Levi 16:16 - Gourmanchéma Bible

¹⁶ O baa tieni ki mia sugili u kaangagidiŋamu po kelima Isalele yaaba joagindi, bi biadima leni bi tuonbiadi kuli yaa po. O baa tieni yeni leni u Kadikaanu gbandieli, yaali n ye leni ba, bi joagindi yaa siiga.

U TIENU MAAMA TILI 2013

¹⁶ O baa tieni yeni ki mia sugili u kaangagidiŋamu po, kelima Isidayeli yaaba joagindi, bi biadima leni bi tuonbiadi kuli po. O baa tieni yeni leni u Kadikaanu Gbandieli, yaali n ye leni ba, bi joagindi nni.

Levi 16:16 ပူးပေါင်းရင်းမြစ်များ

Mi Ñama 30:10

Li binli nni yenma, Alono baa padi ti *tuonbiadi sugili padili ki wuli ki padiyanga soama li padibinbinli yina po. Binli kuli laa padili baa tieni nifiima n tu nifiima. Li padibinbinli baa yaa tie Li Miali Diedo nintuali yaa bonla n gagidi ki ŋani hali bonŋanla.»

Levi 16:17

Alono yaa kua u kaangagidiŋamu nni ki baa mia sugili yaa yogunu, oba kuli kan yaa ye u Kadikaanu gbandieli nni, hali wan baa ña. O baa padi ki mia sugili wani oba leni o diegu yaaba kuli po leni Isalele yaa nitaanli kuli po.

Levi 16:18

O baa ña yaa padibinbinli n se Li Miali Diedo nintuali yeni kani, ki mia sugili li padibinbinli po. O go baa taa li naatonli yeni soama leni li ŋuabuali yeni yaa soama ki tieni ma li padibinbinli yina po leni li lindima kuli.

Levi 23:27

«Cilele yaa danpiiga daali baa tie ti tuonbiadi sugili dacianli yaa jaanma. Yi baa yini bi niba ki tieni taangagidikaali. Yi baa loli yi ñoana ki biidi yi pala ki padi Li Miali Diedo po a padijuukaana.

Levi 8:15

Musa den kodi ki ga mi soama ki tu ma leni o nubili ki tieni li padibinbinli ñoakunnaadi yi n yugidi po leni li lindima kuli, ki ŋanbi li padibinbinli yeni ke li ŋani cain. O den wuli mi soama li padibinbinli tiipo, ki gagidi li ti *tuonbiadi sugili miabu tuonli po.

Mi Coadima 17:11

Musa den yedi Alono: «Taa ku fantantiagu ki ñani li padibinbinli po mi fantama ki tieni lienni. Ŋan tieni lienni tulale ki sani ki gedi tonma li nitaanli po ki ban mia bipo ti tuonbiadi sugili kelima Li Miali Diedo pali fii hali ke u yianbolinko cili ku niligu nni yo.»

Mi Coadima 28:15

Yi go yen baa cuani ŋuabuali ki padi ti *tuonbiadi sugili padili Li Miali Diedo po ki pugini daali kuli padijuukaali leni li ñincabili padili po.

Jan n diani U Tienu Laabaaliŋamo maama 14:3

N yaa gedi ki ban ŋanbi yipo u kaanu yeni, n baa goa ki cua ki taa yi tin yegi, ke min ye naani, yi moko baa ye lankani.

Hebilunba 2:17

Lani yaa po, li den tie tiladi ke wan tua nani o waamu yeni li bonla kuli nni. Yeni, ke wan yaa tie yaa kopadicianba bado n gba bipo mi niñima ki go tie o nidugika wan tuuni bipo yaa tuonli U Tienu kani leni wan go den padi i *candanbaani padili ki baa sugili bi niba*tuonbiadi po maama.