Levi 15:31 - Gourmanchéma Bible

³¹ Yi baa foagidi Isalele yaaba leni li joagindi ke ban da ti kpe kelima bi joagindi po, li yaa tie ke bi joagini n yekaanu yu n ye bi siiga yeni.»

U TIENU MAAMA TILI 2013

³¹ Yi baa waani Isidayeli yaaba, ke bi yaa joagini, ban foagidi n kani, yeni bi kan kpe, kelima bi joagindi po. Li bua yedi, ke bi joagini n yekaanu yuu n ye bi siiga yeni.»

Levi 15:31 ပူးပေါင်းရင်းမြစ်များ

Pisomi 66:18

Li yaa den tie ke n pia i janbi yantiali n pali nni, Li Miali Diedo kan den cengi nni.

Esekieli 23:38

Diidi ban go tieni nni yaala: Laa daali nne ke bi go den joagini n *kaangagidiŋamu Ki go fali n fuodima dana.

Esekieli 36:17

«O ja na, cengi, Isalele yaaba n den ye bi diema nni yaa yogunu, bi tagi leni bi tuona den gundi maama hali ke bi den *joagini ma. Bi tagi den joagini npo nani yaa pua n laa o ŋmaalo yeni.

Esekieli 44:23

Bi baa bangi bi niba ban bandi ki gagidi yaala n gagidi ki ŋani leni yaala n ki gagidi siiga, yaala n joagini leni yaala n ki joagini siiga.

Esekieli 5:11

Li tie lani yaa po mini o Diedo, Li Miali Diedo yua n fo yedi: ‹Nani ŋan *joagini n *kaangagidiŋamu leni a cagindi buoli kuli, leni a biadima buoli kuli yeni, mini moko kan gbadi apo niñima. A kan ŋmadi, n baa bolini a.

Danieli 9:27

O bado yeni baa kuani leni yaa niba n yaba yaa ŋantaado n pa, ki dagidi leni ba a binleleedi-juodikaana nni. O baa yaa tendi ke U Tienu *padijuukaana leni o pienma pada n da go yaa padi hali ki pundi bina taa leni boagidima. Wani o bolinka yeni baa yaa tiendi yaa tuoncagindi n bia ki pendi hali yaa bolinma n bili n baa o yuli po.› »

Levi 11:47

Yeni yi baa fidi ki gagidi ki bandi yaala n joagini leni yaala n ŋani, yin baa ŋmani yaa yandi leni yin kan ŋmani yaa yandi yaa paadima.

Levi 13:59

Lani n tie mi gbaadima n cuo yaa tiayiekaadi ke ti tie ti pekobidi bi len bi i gaali leni u suobu, bi yaa bonla n jabi leni ti gbandi yaa *balimaama. Lani n tie yaala n baa fidi ki doagidi ki waani ke li ŋani bi ke li joagini.

Levi 15:32

Lani n tie yaa *bali maama n ye o fado n cuo yaaba leni yaa jaba n biidi bi tiadi ki joagini biba po,

Levi 19:30

Yin yaa kubi mani n fuodima dana, ki yaa fangi n *kaangagidiŋamu. N tie Li Miali Diedo.

Levi 20:3

Mini mo baa *buli n nunga laa nilo po ki paadi ki ñani o o buolu nni kelima o den padi o biga Moloko po. O*joagini n *kaangagidiŋamu ki biidi n yeli yaali n gagidi.

Levi 21:23

Ama o kan nagini bu *kpalidoaginkaabu, o kan nagini li *padibinbinli kelima o pia poadi o gbanandi nni. O kan nagini ki joagini n kaangagidiŋamu. N tie Li Miali Diedo Yua n Gagidi ki ŋanbidi yi.»

Mi Coadima 19:13

Yua n sii tinkpiloba, bi kpiemo gbanandi, kaa ŋanbi o yuli, joagindi Li Miali Diedo gbandieli. Ban ñani laa nilo Isalele yaaba siiga. Nani yaa ñima n ñandi ti joagindi n ki den wuli opo yeni, o joagindi baa yaa baa ye leni o.

Mi Coadima 19:20

Yaa nilo n joagini kaa ŋanbi o yuli ki ñani ti, ban ñani o li nitaanli nni kelima o joagini Li Miali Diedo *kaangagidiŋamu. Nani yaa ñima n ñandi ti joagindi n ki wuli opo yeni, o baa joagini.

Mi Coadima 5:3

Li yaa tie jaba bi puoba, yin ñani ba li nagili nni ke ban da joagini li nagili min ye yaali yaa siiga.»

1 Korenti 3:17

Yua n bolini U Tienu diegu kuli, U Tienu baa bolini o. Kelima U Tienu dieli gagidi ki ŋani, yinba n tie laa dieli.

Mi Tiadima 24:8

Fangi mani yi yula leni mi *gbaadima yaa fala, ki nan kubi bonŋanla ki go tieni bi kopadicianba Lefi buolu yaaba n bangi yi yaala kuli. Yi baa tieni ki go kubi min teni ba yaa ñoabona yeni.

Hebilunba 10:29

Lanwani, yua n fali U Tienu Bijua, ki nua ke o ŋantaado yaa soama yaama den n ŋuudi ki ŋanbi o yeni tie fanma, ki go sugi li *ŋanbili-paabu Fuoma, naani o yaa cuonu ka baa bia ki cie?

Jude 1:4

Kelima bi nitianba wuoni ki kua yi siiga, i Diani n den maadi yaaba yaa bujiali cuonu hali yogu. Bi tie U Tienu yiekaaba, yaaba n lebidi ti Tienu *ŋanbili ke lan tua mi conconma bonla. Bi go yie Jesu Kilisiti, wani yua bebe n tie ti Canbaa leni ti Diedo.

1 Samueli 3:14

Li tie lani yaa po ke n poli Eli diegu po ki yedi ke Eli diegu tuonbiaciandi kan baa sugili hali abada, baa a pada bi wan baa pa nni yaa paabu kan teni ban baa sugili.»