ŋmani gbananbuoluba kuli yaa soama, kelima gbanandi kuli yaa miali n tie ti soama. Yua n ŋmani ma kuli, bi baa paadi ki ñani o o buolu nni.

Levi 4:25

O kopadiciamo baa tu o nubili ki padiyanga yeni soama nni ki tieni ma a padijuukaana binbinli yina po. Li yaa puoli o baa wuli yaa soama n sieni li padibinbinli yeni tiipo.

Levi 4:26

O baa sia mi kpama kuli li padibinbinli po nani ban tiendi maama mi taanyenma pada po. O baa padi o yudaano yeni po ki mia opo sugili yene. O baa baa sugili mo.

Levi 8:15

Musa den kodi ki ga mi soama ki tu ma leni o nubili ki tieni li padibinbinli ñoakunnaadi yi n yugidi po leni li lindima kuli, ki ŋanbi li padibinbinli yeni ke li ŋani cain. O den wuli mi soama li padibinbinli tiipo, ki gagidi li ti *tuonbiadi sugili miabu tuonli po.

Matie 20:28

Lani n tie o Ja Bijua n cua ki tiendi maama. Laa tie nitoaba n yaa tuuni opo ka, ama ke wan yaa tuuni nitoaba po, ki go pa o miali ki kpe, ki da ki faabi bi niba boncianla.»

Matie 26:28

kelima line n tie n soama, o *ŋantaadipaano yaa soama yaama n baa wuli yaa niba n yaba po ke ban baa bi *tuonbiadi sugili.

Marki 14:24

O den yedi ba: «Yaa bonñokaala n tie na tie n soama, yaama n teni ke U Tienu *ŋantaado kua, yaama n baa wuli bi niba boncianla po.

LOMA YAABA 3:25

U Tienu den tuodi ki bili ke wani Jesu baa tua i candanbaani padili yaaba n pia li dandanli o soama po kuli yaa po. U Tienu tieni yeni ke wan fidi ki doagidi o teginma, kelima o den juuni leni bi niba n den tieni yaa tuonbiadi u yogunkpelu kaa cuo ba tipo.

LOMA YAABA 5:9

Tin baa li moamoansaali kelima Kilisiti soama po yeni, laa pia kuli tama ke ti baa faabi leni U Tienu pabienli kelima wani Kilisiti yaa po.

Efesa 1:7

Ti baa mi *daafaabima o niinni kelima o soama po, leni ti*tuonbiadi sugili nani o ŋanbili n yaba maama po.

Mi Tiadima 12:23

Yin fangi mani yi yula hali bonŋanla ki da ti ŋmani soama, kelima mi soama n tie li miali. Lanwani yi kan ŋmani li miali leni ti gbanandi.

Kolosi 1:14

O yaa niinne ke ti pia mi *daafaabima leni ti ti *tuonbiadi sugili.

Kolosi 1:20

O yanbuama po goga, o teni ke li bonla kuli, yaala n ye ŋanduna nni leni yaala n ye tanpoli po kuli, n mangi leni o kelima Kilisiti yaa po. O ñani ti yibalindi ki teni ke i mani ye kelima o soama li *dapoanpoanli po yaa po.

Hebilunba 13:12

Li tie lani yaa po ke Jesu moko den laa fala ki kpe u dogu niinpo, ki baa gagidi ki ŋanbi bi niba leni o soaceli.

Hebilunba 9:22

Li balimaama nni li bua ki yaa tie ke li bonla kuli n yen ŋanbidi leni mi soama. Mi soama yaa wuli, tuonbiadi sugili ki ye.

1 Pieri 1:2

U Tienu yua n tie Baa den gandi yi nani wan den tuodi ki bani ki jagi maama, ki teni ke o Fuoma gagidi yi ke yin yaa tuodi ki tiendi Jesu Kilisiti n yedi yaala, ke o soama mo n mii ki ŋanbi yi. Li *ŋanbili leni mi yanduanma n yaa pugidi yipo boncianla.

1 Jan 1:7

Ama ti yaa ye mi yenma nni nani U Tienu wani oba n ye mi yenma nni maama, Ti pia yanyenma leni tiyaba, O Bijua Jesu yaa soama mo baa ŋuudi ti pala Ki ñandi tipo ti *tuonbiadi kuli cain.

1 Jan 2:2

Wani n tie i candanbaani padili ti tuonbiadi po. Laa tie ti yaa tuonbiadi bebe po ka, ama ŋanduna yaaba kuli yaa tuonbiadi po.

Mi Doagidima 1:5

leni Jesu Kilisiti yua n tie o siedi-dugika leni o nikpialo yua n kpa fii bi tinkpiba siiga, leni ŋanduna badiba kuli bado, n pa yi li *ŋanbili leni mi yanduanma! Wani yua n bua ti ki den faabi ti leni ti *tuonbiadi kelima o soama yaa po,