Levi 13:45 - Gourmanchéma Bible

⁴⁵ Gbaado kuli baa laa ti tiacadinti, ki kan yaa ciibi liba. O go baa pii o ñoabu ki yaa kpaani ki tua: ‹Joagindi! Joagindi!›

U TIENU MAAMA TILI 2013

⁴⁵ Gbaado kuli baa la ti tiacadinti, ki kan yaa ciibi liba. O go baa yaa pii o ñoabu, ki yaa kpaani ki tua: ‹Joagindi! Joagindi!›

Levi 13:45 ပူးပေါင်းရင်းမြစ်များ

Mi cilima 37:29

Lubena den guani ki cua li cakuonli yeni kani ki sua ke Josefi naa go ye li niinni.

2 Samueli 13:19

O den taa mi fantanpienma ki wuli o yuli po, ki ban buudi ki kuudi ki caa.

2 Bi Badiba 7:3

Gbaada naa den ye u dogu bilinu buliñoabu nni. Bi den yedi biyaba: «Be yaa po ke ti baa yaa ye ne hali ki ban kpe.

Jobi 1:20

Lanwani Joba den fii sedi ki padi o liadicianli ki kuo o yuli. Li yaa puoli o den labini ki pugi U Tienu,

Jobi 42:6

Lani n teni n tuo ke i tagili tie n yii Ki gba mi fantanpiema leni mi tama nni ki miadi sugili.»

Pisomi 51:3

Ŋain U Tienu, gbadi npo mi niñima a *ŋanbili nni. A niñingbadicianma po, duuni ki ñani npo n tagili.

Pisomi 51:5

Kelima n tuo ki bandi n tagili, Yogunu kuli n tuonbiadi ye n nintuali.

Esayi 52:11

Gedi mani, gedi mani, ña mani Babilona diema nni! Da sii yaala n joagini kuli! Ña mani mi diema yeni siiga! Ŋanbi mani yiba, Yinba yaaba n tugi Li Miali Diedo tadimu yeni!

Esayi 6:5

N den yedi: «Ŋain, n bia n yeni! Kelima n tie yua yaa ñoacuuna n *joagini, ke n go ye yaa nibuolu yaaba yaa ñoacuuna n joagini siiga. N nuni mo laa o Bado Li Miali Diedo U Paaciamu Kuli Daano.»

Esayi 64:6

Baa niyendo ki go ye, yua n taagi a yeli ki jaandi ki miadi a, Yua jidi o guama ki baa tieni a o jigi. Lani yaa po a buli ti a nunga, Ki ŋa ti ke ti ŋmadi ki baali Kelima ti tagili po.

Jeremi 3:25

Ti fe n tie ti duankaagu Ti jigidima mo n tie ti kpalipinkaabu. Kelima tinba leni ti baanba, Ti tieni ti *tuonbiadi Li Miali Diedo ti Tienu po. Ki cili ti panma yogunu ki ban pundi hali dinla Tii cengi Li Miali Diedo ti Tienu yedima.

Jeremi 36:24

O bado leni o naacenba yaaba n den gbadi laa maama kuli jawaandi naa den cuo ba, bi naa den padi bi tiadi.

Jeremi Bubula 4:15

Bi den kpaani ki tua: «Yaa niba n joagini yeni fuadi mani! Fuadi mani! Fuadi mani! Da sii ti mani!» Yaa yogunu ke bi tiini ki puagi i nibuoli siiga, Bi kan go fidi ki yaa ye ti siiga.

Esekieli 24:17

Ŋan yaa duni a pali nne ki nan da doagidi mi kuuma paboanli. Ama, ŋan fini a yufinfinjuadi, pili a cacaadi, da pigini a ñoakobidi, ki da go je nitoaba jiema.»

Esekieli 24:22

Lanwani yi baa tieni nani min tieni maama. Yi kan pigini yi ñoakobidi, yi kan je nitoaba jiema mo.

Joeli 2:13

Da padi mani yi tiayiekaadi bebe ka, Se yin lebidi yi yama.› Lebidi mani ki cua Li Miali Diedo yi Tienu kani, Kelima o juogidi yi ki gba yipo mi niñima, Ki pia li juunli leni li *ŋanbili. O yen lebidi o yama ki cedi ki kan tieni Wan den jagi ke o baa tieni o nilo yaala.

Levi 10:6

Musa den maadi leni Alono, leni o bijaba Eleyasala leni Itamali, ki yedi: «Yin da ŋa yi yudi ki kan ŋanbi ti, yin da padi yi tiadi ki doagidi ke yi ye leni mi kuuma paboanli ke yin da ti kpe, yin go da ti fiini Li Miali Diedo pali li nitaanli kuli po. Cedi mani yi kpiiba, Isalele yaaba kule n mua i kumoe Li Miali Diedo n teni ke mi fantama kpa yaaba yeni po.

Levi 13:44

O kopadiciamo baa doagidi ki waani ke o joagini kelima o yulega ya n ye o yupidili puoli bi li liiga yeni po.

Levi 21:10

Yaa kopadiciamo n tie o lieba po bi kopadicianba bado, ban den wuli mi sogima kpama yua yaa yuli po yeni, ki go lani yua yaa tiadi n gagidi ki gagidi o yeni, kan ŋa o yudi tin yaa coa. O kan padi o tiadi mo.

Mise 3:7

Yaaba n pua sawali kuli baa pii bi nunmu kelima i fe po, Kelima U Tienu kan guani bipo liba.

Mi Coadima 5:2

«Ŋan teni Isalele yaaba kuli n deli ki ñani li nagili nni mi *gbaadima n cuo yua bi yua n pia *fado, bi yua n*joagini kelima o sii kpiemo po.

Luki 17:12

O den baa kua doyendu nni ke *gbaada piiga den kpendi ki baa tuogi o. Bi den sedi foagima ki kpaani:

Luki 5:8

Simono Pieli n den laa lani, o den gbaani Jesu nintuali ki yedi: «N Daano, foagidi n kani kelima n tie *tuonbiadi daano.»