Levi 13:25 - Gourmanchéma Bible

²⁵ Li legili yeni yaa kobidi yaa pendi ke li gbangu mo mia, li tie mi gbaadima n doagidi mi fantama n fuli ki kabi o gbanu naani yeni. O kopadiciamo baa doagidi ki waani ke o nilo yeni joagini kelima li tie gbaadima yaa legili.

U TIENU MAAMA TILI 2013

²⁵ Li legili yeni kobidi yaa pendi ke li gbangu mo mia, li tie mi gbaadima n doagidi u mu n fuli ki kabi o gbanu naani yeni. O kopadiciamo baa doagidi ki waani ke o nilo yeni joagini, kelima li tie gbaadima yaa legile.

Levi 13:25 ပူးပေါင်းရင်းမြစ်များ

2 Bi Badiba 5:27

To! Moala Naama gbaadima baa puodi a, fini leni a yaabila hali yaa yogunu kuli!» Gehasi den ñani Elise kani ke mi gbaadima cuo o ke o pieni nani ti kunkundi yeni.

Mi Ñama 4:6

Li Miali Diedo go den yedi o: «Kubini a nuu a liadili nni.» O den kubini o nuu o liadili nni. Wan den ñani o nuu o liadili nni o den sua ke mi *gbaadima cuo o nuu ke u pendi paipai nani a tatana yeni.

Levi 13:24

Li yaa tie ke o nilo gbanu po pia yaa kaanu n kabi ki boandi kelima mi fantama n fuli o likani, ke li kaanu cili ki tieni yaa legili n pieni, yaaka yaali n moani, o kopadiciamo baa biigi li legili yeni.

Levi 13:26

O kopadiciamo yaa laa ke li legili kobidi naa pendi, ke li gbangu mo naa mia, ke yaala n moani mo bua ki bodi, o baa piadi ki luoni o nilo yeni dana lele.

Levi 13:4

Li yaa tie ke o sua ke li legili yeni yaa gbangu naa mia ke li kobidi mo naa pieni, o kopadiciamo yeni baa piadi ki luoni yaa nilo n pia li legili yeni hali dana lele.

Mi Coadima 12:10

Ku tawaligu den kagidi ki ŋa li gbandieli. Mi *gbaadima den pudi Miliyami gbanu po, ki pieni paipai. Alono den gbegi ki diidi o ki sua ke mi gbaadima n cuo o.